​ដោយៈ​វ​ណ្ណះ​/​ព្រះសីហនុៈ សមត្ថកិច្ច​នគរបាល​ព្រហ្មទណ្ឌ​នៃ​ស្នងការ​នគរបាល​ខេត្ត​ព្រះសីហនុ កំពុង បន្ត​និតិ​វិធី​សាកសួរ លើ​ជន​ជាតិចិន​ចំនួន​ពីរ​នាក់ ដែល​ពាក់​ព​ន្ធ័​ការប្រើប្រាស់​ដំបងឆក់ មាន​ជាតិ​ផ្ទុះ នៅ​ព្រឹក​ថ្ងៃទី​២៥ ខែមករា ឆ្នាំ​២០២១ នេះ បន្ទាប់ពី​កម្លាំង​សន្តិសុខ​សណ្ឋាគារ​ឆ្នេរសមុទ្រ​ខៀវ ក្នុង​ក្រុងព្រះសីហនុ បាន​ឃាត់ខ្លួន​កាលពី​ថ្ងៃទី​២៤ មករា​។​

​របាយការណ៍​របស់​ស​ន្តិ​សុខ​សណ្ឋាគារ បាន​ឲ្យ​ដឹងថា បុរស​ជនជាតិ​ចិន​ទាំង​២​នាក់ ស្នាក់នៅ​សណ្ឋាគារ​ឆ្នេរសមុទ្រ​ខៀវ បន្ទប់​លេខ​២៩១២ និង​២៩១៣ បាន​យក​ដំបងឆក់​មាន​ជាតិ​ផ្ទុះ​ចូលក្នុង​សណ្ឋាគារ នៅវេលា​ម៉ោង​១០​ព្រឹក​ថ្ងៃទី ២៤ ខែមករា​៕