Home ព័ត៌មានសំខាន់ៗ មាន​អ្នកឈ្នះ​...

មាន​អ្នកឈ្នះ​ឆ្នោត​រង្វាន់​ជាង​១​ពាន់​លាន​ដុល្លារ​នៅ​អាម៉េរិក​

​ប្រែ​សម្រួលៈ​វាសនា​/​ដេ​ត្រយ​៖ មាន​នរណា​ម្នាក់​នៅ​រដ្ឋ​មី​ស៊ី​ហ្គឹ​ន បាន​ទិញ​សន្លឹក​ឆ្នោត​ត្រូវ​រង្វាន់​មហាសេដ្ឋី Mega Millions តំលៃ​១,០៥​ពាន់​លាន​ដុល្លារ ។​វា​ជា​រង្វាន់​ធំ​បំផុត​ក្នុង​ប្រវត្តិសាស្ត្រ​ឆ្នោត​អាម៉េរិក​។​

​សន្លឹកឆ្នោត​ដែល​ត្រូវ​រង្វាន់​ធំ​នេះ មាន​លេខ​4, 26, 42, 50 និង 60 ជាមួយនឹង​គ្រាប់​បាល់​ចុងក្រោយ​លេខ​24 ។​វា​ត្រូវ​បាន​គេ​លក់​នៅ​ហាង​លក់​គ្រឿងទេស​មួយ​នៅ​ជាយក្រុង​ដេ​ត្រ​យ​។​

​រ៉ា​ឆែ​ល ហឺ​ស អ្នកនាំពាក្យ​ក្រុមហ៊ុន​លក់​គ្រឿងទេស​បាន​និយាយថា « មាន​នរណា​ម្នាក់​នៅ​មី​ស៊ី​ហ្គឹ​ន ភ្ញាក់ឡើង​ជាមួយ​នឹង​ដំណឹង​ផ្លាស់ប្តូរ​ជីវិត​នៅ​ព្រឹក​នេះ ។​ក្រុមហ៊ុន​Kroger Michigan​អបអរ​មហា​​សេដ្ឋី​ថ្មី​»​។​

​សូមបញ្ជាក់​ថា រង្វាន់​កំពូល Mega Millions បាន​កើនឡើង​ចាប់តាំងពី​ថ្ងៃ​១៥​កញ្ញា​ឆ្នាំ​មុន នៅពេល​សន្លឹកឆ្នោត​រង្វាន់​ធំ​ត្រូវបាន​គេ​លក់​នៅ​រដ្ឋ វី​ស្កុន​ស៊ីន​។​ឥឡូវ​រង្វាន់​ចាប់ផ្តើមរ​បស់ឆ្នោត​នេះ​មាន​​តំលៃ​២០​លាន​ដុល្លា​រហើត​តំលៃ​របស់​វា​ចេះតែ​កើន​បន្តបន្ទាប់​បើ​មិន​មាន​អ្នកឈ្នះ​។​

​សូមបញ្ជាក់​ថា ការចេញ​លេខឆ្នោត​រង្វាន់​ជាង​១​ពាន់​លាន​ដុល្លារ​កាលពី​យប់​ថ្ងៃ​សុក្រ បាន​កើត​ឡើង​តែ​២​ថ្ងៃក្រោយ​សន្លឹកឆ្នោត​Powerball​មួយ​លក់​នៅ​រដ្ឋ មែ​រី​លែ​ន ត្រូវ​រង្វាន់​៧៣១,១​លាន​ដុល្លារ​។​

​ក្រុមហ៊ុន​ឆ្នោត​Michigan Lottery បាន​និយាយថា អ្នកឈ្នះ​ឆ្នោត​រង្វាន់​ធំ​នេះ អាច​មាន​ជំរើស​២ គឺ​យក​ប្រាក់រង្វាន់​ប្រចាំឆ្នាំ​ចំនួន​៣០​ដង ឬ​ប្រាក់​ដុល​ចំនួន​៥៥៧​លាន​ដុល្លារ​ក្រោយ​កាត់​ពន្ធ​រួច តែ​​កន្លង​មក​ភាគច្រើនបំផុត​ជ្រើស​យកប្រាក់​ដុល​ភ្លាមៗ​។​

​ឱកាស​ឈ្នះឆ្នោត​រង្វាន់​ធំ​នេះ គឺ​១​ក្នុងចំណោម​៣០២,៥​លាន ។​ឆ្នោត​នេះ​លេង​នៅ​៤៥​រដ្ឋ​របស់​អាម៉េរិក រួម​ទាំង​រដ្ឋធានី​វ៉ាស៊ីនតោន និង​កោះ​វៀ​ជីន អាយ​លែ​ន​របស់​អាម៉េរិក​៕

​ឆ្នោត​រង្វាន់​ធំ​ត្រូវបាន​គេ​លក់​នៅ​ហាង​លក់​គ្រឿងទេស​មួយ​នៅ​ជាយក្រុង​ដេ​ត្រ​យ​ហើយ​អ្នក​ទិញ​វា​ក្លាយជា​សេដ្ឋី​ភ្លាម​នៅ​ព្រឹក​ថ្ងៃ​សៅរ៍​

ទីតាំងផ្សាយពាណិជ្ជកម្ម

- Advertisment -

Most Popular