មន្ទីរ​កិច្ចការនារី​រាជធានី​ភ្នំពេញ​បើក​កិច្ចប្រជុំ​បូកសរុប​ការងារ​ប្រចាំឆ្នាំ ២០២០​និង​ទិសដៅ​ការងារ​ឆ្នាំ​២០២១

ដោយ​: មុនី​រ័ត្ន / ភ្នំពេញ​: មន្ទីរ​កិច្ចការនារី​រាជធានី​ភ្នំពេញ បាន​បើក​កិច្ចប្រជុំ​បូកសរុប​ការងារ​ប្រចាំឆ្នាំ​២០២០ និង​ទិសដៅ​ការងារ​ឆ្នាំ​២០២១ នៅ​ថ្ងែ​ទី​២២ ខែមករា ឆ្នាំ​២០២១ នេះ ក្រោម​អធិបតីភាព​លោកស្រី កាន់ រតនៈ​ឧប្បល ប្រធាន​មន្ទីរ​កិច្ចការនារី​រាជធានី​ភ្នំពេញ​។

​លោកស្រី កាន់ រតនៈ​ឧប្បល ប្រធាន​មន្ទីរ​កិច្ច​នារី​រាជធានី​ភ្នំពេញ បាន​ថ្លែងថា ឆ្នាំ​២០២០ គឺជា​ឆ្នាំ អាក្រក់​បំផុត​សម្រាប់​ពិភពលោក​ទាំង មូល ដោយសារ​តែមាន ការឆ្លង រាលដាល​ជា​សាកល​នៃ​ជំងឺ​វីរុស​កូ​វីត​១៩​ថ្មី បានធ្វើ​ឲ្យ​មានការ​ស្លាប់​មនុស្ស​រាប់​លាន​នាក់​និង បណ្តា​ប្រទេស​នានា​លើ​ពិភពលោក​សុទ្ធតែ​រង​ផលប៉ះពាល់ គ្រប់ផ្នែក ពី​ជំងឺ​ផ្លូវដង្ហើម​ដ៍​កាច​សាហាវ​នេះ​។ ជាមួយគ្នា​នោះដែរ​ព្រះរាជា​ណា​ច​កម្ពុជា​បានទទួល រង​នូវ​ផលប៉ះពាល់​ពី​ជំងឺ​វីរុស​កូ​វីត​១៩​ថ្មី​នេះ​ផងដែរ បានធ្វើ​ឲ្យ វិស័យ​នានា​ត្រូវបាន​ជាប់គាំង និង​បានធ្វើ​ឲ្យ​សេដ្ឋកិច្ចជាតិ​ធ្លាក់ចុះ​យ៉ាង​គំ​ហ​គ់ ប៉ះ ពាល់​ជីវភាព​រស់នៅ​របស់​ប្រជាពលរដ្ឋ​គ្រប់ៗ​គ្នា​។ ទោះបីជា​ប្រទេស​កម្ពុជា​ទទួលរង​ផលប៉ះពាល់​លើ​វិស័យសេដ្ឋកិច្ច សង្គម ពី​ជំងឺ​កូ​វីត​១៩​ថ្មី​យ៉ាង ណា ក៍​មន្ត្រី​នៃ​មន្ទីរ​កិច្ចការនារី​រាជធានី​ភ្នំពេញ បានរួម​សហការគ្នា បំពេញ​ងារ​ការ​តាម​វិស័យ​រៀងៗ​ខ្លួន​ដោយ​សស្រាក់សស្រាំ​បំផុត​ដោយ មាន ការទទួល ខុសត្រូវ​ខ្ពស់​រហូត​សម្រេចបាន​លទ្ធផល​ការងារ​លើស ពី​ការរំពឹងទុក​។​


