Home ព័ត៌មានជាតិ សន្តិសុខ សមត្ថកិច្ច កំ...

សមត្ថកិច្ច កំពុង​ស្រាវជ្រាវ​រក សាច់ញាតិ​សព​បុរស​ម្នាក់ ដោយសារ​គ្រោះថ្នាក់​ចរាចរណ៍

ដោយៈ វណ្ណៈ / ព្រះសីហនុៈ បុរស​ម្នាក់ បាន​ស្លាប់ នៅ​កន្លែងកើតហេតុ ដោយសារ គ្រោះថ្នាក់​ចរាចរណ៍ ដែល​បង្កឡើង​រវាង រថយន្ត​កុងតឺន័រ និង​ម៉ូតូ ហើយ​សមត្ថកិច្ច បាន​ប្រាប់ថាៈ ជនរងគ្រោះ មិន​ស្គាល់​អត្តសញ្ញាណ នៅឡើយ​ទេ ។ ករណីនេះ បានកើត​ឡើង លើ​កំណាត់​ផ្លូវជាតិ​លេខ​៤ ត្រង់​ចន្លោះ​គីឡូម៉ែត្រ លេខ ១៩៤-១៩៥ ភូមិ​អូរ​ចំណារ ឃុំ​អូរ​ឧកញ៉ា​ហេង ស្រុក​ព្រៃនប់ ខេត្ត​ព្រះសីហនុ វេលា​ម៉ោង​ជិត ៩ យប់ ថ្ងៃទី​២២ ខែមករា ឆ្នាំ ២០២១ ។

​សមត្ថកិច្ច បានបញ្ជាក់​ថាៈ ម៉ូតូ​ម៉ាក SUZUKI NEX ពណ៌​ក្រហម គ្មាន​ស្លាក​លេខ​មាន ទិសដៅ ចេញពី​ខេត្ត​ព្រះសីហនុ មកដល់​ចំណុចកើតហេតុ អ្នកបើក​ម៉ូតូ បាន​វ៉ា​ជែង មក​ខាងឆ្វេង​ដៃ រួច​បុក​ចូល​រថយន្ត ដឹក​កុងតឺន័រ ម៉ាក HYUNDAI ពណ៌​ស ពាក់​ផ្លាកលេខ ព្រះសីហនុ 3A-6610 ទិសដៅ​ផ្ទុយគ្នា បណ្តាល​ឲ្យ​អ្នកបើកបរ​ម៉ូតូ (​មិនទាន់​ស្គាល់ឈ្មោះ​) ស្លាប់​នៅនឹងកន្លែង​កើតហេតុ ។

​បច្ចុប្បន្ន សមត្ថកិច្ច កំពុង​ស្រាវជ្រាវ​រក សាច់ញាតិ​សព​បុរស ដោយសារ​គ្រោះថ្នាក់​ចរាចរណ៍ រីឯ​វត្ថុតាង​រថយន្ត និង​ម៉ូតូ បាន​ត្រូវ​សមត្ថកិច្ច យកមក​រក្សាទុក នៅ​អធិការដ្ឋាន​នគរបាល ស្រុក​ព្រៃនប់ ។ ដោយឡែក អ្នកបើកបរ​រថយន្ត (​មិនទាន់​ស្គាល់ឈ្មោះ​) បាន​រត់​គេចខ្លួនបាត់ ក្រោយពេល​កើតហេតុ ៕/V​-PC

ទីតាំងផ្សាយពាណិជ្ជកម្ម

- Advertisment -

Most Popular