Home ព័ត៌មានអន្តរជាតិ អ្នក​ក្រុង​ប៉...

អ្នក​ក្រុង​ប៉េកាំង​តម្រៀបជួរ​ដ៏​វែង​រង់ចាំ​ធ្វើតេស្តិ៍​រក​កូវី​ដ​១៩

​ប្រែ​សម្រួលៈ​វាសនា​/​ប៉េកាំង​៖ រដ្ឋាភិបាល​ក្រុង​ប៉េកាំ​ង​បាន​បញ្ជា​អោយ​ធ្វើ​តេ​ស្តិ៍​រក​វីរុស​កូរ៉ូណា​លើ​មនុស្ស​ប្រមាណ​២​លាន​នាក់​បន្ថែមទៀត​នៅក្នុង​ចំ​កណ្តាល​ទីក្រុង​បន្ទាប់​ពី​ការ​រក​ឃើញ​អ្នក​ឆ្លងកូវី​ដ​១៩​ថ្មី​នៅក្នុង​រដ្ឋធានី​ចិន​។​

​នាយកដ្ឋាន​សុខាភិបាល​របស់​ទីក្រុង​បាន​និយាយថា អ្នករស់នៅ​ក្នុង​សង្កាត់​ស៊ី​ឆេង និង ដុង​ឆេង ទាំងអស់​តំរូវអោយ​ធ្វើ​តេ​ស្តិ៍រក​វីរុស​កូរ៉ូណា​កាលពី​ថ្ងៃ​សុក្រ និង​ថ្ងៃ​សៅរ៍​ទី​២៣​មករា ហើយ​លទ្ធផល​ធ្វើតេស្តិ៍​​នឹង​ត្រូវ​បញ្ជូន​ចូល​ក្នុង​កម្មវិធី​ក្នុង​ទូរស័ព្ទ​នៅ​ប៉ុន្មាន​ម៉ោង​ក្រោយ​។​

​នៅ​សង្កាត់​ដុង​ឆេង មនុស្ស​រាប់ពាន់​នាក់​បាន​ឈរ​តម្រៀបជួរ​ក្នុង​សីតុណ្ហភាព​ត្រជាក់​នៅ​ជុំវិញ​កាច់ជ្រុង​មួ​យ​និង​ប្លុក​អាគារ​ជាច្រើន​ដើម្បី​រង់ចាំ​ចូល​ក្នុង​អាគារ​ធ្វើតេស្តិ៍​រក​វីរុស តែ​គ្រប់គ្នា​បាន​ពាក់​ម៉ាស់​។​

​ការ​ធ្វើតេស្តិ៍​បែប​ជា​កាតព្វកិច្ច​នេះ ជា​ទំរង់​នៃ​វិធានការ​របស់​ចិន​ដើម្បី​ទប់ស្កាត់​ការផ្ទុះកូ​វីដ​១៩​នៅ​រលក​ទី​២ ដោយ​ហាង​ទំនិញ អាគារ​ការិយាល័យ​និង​អាគារ​ស្នាក់​នៅ​ឥឡូវ​តំរូវអោយ​មាន​ការបញ្ជាក់​ភស្តុ​​តាង​ថា​បាន​ធ្វើតេស្តិ៍​អវិជ្ជ​មាន​កូវី​ដ​១៩​នៅ​លើ​កម្មវិធី​ក្នុង​ទូរស័ព្ទដៃ ដើម្បី​អាច​ចូល​ក្នុង​ទីកន្លែង​ទាំងនោះ​បាន​។​

​ទីក្រុង​ប៉េកាំង​បាន​រក​ឃើញ​អ្នក​ឆ្លង​ថ្មី​តែ​បួនដប់​ករណី​ទេ​នៅ​មួយ​សប្តាហ៍​មក​នេះ តែ​ការ​តាម​ស្វែងរក​ប្រភព​ឆ្លង​ដ៏​ស្វិតស្វាញ​នាំ​ដល់​ការបញ្ជា​អោយ​ធ្វើតេស្តិ៍​ជន​ទាំងឡាយណា​ដែល​អាច​ប៉ះពាល់​ទាក់​ទង​ជាមួយ​អ្នក​ផ្ទុក​វីរុស​៕

​ប្រជាជន​ក្នុង​ក្រុង​ប៉េកាំង​ពាក់​ម៉ាស់​ឈរ​ក្នុង​អាកាសធាតុ​ត្រជាក់​រង់ចាំ​ការចូល​ធ្វើតេស្តិ៍​រក​វីរុស​កាលពី​ថ្ងៃ​សុក្រ​

ទីតាំងផ្សាយពាណិជ្ជកម្ម

- Advertisment -

Most Popular