Home ព័ត៌មានជាតិ សន្តិសុខ បើក​ម៉ូតូ​ល្ប...

បើក​ម៉ូតូ​ល្បឿន​លឿន​ដល់​ផ្លូវ​កោង​ជ្រុល​ទៅបុក​ជាមួយ​រថយន្ត​នៅ​ឃុំ​រហាត់ទឹក​៖ ស្លាប់​ម្នាក់ របួសធ្ងន់​ម្នាក់

ដោយ​: ប​.​ជ័យ / បន្ទាយមានជ័យ​: យុវជន​២​នាក់ បើក​ម៉ូតូ​ល្បឿន​លឿន​ដល់​ផ្លូវ​កោង ជ្រុល​ទៅបុក​ជាមួយ​រថយន្ត បណ្តាល​ឲ្យ​ស្លាប់​ម្នាក់ និង​របួសធ្ងន់​ម្នាក់ កាលពី​ម៉ោង​៥​ល្ងាច​ថ្ងៃទី​២៣ ខែមករា ឆ្នាំ​២០២១ លើ​កំណាត់​ផ្លូវ​ក្រាល​កៅស៊ូ ពី​ឃុំ​បត់​ត្រង់​ទៅ​ឃុំ​រហាត់ទឹក ស្រុក​មង្គល​បូរី ខេត្តបន្ទាយមានជ័យ​។​

​នគរបាល​ចរាចរណ៍​ផ្លូវគោក​ស្រុក​មង្គល​បូរី បាន​ឲ្យ​ដឹងថា ម៉ូតូ​នោះ​មាន​ម៉ាក​ហុងដា​ឌ្រី​ម ពណ៌ ក្រហម ពាក់​ស្លាក​លេខ ប​.​មានជ័យ 1H-1303 បើក​ដោយ​ឈ្មោះ រឿង រ៉ាវុធ ភេទ​ប្រុស អាយុ​៣០​ឆ្នាំ នៅ​ភូមិ​ត្រ​សេក​ជុំ ឃុំ​ម៉ាឡៃ ស្រុក​ម៉ាឡៃ ខេត្តបន្ទាយមានជ័យ និង​អ្នករួមដំណើរ​ឈ្មោះ គល់ ផានី ភេទ​ប្រុស អាយុ ២៩​ឆ្នាំ នៅ​ភូមិ​រង្វាន់​លិច ឃុំ​ចំណោម ស្រុក​មង្គល​បូរី ខេត្តបន្ទាយមានជ័យ​។​

​នៅ​មុនពេល​កើតហេតុ​នោះ អ្នកបើក​ម៉ូតូ​បើក​ពី​លិចទៅ​កើត​ក្នុង​ល្បឿន​លឿន​។ លុះដល់​ចំណុច​ផ្លូវ​កោង​ខ្លាំង ក៏​យក​ចង្កូត​មិនទាន់​ក៏​ជ្រុល​ទៅបុក​ជាមួយ​រថយន្ត​មួយគ្រឿង​ម៉ាក​នីសា​ន់ ប្រភេទ​ដឹកទំនិញ​ពណ៌​បៃតង ពាក់​ផ្លាកលេខ បាត់ដំបង 2A-7217 ចំ​ពីមុខ​ពេញទំហឹង​។ គឺ​បណ្តាល​ឲ្យ​អ្នកបើក​ម៉ូតូ​ស្លាប់​នៅនឹងកន្លែង​។ ចំណែក​អ្នករួមដំណើរ​រងរបួស​ធ្ងន់​៕​

ទីតាំងផ្សាយពាណិជ្ជកម្ម

- Advertisment -

Most Popular