Home ព័ត៌មានជាតិ សន្តិសុខ សមត្ថកិច្ច​ឃា...

សមត្ថកិច្ច​ឃាត់ខ្លួន​ម្ចាស់ផ្ទះ​សំណាក់​យីហោ ថៃ បូ​រិ​ន និង​មនុស្ស​៩​នាក់​ទៀត​ពាក់ព័ន្ធ​គ្រឿងញៀន​

​ដោយៈ​ស​រិ​ទ្ធ​/​កំពង់ចាម​: សមត្ថកិច្ច បាន​ចុះ​ធ្វើ​រដ្ឋបាល​នៅ ផ្ទះសំណាក់​យីហោ ថៃ បូ​រិ​ន ដោយបាន​ឃាត់ខ្លួន​មនុស្ស​ប្រុស​ស្រី​១០​នាក់ និង​ចាប់យក​គ្រឿងញៀន ជាមួយ​ឧបករណ៍​សម្រាប់​សេព​គ្រឿងញៀន មួយចំនួន​រួច​បញ្ជូន ទៅ​ស្នងការដ្ឋាន​នគរបាល​ខេត្ត ដើម្បី​ចាត់ការ​បន្ត​តាម​នីតិវិធី ។​

​ប្រភពព័ត៌មាន​បានឱ្យ​ដឹងថា កាលពី​យប់​ថ្ងៃទី​២៤ ខែមករា ឆ្នាំ​២០២១ នៅ​ចំណុច​ផ្ទះសំណាក់​របស់​ឈ្មោះ​ថៃ បូ​រិ​ន ស្ថិតក្នុង​ភូមិ​ស្ពឺ​(​ក​) ឃុំ​ជយោ ស្រុក​ចំការលើ ខេត្តកំពង់ចាម ដោយមាន​ការសម្របសម្រួល ពី​លោក វង្ស ប៊ុន​វិសុទ្ធ ព្រះរាជអាជ្ញា​អម​សាលាដំបូង​ខេត្តកំពង់ចាម កម្លាំង​ជំនាញ​ការិយាល័យ​ប្រឆាំង​គ្រឿងញៀន ខេត្ត​កំពង់​ចាម សហការ​ជាមួយ​ជំនាញ​អធិការដ្ឋាន​នគរបាល​ស្រុក​ចំការលើ និង​ប៉ុស្តិ៍នគរបាល​រដ្ឋ​បាលជ​យោ​ដឹកនាំ ដោយ​​​លោក​ឧ​ត្ត​ម សេនីយ៍ ត្រី ជីវ សេង​រស់ ស្នងការរង​ទទួល​ផែន​ប្រឆាំង​គ្រឿងញៀន​បាន​បើក​កិច្ចប្រតិបត្តិការ ចុះ​ធ្វើ​រដ្ឋបាល​រកឃើញ​ករ​ណី​ជួញដូរ​រក្សាទុក និង​ប្រើប្រាស់​ដោយ​ខុសច្បាប់​នូវ​សារធាតុ​ញៀន​ដោយ​ឃាត់ខ្លួន​ជនសង្ស័យ ចំនួន​១០​នាក់​ដូចខាងក្រោម​នេះ ៖


