Home ព័ត៌មានជាតិ សង្គម មន្រ្តីឧទ្យាន...

មន្រ្តីឧទ្យានុរក្ស៦នាក់បានទទួលប័ណ្ណសរសើរដែនជម្រកសត្វព្រៃស្រែពកនិងដែនជម្រកសត្វព្រៃភ្នំព្រេច

ដោយ៖ដេប៉ូ

មណ្ឌលគិរី៖មន្ត្រី​ឧទ្យានុរក្ស​ឆ្នើម ​៦​រូបនៃដែនជម្រកសត្វព្រៃស្រែពកនិងដែនជម្រកសត្វព្រៃភ្នំព្រេច ​ទទួល​បាន​ប័ណ្ណសរសើរ​មេត្រីភាព​ពី​ក្រសួងបរិស្ថាន​មន្ត្រី​ឧ​ទ្យា​នុ​រក្ស​ឆ្នើម​ចំនួន​ ០៦​រូប ​ទទួលបាន​ប័ណ្ណសរសើរ​មេត្រីភាព​ពី​ក្រសួងបរិស្ថាន ក្នុងនោះ ​រួមមាន​មន្ត្រី​ឧ​ទ្យា​នុ​រក្ស​ ០៣​រូប ​បំពេញការងារ​ក្នុង​ដែនជម្រកសត្វព្រៃ​ស្រែ​ពក និង​៣​រូប​ទៀត​បំពេញ ការងារ​យ៉ាងសកម្ម​ក្នុង​ដែនជម្រកសត្វព្រៃ​ភ្នំ​ព្រេច នៃ​ខេត្តមណ្ឌលគិរី​។

លោក នេត្រ ភ​ក្ត្រា រដ្ឋលេខាធិការ​ក្រសួងបរិស្ថាន បាន​ប្រគល់​ដល់​មន្ត្រី​ឧ​ទ្យា​នុ​រក្ស​ឆ្នើម​ទាំង​ ០៦​រូប ​ដោយផ្ទាល់​នៅ​ទីស្នាក់ការ ត្រពាំង​ធ្មៀរ​ក្នុង​ដែនជម្រកសត្វព្រៃ​ស្រែ​ពក កាលពីថ្មីៗមកនេះក្នុងឱកាស​ដឹកនាំ ក្រុម​អ្នកសារព័ត៌មាន​ចុះ​ទស្សនកិច្ច​ស្វែងយល់​ពី​សក្ដានុពល​នៃ​ដែនជម្រកសត្វព្រៃ​ស្រែ​ពក​។

លោកថ្លែងថា” មន្ត្រីឧទ្យានុរក្សដែលក្រសួងបរិស្ថានបានចាត់ទុកថាជាឆ្មាំការពារព្រៃឈើ និងជាអ្នកនៅជួរមុខដើម្បីអភិរក្សធនធានធម្មជាតិ”។

លោករដ្ឋលេខាធិការបានបញ្ជាក់ថា ប័ណ្ណសរសើរ​​មេត្រីភាព​នេះ គឺជា​សក្ខីភាព​បញ្ជាក់​ពី​ការ​លះបង់​កម្លាំងកាយ កម្លាំងចិត្ត​ដ៏​មោះមុត​ក្នុងការ​បំពេញការងារ​ការពារ​ធនធានធម្មជាតិ​នៅ​កម្ពុជា​។ វវាជាការលើកទឹកចិត្ត​ដល់​មន្ត្រី​ឧ​ទ្យា​នុ​រក្ស​បន្តបំពេញការងារប្រកបដោយការទទួលខុសត្រូវនិងបន្តបង្កើនសមត្ថភាពវិជ្ជាជីវៈរបស់ខ្លួន។

ជាមួយគ្នានេះលោកបានថ្លែងអំណរគុណដល់ក្រុមគ្រួសារមន្ត្រីឧទ្យានុរក្សជាពិសេសឪពុកម្តាយ ភរិយា/ស្វាមី កូនៗរបស់មន្ត្រីឧទ្យានុរក្សដែលបានអនុញ្ញាតឱ្យកូន ស្វាមីឬភរិយារបស់ខ្លួនចូលរួមក្នុងការងារអភិរក្សធនធានធម្មជាតិដែលជាការងារប្រឈមខ្លាំងជាពិសេសជាមួយក្រុមជនល្មើស។

​​​          ក្រៅពី​ទទួលបាន​ប័ណ្ណសរសើរ​ពី​ក្រសួងបរិស្ថាន មន្ត្រី​ឧ​ទ្យា​នុ​រក្ស​ទាំងអស់​ក្នុង​ដែន​ជម្រក សត្វព្រៃ​ស្រែ​ពក និង​ដែនជម្រកសត្វព្រៃ​ភ្នំ​ព្រេច ក៏​ទទួលបាន​បណ្ណ​សរសើរ​ពី​អង្គការ WWF ដែលជាដៃគូសហការរបស់ក្រសួងបរិស្ថានផងដែរ​៕

ទីតាំងផ្សាយពាណិជ្ជកម្ម

- Advertisment -

Most Popular