Home កីឡា "​ខ្ញុំ​ជា​អ្...

“​ខ្ញុំ​ជា​អ្នក​ប្រយុទ្ធ​” – ហ្វ្រែង ឡាំ​ផាត ប្តេជ្ញា​សំរេច​ជោគជ័យ​ឱ្យបាន​ក្នុងអំឡុង​ការធ្លាក់ចុះ​ទម្រង់​លេង​របស់​តោ​ខៀវ Chelsea

​ប្រែ​សម្រួល : កញ្ញា​ដា​លី​ស ៖ ហ្វ្រែង ឡាំ​ផាត ជឿជាក់​ថា​គាត់​មាន​ស្មារតី​ប្រយុទ្ធ​ដើម្បី​ជួយ​ក្រុម​កំពុង​អភិវឌ្ឍ​ខ្លួន Chelsea រក​ផ្លូវ​ចាកចេញ​ពី​ការធ្លាក់ចុះ​ដុនដាប​ក្នុង​ក្របខ័ណ្ឌ Premier League ។​

​គ្រូបង្វឹក​ក្រុម​តោ​ខៀវ Chelsea ដែល​កំពុង​រង​សម្ពាធ​ធ្ងន់ធ្ងរ​រូបនេះ​ជឿជាក់ថា ការតស៊ូ​ឆ្លងកាត់​ទម្រង់​លេង​ដ៏​អន់​របស់​ពួកគេ​អាច​មក​ពី​ការបង្កើត​ក្រុម​ដែល​មាន​កីឡាករ​វ័យក្មេង​ច្រើនពេក​។​

Chelsea នឹង​ធ្វើជា​ម្ចាស់ផ្ទះ​ទទួលភ្ញៀវ Luton ក្នុង​ការប្រកួត FA Cup ជុំ​ទី ៤ នៅឯ​កីឡដ្ឋាន Stamford Bridge នៅ​ថ្ងៃអាទិត្យ​នេះ ដោយ​គ្រូបង្វឹក​ឡាំ​ផាត​ទំនងជា​នឹងដាក់​ឈុត​ធំ​គីឡូ​ធ្ងន់​ដើម្បី​ទាញ​ទម្រង់​លេង​មកវិញ​។​

​ក្រុម​តោ​ខៀវ ដែល​កាលពី​ថ្ងៃ​សុក្រ​បានអនុញ្ញាត​ឱ្យ​ខ្សែការពារ​វ័យក្មេង ហ្វី​កាយ៉ូ តូ​ម៉ូ​រី ចូលរួម​ជាមួយ AC Milan ក្នុង​លក្ខខណ្ឌ​ខ្ចី​ជើង បាន​ចាញ់ ៥ ដង​ក្នុង​ចំណោម ៨ ប្រកួត​ចុងក្រោយ​នៃ​ក្របខ័ណ្ឌ Premier League ជាហេតុ​ធ្វើឱ្យ​ឡាំ​ផាត​ត្រូវ​ប្រឹងប្រែង​ខ្លាំង​ដើម្បី​សង្គ្រោះ​ការងារ​របស់​គាត់​។​

​ហើយ​ឥឡូវនេះ​បុរស​អាយុ ៤២ ឆ្នាំ​រូប​នេះ​បាន​សន្យាថា​នឹង​រក​វិធី​ត្រួសត្រាយ​ផ្លូវ​សម្រាប់​គាត់​និង Chelsea ចាកចេញ​ពី​បញ្ហា​។​

​ឡាំ​ផាត​និយាយថា “​ខ្ញុំ​ជា​អ្នក​ប្រយុទ្ធ​ជា​ដរាប​។ នេះ​ជា​របៀប​ដែល​ខ្ញុំ​អាចបង្កើត​អាជីព​ជា​កីឡាករ​ចេញពី​បាល់ទាត់​។ ដូច្នេះ​នៅពេល​ដែល​ខ្ញុំ​ចូល​និវត្តន៍ ខ្ញុំ​អាច​អង្គុយ​វិភាគ​ក្នុង​ប្រព័ន្ធ​ផ្សព្វផ្សាយ​ឬ​ចាកចេញ​ពី​បាល់ទាត់​យ៉ាង​ងាយស្រួល ហើយ​ខ្ញុំ​មិនចាំបាច់​ត្រឡប់​ចូល​មក​វិញ​ទេ​”​។​

​ឡាំ​ផាត​បន្តថា “​ខ្ញុំ​ត្រឡប់មកវិញ​ជាមួយ​មហិច្ឆតា​ចង់បាន​ជោគជ័យ ហើយ​ខ្ញុំ​មិន​ស្ទាក់​ស្ទើរនឹង​ត្រឡប់មកវិញ​ទេ ខ្ញុំ​ដឹង​ថា​នឹង​មាន​គ្រា​ដ៏​លំបាក នឹង​មាន​រឿង​ដែល​អ្នក​មិន​អាច​ត្រួតត្រា​បាន​ដូច​ដែល​អ្នក​ធ្វើ​ជា​កីឡាករ​។ ខ្ញុំ​ស្រឡាញ់​ការងារ​ជា​គ្រូបង្វឹក ហើយ​ខ្ញុំ​ពិតជា​ពេញចិត្ត​បំផុត​ដែល​ពេល​ជួប​គ្រា​លំបាក​បែបនេះ អ្នកនឹង​ប្រឹងរក​វិធី​ចាកចេញ​ពី​វា​”៕

​ឡាំ​ផាត​ពេញចិត្ត​នឹង​សម្ពាធ​ជា​គ្រូបង្វឹក​និង​ប្តេជ្ញា​រក​វិធី​ចាកចេញ​ពី​ការលំបាក​ឱ្យ​បាន

ទីតាំងផ្សាយពាណិជ្ជកម្ម

- Advertisment -

Most Popular