Home ព័ត៌មានជាតិ សង្គម អតីតយុទ្ធជន​ជ...

អតីតយុទ្ធជន​ជា​មន្ត្រីនគរបាល​ចូលនិវត្តន៍ ចំនួន​២៣​គ្រួសារ ទទួល​អំណោយ​ពី​អធិការ​ន​របាល​ខណ្ឌឫស្សីកែវ​

ដោយ​: សាវ​រក្ស / ភ្នំពេញ​: លោក​វរសេនីយ៍ឯក ហ៊ាង ថា​រ៉េត អធិការ​ន​របាល​ខណ្ឌ​ឫស្សីកែវ នា​ព្រឹក​ថ្ងៃទី​២៤ ខែមករា ឆ្នាំ​២០២១ បាន​ចុះ​ជួប​សំណេះសំណាល និង​នាំយក​អំណោយ​របស់លោក​ឧ​ត្ត​ម​សេនីយ៍​ឯក ស ថេត អគ្គ​ស្នងការរង និង​ជា​ស្នងការ​នគរបាល​រាជធានី​ភ្នំពេញ ដើម្បី​ចែកជូន​ដល់​អតីត​យុ​ទ្ឋ​ជន​ជា​មន្ត្រីនគរបាល ដែល​ចូលនិវត្តន៍ ចំនួន​២៣​គ្រួសារ​។​

​ថ្លែង​ក្នុង​ពិធី​សំណេះសំណាល លោក​វរសេនីយ៍ឯក ហ៊ាង ថា​រ៉េត អធិការ​ន​របាល​ខណ្ឌ​ឫស្សីកែវ បាន​ឲ្យ​ដឹងថា អំណោយ​បន្តិចបន្តួច​នេះ គឺជា​ទឹកចិត្ត និង​ជាការ​យកចិត្តទុកដាក់ ពី​សំណាក់ លោក​ឧ​ត្ត​ម​សេនីយ៍​ឯក ស ថេត អគ្គ​ស្នងការរង និង​ជា​ស្នងការ​នគរបាល​រាជធានី​ភ្នំពេញ ដល់​អតីតយុទ្ធជន បើ​គ្មាន​អតីតយុទ្ធជន ក៏​ប្រហែលជា​គ្មាន​ថ្ងៃ​នេះដែរ ដែល​កន្លងមក បាន​ចូលរួម​ជួយ​អោយ​យើង​បាន​សេចក្តីសុខ សុវត្ថិភាព​។

​ក្រៅពី​ការ​ផ្តាំផ្ញើ​សួរសុខទុក្ខ លោក វរសេនីយ៍ឯក ហ៊ាង ថា​រ៉េត ក៏​សូមអោយ​បងប្អូន អតីតយុទ្ធជន ថែរក្សា​សុខភាព​អោយបាន​ល្អ ក្នុងនោះដែរ​ចូលរួម​ថែរក្សា​បរិស្ថាន ជុំវិញ ដោយ​ត្រូវ​វេច​ខ្ចប់ សំរាម អោយបាន​ត្រឹមត្រូវ និង​សូម​សំណូមពរ ដល់​អតីតយុទ្ធជន ប្រសិន​ក្នុង​មូលដ្ឋាន មាន​បញ្ហា​អសន្តិសុខ គឺ​រាយការណ៍​មក​លោក​ផ្ទាល់ លោក​ចាត់​កំលាំង​ចុះ​អន្តរាគមន៍ ភ្លាមៗ អោយទាន់​ពេលវេលា ជូន​ដល់​បងប្អូន​ប្រជាពលរដ្ឋ​។​

​ក្នុង​បរិបទ​សម័យ​ជំងឺ​កូ​វីដ​១៩ លោក​អធិការ​ក៏​សូមអោយ ចូលរួម​ថែរក្សា​អនាម័យ ដោយ​ពាក់​ម៉ាស់ បាញ់​អាល់កុល លាងដៃ​ជាមួយ​ជៀល ឬ សាប៊ូ អោយបាន​ទៀងទាត់​។

​អំណោយ​របស់លោក​ស្នងកា​រ ស ថេត ដែល​ផ្តល់ជូន​មន្ត្រីនគរបាល​ចូលនិវត្តន៍ តាមរយៈ​លោក ហ៊ាង ថា​រ៉េត នាពេលនេះ រួមមាន ៖ ថវិកា ចំនួន ៥​ម៉ឺន​រៀល​, អង្ករ ២៥​គីឡូក្រាម​, ទឹក​សុ​ទ្ឋ ១​កេស​, ទឹក​ផ្លែឈើ ១​កេស​, មី ១​កេស​, ទឹកត្រី ១​យួរ និង​ទឹកស៊ីអ៊ីវ ១​យួរ​៕​

ទីតាំងផ្សាយពាណិជ្ជកម្ម

- Advertisment -

Most Popular