១-​ឈ្មោះ អ៊ី​ទ្រេះ វ៉ា​រី ភេទ​ប្រុស អាយុ​៣១​ឆ្នាំ សញ្ជាតិ​ខ្មែរ​អ៊ីស្លាម មុខរបរ​កម្មករ នៅ​ភូមិ អូរ​ប្រាំ​២ ឃុំ​ព្រែកកក់ ស្រុក​ស្ទឹងត្រង់ ខេត្តកំពង់ចាម ។​
២-​ឈ្មោះ ឌឹ​ក រ៉ែ​ន ភេទ​ស្រី អាយុ ២២​ឆ្នាំ មុខរបរ​នារី​ខារ៉ាអូខេ នៅ​ភូមិ​ត្រពាំង​ល្ពៅ ឃុំ​ជយោ ស្រុក​ចំការលើ ខេត្តកំពង់ចាម ។​
៣-​ឈ្មោះ ស៊ីម ផល្លី ភេទ​ប្រុស អាយុ​៣១​ឆ្នាំ មុខរបរ​កម្មករ នៅ​ភូមិ​ថ្មី ឃុំ​ព្រែកកក់ ស្រុក​ស្ទឹងត្រង់ ខេត្តកំពង់ចាម ។​
៤-​ឈ្មោះ អូន ស៊ីណា ហៅ​ស្រីមុំ ភេទ​ស្រី អាយុ ២៨​ឆ្នាំ មុខរបរ នារី​ខារ៉ាអូខេ នៅ​ភូមិ​៣១ ឃុំ​តា​អុង ស្រុក​ចំការលើ ខេត្តកំពង់ចាម ។​
៥-​ឈ្មោះ ឌឹ​ក ស្រី​នួន ភេទ​ស្រី អាយុ​២៨​ឆ្នាំ មុខរបរ​នារី​ខារ៉ាអូខេ នៅ​ភូមិ អូរ​តា​ម៉េង ឃុំ​អន្លង់វែង ស្រុក​អន្លង់វែង ខេត្ត​ឧ​ត្ត​រ​មានជ័យ ។​
៦-​ឈ្មោះ អុក ចិន្ដា ភេទ​ស្រី អាយុ​៣១​ឆ្នាំ មុខរបរ​នារី​ខារ៉ាអូខេ នៅ​ខេត្តកំពត ។​
៧-​ឈ្មោះ រ៉េត បូរ៉ា ភេទ​ប្រុស អាយុ​២៦​ឆ្នាំ មុខរបរ​មិន​ពិតប្រាកដ នៅ​ភូមិ អូរ​បេង ឃុំ​មេសរ​ជ្រៃ ស្រុក​ស្ទឹងត្រង់ ខេត្តកំពង់ចាម ។​


៨-​ឈ្មោះ លី តូច ហៅ​ស្រី​លីន ភេទ​ស្រី អាយុ​២២​ឆ្នាំ មុខរបរ​នារី​ខារ៉ាអូខេ មក​ស្នាក់នៅ ភូមិ​ស្ពឺ​(​ក​) ឃុំ​ជយោ ស្រុក​ចំការលើ ខេត្ត​កំពង់ ចាម ។​
៩-​ឈ្មោះ ថៃ បូ​រិ​ន ភេទ​ប្រុស អាយុ​៤១​ឆ្នាំ មុខរបរ​លក់ដូរ នៅ​ភូមិ​ស្ពឺ​(​ក​) ឃុំ​ជយោ ស្រុក​ចំការលើ ខេត្តកំពង់ចាម (​ម្ចាស់ផ្ទះ​សំណាក់ ថៃ បូ​រិ​ន និង​ខារ៉ាអូខេ ណា​កា​ហ្សា​KTV)​។​
១០-​ឈ្មោះ អឿ នឿន ភេទ​ស្រី អាយុ​៣៨​ឆ្នាំ មុខរបរ​មេការ​ខារ៉ាអូខេ នៅ​ភូមិ​ព្រែកកុយ ឃុំ​ព្រែកកុយ ស្រុក​កងមាស ខេត្តកំពង់ចាម ។​

​ក្នុងការ​ឃាត់ខ្លួន​នេះ កម្លាំង​សមត្ថកិច្ច​ដកហូត​វត្ថុតាង​រួមមាន ៖ ម្សៅ​ក្រាម​ពណ៌​ស​ចំនួន​៣​កញ្ចប់ ទូរស័ព្ទដៃ​ចំនួន​៩​គ្រឿង និង​សម្ភារ​សេព​គ្រឿងញៀន​មួយចំនួន ។​
​ជនសង្ស័យ និង​វត្ថុតាង​ខាងលើ ត្រូវបាន​ជំនាញ​ការិយាល័យ​ខេត្ត​នាំយកទៅ​ចាត់ការ​បន្ដ​តាម នីតិវិធី ៕


ទីតាំងផ្សាយពាណិជ្ជកម្ម

- Advertisment -

Most Popular