​លោកស្រី​កាន់ រតនៈ​ឧប្បល បាន​បញ្ជាក់ថា មន្ទីរ​កិច្ចការនារី​រាជធានី​ភ្នំពេញ ដែលជា​ផ្នែក​មួយ​យ៉ាងសំខាន់ របស់​ក្រសួង​កិច្ចការនារី នៅក្នុង​ឆ្នាំ​២០២០​កន្លងមកនេះ​បាន​អនុវត្ត​ផែនការ​គោល សំខាន់ៗ​ទទួលបាន​ជោគជ័យ​។ ការងារ​គោល​សំខាន់ៗ ដែល​មន្ទីរ​បាន​បំពេញ​ក្នុង​ឆ្នាំ​២០២០​កន្លងមក​រួមមាន​៖
១.​ការពង្រឹង​ភាព​អង់អាច​ផ្នែក​សេដ្ឋកិច្ច​ដល់​ស្ត្រី​និង​ក្មេងស្រី
២.​ការលើក​កំពស់​ការអប់រំ​ដល់​ស្ត្រី​និង​ក្មេងស្រី
៣.​ការលើក​កំពស់​សុខភាព ស្ត្រី​និង​ក្មេងស្រី
៤.​កិច្ចការពារ​ផ្លូវច្បាប់​សម្រាប់​ស្ត្រី​និង​ក្មេងស្រី
៥.​ស្ត្រី​ក្នុង​វិស័យ​សាធារណៈ​និង​នយោបាយ
៦.​ការពង្រឹង​សមត្ថភាព និង​ការងារ​អភិវឌ្ឍន៍​ស្ថាប័ន …​។​

​ប្រធាន​មន្ទីរ​កិច្ចការនារី​រាជធានី​ភ្នំពេញ​បញ្ជាក់ថា មន្ទីរ​បន្ត​អនុវត្ត​ផែនការ​សកម្មភាព​ជាតិ​ស្តីពី ការទប់ស្កាត់​អំពើហិង្សា​លើ​ស្ត្រី ២០១៩- ២០២៣ ត្រូវបាន​រៀបចំឡើង ផ្អែក លើ​កត្តា​ជោគជ័យ បទពិសោធ​និង​មេរៀន​ដែល​បានមកពី​ការអនុវត្ត ផែនការ សកម្មភាព​ជាតិ​ស្តីពី ការ​ទប់ ស្កាត់​ហិង្សា​លើ​ស្ត្រី នា​ឆ្នាំកន្លងមក​។ នៅក្នុង​ផ្នែក​កិច្ចការពារ ផ្លូវច្បាប់​និង​សេវា​ពហុ​វិស័យ មាន​គោលបំណង​កសាង ភាពជោគជ័យ​ផ្អែកលើ​ការអភិវឌ្ឍ​បទដ្ឋាន​នានា​និង ការកែលម្អ​កិច្ច​សម្រប សម្រួល​ឱ្យ​កាន់តែ​ប្រសើរឡើង ការអភិវឌ្ឍ​សមត្ថភាព​ដៃគូ​ពាក់ព័ន្ធ សំខាន់ៗ ក្នុង​កិច្ច​សហ​ការផ្តល់សេវា​ជួយ​ជនរងគ្រោះ​ឱ្យ​កាន់តែ​ល្អប្រសើរ​ជាង​មុន ដោយ​ផ្អែក​តាម​អភិក្រម​ផ្តោតលើ​ជនរងគ្រោះ និង​កិច្ច​អន្តរាគមន៍​ប្រកបដោយ បរិ​យាប​ន្ន​។ ផែនការ​នេះ​នឹង​ផ្តោត​ការយកចិត្ត​ទុក ដាក់​លើ​ការពង្រឹង​ការយល់ដឹង ការអនុវត្ត​និង​ការជំរុញ​ការអនុវត្ត​ច្បាប់​និង​គោលនយោបាយ​នានា​នៅ​ថ្នាក់ក្រោម​ជាតិ​ដែល​ក្រសួង​បានកំណត់​។ នៅ​ឆ្នាំ​២០២១ មន្ទីរ​បន្ត​ពិនិត្យ​ដោះស្រាយ​នូវ​បញ្ហា​ប្រឈម​និង​ចំណុច​ខ្វះខាត ដោយ​ផ្អែកលើ ការ អនុវត្ត ជាក់ស្តែង​៕​

ទីតាំងផ្សាយពាណិជ្ជកម្ម

- Advertisment -

Most Popular