Home ព័ត៌មានអន្តរជាតិ អ្នក​ហុងកុង​រ...

អ្នក​ហុងកុង​រាប់ពាន់នាក់​ត្រូវបាន​បង្ខាំង​ដើម្បី​ទប់ស្កាត់​វីរុស​កូរ៉ូណា​

ប្រែ​សម្រួលៈ​វាសនា​/​ហុងកុង​៖​អ្នក​ក្រុង​ហុងកុង​រាប់ពាន់​នាក់​ត្រូវបាន​ហាមឃាត់​មិន​អោយ​ចេញ​ទៅណា​កាលពី​ថ្ងៃ​សៅរ៍​ទី​២៣​មករា​នៅក្នុង​ចំណាត់ការ​មិន​ដែល​មាន​ពី​មុន​មួយ​ដើម្បី​ទប់​កុំ​អោយ​ផ្ទុះ​រាល​​ដាល​ជំងឺ​កូវី​ដ​១៩ ឬ​វីរុស​កូរ៉ូណា នៅក្នុង​ទីក្រុង​។​

​ហុងកុង​បាន​និង​កំពុង​ប្រឈម​ដោះស្រាយ​ការផ្ទុះ​ជំងឺឆ្លង​នេះ​នៅ​រលក​ថ្មី​ចាប់តាំងពី​ខែវិច្ឆិកា​មក​ដោយ​អ្នក​ឆ្លង​ជាង​៤.៣០០​នាក់​(​ស្មើ​៤០​ភាគរយ​នៃ​ការឆ្លង​សរុប​នៅក្នុង​ទីក្រុង​នេះ​)​ត្រូវបាន​រកឃើញ​​នៅក្នុង​រយៈ​២​ខែ​មកនេះ​។​

​ការ​រក​ឃើញ​អ្នក​ឆ្លង​វីរុស​កូរ៉ូ​ណា​នៅ​សង្កាត់​ក្រីក្រ​យ៉ាវ ស៊ីម​ម៉ុង តំណាង​អោយ​ការឆ្លង​ពាក់កណ្តាល​នៅ​មួយ​សប្តាហ៍​មក​នេះ​។​ការធ្វើតេ​ស្តិ៍ទឹក​ស្អុយ​តាម​លូក៏​ត្រូវបាន​ធ្វើឡើង​ដើម្បី​តាម​រក​ប្រភព​ចម្លង តែ​​វា​បង្ក​ការព្រួយបារម្ភ​ថា ប្រព័ន្ធ​បង្ហូរ​ទឹកស្អុយ​ស្តង់ដា​ទាប​និង​ការខ្វះចន្លោះ​សំរាប់​ខ្យល់​ចេញចូល​អាច​ជួយ​បង្ក​អោយ​ការឆ្លង​វីរុស​នៅ​កន្លែង​នេះ​។​

​អាជ្ញាធរ​បាន​និយាយ​កាលពី​ថ្ងៃ​សៅ​រ៍ថា តំបន់​មួយ​ដែល​មាន​អាគារ​១៦​នៅ​សង្កាត់​យ៉ាវ ស៊ីម​ម៉ុង​នឹងត្រូវ​បិទ​រហូត​ដល់​អ្នករស់នៅ​ក្នុង​តំបន់​នេះ​បាន​ធ្វើតេស្តិ៍​ចប់សព្វគ្រប់​។​ពួកគេ​នឹង​មិន​ត្រូវអោយ​ចាក​​ចេញ​ទៅ​ណា​ទេ​មុន​ទទួលបាន​លទ្ធផល​ធ្វើតេស្តិ៍​ដើម្បី​ទប់ស្កាត់​ការចម្លង​វីរុស​៕

​មន្ត្រី​និង​បុគ្គលិក​វេជ្ជសាស្ត្ររ​ហុងកុង ក្នុង​ឈុត​ការពារ​វីរុស​ចុះ​ទៅ​កាន់​សង្កាត់​មួយ​ក្នុង​ក្រុង​ដើម្បី​ណែនាំ​ប្រជាជន​និង​ចាប់ផ្តើម​ធ្វើតេស្តិ៍​ប្រជាជន​មូលដ្ឋា​ន​កាល​ពី​ថ្ងៃសៅរ៍​

 

ទីតាំងផ្សាយពាណិជ្ជកម្ម

- Advertisment -

Most Popular