Home ព័ត៌មានជាតិ សេដ្ឋកិច្ច អន្តរ​ស្តា​ប័...

អន្តរ​ស្តា​ប័ន​នឹង​រៀបចំ​ព្រឹត្តិការ​ទេសចរណ៍​ជាតិ​២​ថ្ងៃ​នៅ​សប្តាហ៍​ក្រោយ

​ដោយៈ ជា សីហៈ​/​ភ្នំពេញៈ អន្តរ​ស្ថាប័ន​នឹង​សហការគ្នា​រៀបចំ​ព្រឹត្តិការណ៍​ទេសចរណ៍​នៅក្នុង​ស្រុក​មួយ​មាន​រយៈពេល ២​ថ្ងៃ​គឺ​ពីថ្ងៃ​ទី ២៧ ដល់ ២៨ ខែ មករា ឆ្នាំ ២០២១​នៅ​ខេត្តសៀមរាប ដើម្បី​លើក​កំពស់​វិស័យ​ទេសចរណ៍​។

​ស្ថាប័ន​ទាំងនេះ រួមមាន ក្រសួងទេសចរណ៍ ក្រសួងបរិស្ថាន និង ក្រសួងកសិកម្ម រុក្ខា​ប្រ​ម៉ាញ់ និង​នេសាទ និង រដ្ឋបាល​ខេត្តសៀមរាប ។

​ក្រុមការងារ​អន្តរក្រសួង​ដើម្បី​គ្រប់គ្រង​និង​អភិវឌ្ឍ​សហគមន៍​ទេសចរណ៍​និង​អេកូ​ទេសចរណ៍​(​ក​.​គ​.​អ​.​អ​.)​បាន​អះអាងថា​វេទិកា​ជាតិ​អេកូ​ទេសចរណ៍​ជាតិ​លើក​ទី​០២​នឹង​រៀបចំ​នៅ​សណ្ឋាគារ​សុខា​សៀមរាប​ខេត្តសៀមរាប​ក្រោម​អធិបតីភាព​លោក​បណ្ឌិត​ថោង​ខុន​រដ្ឋមន្ត្រី​ក្រសួងទេសចរណ៍​និង​ជា​ប្រធាន​ការងារ​ក្រុមការងារ​អន្តរក្រសួង​(​ក​.​គ​.​អ​.​អ​)​តំណាង​ដ៏​ខ្ពង់ខ្ពស់​សម្តេច​អគ្គមហាសេនាបតី​តេ​ជោ​ហ៊ុនសែន​នាយករដ្ឋមន្ត្រី​នៃ​ព្រះរាជាណាចក្រ​កម្ពុជា លោក សាយ សំ​អាល់ រដ្ឋមន្ត្រី​ក្រសួងបរិស្ថាន និង​ជា​អនុប្រធាន​អចិន្ត្រៃយ៍​ការងារ​ក្រុមការងារ​អន្តរក្រសួង (​ក​.​គ​.​អ​.​អ​)​និង​លោក​វ៉េង​សាខុន​រដ្ឋមន្ត្រី​ក្រសួងកសិកម្ម​រុក្ខា​ប្រ​ម៉ាញ់​និង​នេសាទ​និង​ជា​អនុប្រធាន​ការងារ​ក្រុមការងារ​អន្តរក្រសួង​(​ក​.​គ​.​អ​.​អ​)​៕.mara

ទីតាំងផ្សាយពាណិជ្ជកម្ម

- Advertisment -

Most Popular