Home ព័ត៌មានជាតិ សេដ្ឋកិច្ច ឯកអគ្គរដ្ឋទូត...

ឯកអគ្គរដ្ឋទូត​អាមេរិក សន្យា​ជួយ​ក្រុមហ៊ុន​អេ​ម​រុ​រ៉ា​យស៍​ដើម្បី​នាំ​ស្រូវ​-​អង្ករ​ទៅកាន់​ទីផ្សារ អាមេរិក​

ដោយៈ​បញ្ញា​សាស្ត្រ​/​ភ្នំពេញៈ ដោយសារតែ​ទទួលបាន​កម្រិតស្តង់ដា​អន្តរជាតិ​ដំបូង​គេ នៅ​កម្ពុជា នៃ​សង្វាក់​ផលិតកម្ម របស់​ក្រុមហ៊ុន​អេ​ម​រុ​រា​យស៍ (Amru Rice) ដែលជា​ក្រុមហ៊ុន ដ៏​ធំ​មួយ​ផលិត​អង្ករ​នាំ​ចេញទៅ​ទីផ្សារ​អន្ដរជាតិ​នោះ ក្រុមហ៊ុន​មួយ​នេះ កាន់តែ​ទទួលបាន ភាពជឿជាក់​បន្ថែម ខណៈដែល លោក ផា​ទ្រិ​ក ម័​ហ្វី ( W. Patrick Murply) ឯកអគ្គរដ្ឋទូត អាមេរិក​ប្រចាំ​កម្ពុជា បា​នស​ន្សា​ថា និង​ជួយ​ធ្វើយ៉ាងណា អោយ​ក្រុមហ៊ុន អេ​ម​រុ​រា​យស៍ បាន​នាំ ស្រូវ​-​អង្ករ ទៅកាន់​ទីផ្សារ​អាមេរិក បន្ថែមទៀត​។

​អគ្គនាយក​ក្រុមហ៊ុន​អេ​ម​រុ​រ៉ា​យស៍ លោក សុង សារ៉ន បានអោយដឹងថា ក្រុមហ៊ុន​លោក បានទទួល​ឥណទាន​ពី​ធនាគារ​មួយ របស់​សហរដ្ឋអាមេរិក ហើយ​បាន​ដំឡើង​ប្រព័ន្ធ ឡស​ម្ងួ​ត ដែលជា​បច្ចេកវិទ្យា​ចុងក្រោយ​បំផុត​របស់​ប្រទេស​នេះ ដើម្បី​ផលិត​អង្ករ​តាម ស្ដង់ដា​អន្ដរជាតិ​។ លោក​ពន្យល់ថា តាមរយៈ​ប្រព័ន្ធ​នេះ​គឺ​ធានាបាន​នូវ​ស្ដង់ដា​គុណភាព ដើម្បី​ផ្គត់ផ្គង់​ទីផ្សារ​ចំណីអាហារ បង្កើន​ផលិតភាព​ក្នុងការ​ផលិត​និង​ស្ដុក​ទុក​ហើយ​តម្លៃ នៃ​ការផលិត​មាន​កម្រិត​ទាប​។ បច្ចេកវិទ្យា​នេះ ក៏​ជា​បច្ច័យ​មួយ​ក្នុងការ​ធ្វើឱ្យមាន​ទំនុកចិត្ត​ដល់ ប្រជាពលរដ្ឋ​សហរដ្ឋអាមេរិក លើ​ការទិញ​អង្ករ​ពី​ក្រុមហ៊ុន​អេ​ម​រុ​រ៉ា​យស៍​។​

​លោក​បាន​បន្ថែមថា «​សហរដ្ឋអាមេរិក​ជាទី​ផ្សារ​មួយ​សំខាន់ ដូច្នេះ​យើង​បំពាក់​បច្ចេកវិទ្យា សហរដ្ឋអាមេរិក គឺ​ធានាបាន​ដល់​ប្រជាពលរដ្ឋ​សហរដ្ឋអាមេរិក អ្នក​ហូប​មាន​ទំនុកចិត្ត​លើ បច្ចេកវិទ្យា​សហរដ្ឋអាមេរិក​ទាំងមូល ដូច្នេះ​យើង​អាច​និយាយបានថា​មិនចាំបាច់​ផលិត នៅ​សហរដ្ឋអាមេរិក​ទេ ផលិត​នៅ​កម្ពុជា​យើង​ក៏​ស្ដង់ដា​ដូច​សហរដ្ឋអាមេរិក​ដែរ​ដូច្នេះ​យើង នឹង​ពង្រីក​ទីផ្សារ​របស់​យើង​កាន់តែ​ទូលំទូលាយ​នាពេលខាងមុខ​»​។

​លោក ឯកអគ្គរដ្ឋទូត អាមេរិក​ប្រចាំ​កម្ពុជា បាន​មាន​ប្រសា​ន៍ ថា សម្រាប់​សហរដ្ឋអាមេរិក បានធ្វើការ​យ៉ាង​ជិតស្និទ្ធ ជាមួយ​ក្រុមហ៊ុន អេ​ម​រុ​រា​យស៍ ដែលជា​ក្រុមហ៊ុន​ដំបូង​បំផុត​ដែល ទទួលបាន កំចី ពី​ធនាគារ មួយ​នៅក្នុង​សហរដ្ឋអាមេរិក ដើម្បី​ធ្វើការ​ជាមួយនឹង​កសិករ ផលិត​ស្រូវ ដើម្បី​នាំចេញ​ទៅកាន់​ទីផ្សារ​សហ​រដ្ឋ​អាមេរិក និង​ទៅ​ទីផ្សារ​ក្រៅប្រទេស ។ លោក​បាន​បន្តថា សម្រាប់ អេ​ម​រុ​រា​យស៍ ជា​ក្រុមហ៊ុន​មាន​ប្រវត្តិ​ជោគជ័យ ធ្វើការ​ដៃគូ​ជាមួយ ក្រុមហ៊ុន​អន្តរជាតិ នេះ​ជា​អ្វីដែល​លោក​មាន​មោទនភាព​ចំពោះ​ក្រុមហ៊ុន អេ​ម​រុ​រា​យស៍​។

​លោក​ទូត បានចាត់ទុក​រោងចក្រ​នេះ​ថា ជា​រោងចក្រ​ដ៏​ធំជាងគេ​នៅ​កម្ពុជា ក្នុង​ការផលិត​អង្ករ តាម​ស្ដង់ដា និង​គុណភាព​នាំ​ចេញទៅ​អន្ដរជាតិ​។ លោក​ក៏បាន ប្រាប់​បន្ថែមថា ស្ថានទូត សហរដ្ឋអាមេរិក រីករាយ និង​ពេញចិត្ត​បន្ត​កិច្ចសហប្រតិបត្តិការ ដើម្បី​ជំរុញ​ទីផ្សារ​នាំចេញ​ឱ្យ កាន់តែ​ទូលំទូលាយ​។​

​សូមជម្រាបថា នៅ​ឆ្នាំ​២០២០ ថ្វី​ត្បិត​កម្ពុជា ជួប​វិបត្តិ​ជំងឺ​កូ​វីដ និង​រងគ្រោះ​ទឹកជំនន់​យ៉ាងណា ក្ដី តែ​ការនាំចេញ​អង្ករ​បាន​ចំនួន ៧០​ម៉ឺន​តោន ចំនួន​នេះ មានការ​កើនឡើង​ជាង​១០ ភាគរយ​៕​/PC

ទីតាំងផ្សាយពាណិជ្ជកម្ម

- Advertisment -

Most Popular