Home ព័ត៌មានអន្តរជាតិ អាម៉េរិក​ចេញម...

អាម៉េរិក​ចេញមក​គាំទ្រ​តៃវ៉ាន់​ភ្លាម បន្ទាប់​ពី​ចិន​បញ្ជូន​យន្តហោះ​ប្រយុទ្ធ​ជាង​ដប់​គ្រឿង​ចូល​កៀក​តៃវ៉ាន់​

​ប្រែ​សម្រួលៈ​វាសនា​/​វ៉ាស៊ីនតោន​៖​សហរដ្ឋ​អាម៉េរិក​បានបញ្ជាក់​អះអាង​ឡើងវិញ​អំពី​ការគាំទ្រ​កោះ​តៃវ៉ាន់​ក្រោយ​ចិន​បញ្ជូន​យន្តហោះ​ទៅជិត​កោះ​សេរី​មួយ​នេះ​នៅក្នុង​អ្វី​ដែល​ទំនងជា​ចង់​ធ្វើតេស្តិ៍​​រដ្ឋាភិបាល​អាម៉េរិក​ថ្មី​។​

​ក្រសួង​យោធា​តៃវ៉ាន់​បាន​និយាយថា យន្តហោះ​ទម្លាក់​គ្រាប់បែក​៨​គ្រឿង​និង​យន្តហោះ​ប្រយុទ្ធ​៤​គ្រឿង​របស់​ចិន បាន​ហោះចូល​ក្នុង​តំបន់​កំណត់​អត្តសញ្ញាណ​ការពារ​ដែនអាកាស​របស់ខ្លួន​កាល​ពី​ថ្ងៃសៅរ៍ និង​​កងកម្លាំង​អាកាស​តៃវ៉ាន់​បាន​បញ្ជា​អោយកម្លាំង​កាំជ្រួច​តាមដាន​ការហោះ​ចូល​នេះ​។​

​ក្រសួងការបរទេស​អាម៉េរិ​ក​ក៏​បាន​និយាយ​កាលពី​ថ្ងៃ​សៅ​រ៍ថា វា​«​កត់សំគាល់​ការព្រួយបារម្ភ​អំពី​ទំរង់​នៃ​ការប៉ុនប៉ង​ជា​បន្ត​របស់​ចិន​ដើម្បី​បំភិតបំភ័យ​អ្នកជិតខាង រួម​មាន​តៃវ៉ាន់​»​។​

​អ្នកនាំពាក្យ នេ​ត ប្រា​យស៍ បាន​និយាយ​នៅក្នុង​សេចក្តីថ្លែងការណ៍​ថា « យើង​ទទូច​អោយ​រដ្ឋាភិបាល​ក្រុង​ប៉េកាំង​បញ្ឈប់​សម្ពាធ​យោធា ការទូត​និង​សេដ្ឋកិច្ច​របស់​ខ្លួន​លើ​តៃវ៉ាន់ ហើយ​ជំនួស​មកវិញ​ចូលរួម​​ចរចា​ដោយ​មានន័យ​ជាមួយ​តំណាង​ជាប់ឆ្នោត​តាម​បែប​ប្រជាធិបតេយ្យ​របស់​តៃវ៉ាន់​»​។​

​សេចក្តីថ្លែងការណ៍​បន្ត​ថា រដ្ឋាភិបាល​ក្រុង​វ៉ាស៊ីនតោន​នឹង​បន្ត​ពង្រឹង​ទំនាក់ទំនង​ជាមួយ​តៃវ៉ាន់ និង​ធានា​ការពារ​កោះ​នេះ​ពី​ការ​គំរាម​របស់​ចិន ក្នុងពេល​ជាមួយគ្នា​ក៏​គាំទ្រ​ដំណោះស្រាយ​ដោយ​សន្តិវិធី​មួយ​​អំពី​បញ្ហា​រវាង​ភាគី​ទាំងពីរ​។​

​នៅ​មិនទាន់មាន​ចម្លើយ​តប​ពី​ចិន​យ៉ាងណា​ទេ​នៅ​ថ្ងៃអាទិត្យ​នេះ​។​

​ក្រសួង​យោធា​តៃវ៉ាន់ បាន​និយាយថា ចិន​កាលពី​ថ្ងៃ​សៅរ៍​បាន​បញ្ជូន​យន្តហោះ​ទម្លាក់​គ្រាប់បែក​៨​គ្រឿង​ដែល​អាច​ផ្ទុក​ក្បាល​គ្រាប់​នុយគ្លេអ៊ែរ និង​យន្តហោះ​ប្រដេញ​៤​គ្រឿង ចូលក្នុង​ដែនអាកាស​របស់ខ្លួន​​នៅ​ភាគ​និរតី​នៃ​កោះ តែ​ចិន​តែងតែ​ចាត់ទុក​កោះ​តៃវ៉ាន់​ជា​ផ្នែក​មួយ​នៃ​ទឹកដី​របស់​ខ្លួន​ដូច្នេះ​ការហោះ​របស់​យន្តហោះ​ឬ​បើ​កនា​វា​ជិត​កោះ​នេះ​វា​ស្ថិត​ក្នុង​ដែន​អធិបតេយ្យភាព​របស់​ខ្លួន​តែប៉ុណ្ណោះ​៕

​រូបភាព​បញ្ចេញ​ដោយ​ក្រសួង​យោធា​តៃវ៉ាន់ បង្ហាញ​យន្តហោះ​ទម្លាក់​គ្រាប់​H-6​របស់​ចិន​ហោះ​ជិត​តំបន់​កំណត់​អត្តសញ្ញាណ​ការពារ​ដែនអាកាស​របស់​តៃវ៉ាន់​កាលពី​ខែ​កញ្ញា ឆ្នាំ​២០២០

ទីតាំងផ្សាយពាណិជ្ជកម្ម

- Advertisment -

Most Popular