Home ព័ត៌មានជាតិ សន្តិសុខ ឃាត់ខ្លួន​បុរ...

ឃាត់ខ្លួន​បុរស​២​នាក់ ករណី​លួច និង​ទិញ​ជ័រកៅស៊ូ ទម្ងន់​ជាង ២ តោន​

ដោយៈ ស​រិ​ទ្ធ/ក្រចេះ៖ បុរស​២​នាក់ ដែល​បានធ្វើ​សកម្មភាព​លួច និង​ទទួលផល​ចោរកម្ម តាម​រូបភាព​ទិញ​ជ័រកៅស៊ូ ទម្ងន់​ជាង ២ តោន បាន​ត្រូវ​កម្លាំង​នគរបាល ព្រហ្មទណ្ឌ កំរិត​ស្រាល ខេត្តក្រចេះ ឃាត់ខ្លួន កាលពី​វេលា​ទៀបភ្លឺ ថ្ងៃទី​២៥ ខែមករា ឆ្នាំ​២០២១ នៅ​ឃុំ​រលួស ស្រុក​សំបូរ ខេត្តក្រចេះ​។​

​សមត្ថកិច្ច បាន​បញ្ជាក់ថា កន្លងមក ពួកគេ ជា​មុខសញ្ញា ក្នុងការ​លួច​ជ័រកៅស៊ូ ចេញពី ក្រុមហ៊ុន​។ ក្នុងការ​ឃាត់ខ្លួន នគរបាល ចាប់​យកបាន​ជ័រកៅស៊ូ ទំងន់​ជាង ២ តោន​, ម៉ូតូ ១០ គ្រឿង ព្រមទាំង​សម្ភារ​ទិញ​លក់ មួយចំនួនទៀត​។ បច្ចុប្បន្ន ជនសង្ស័យ ត្រូវបាន​សមត្ថកិច្ច កំពុង​ធ្វើ​កំណត់ហេតុ ស្ដាប់​ចម្លើយ ដើម្បី​កសាង​សំណុំរឿង ដើម្បី​បញ្ជូនទៅ​សាលាដំបូង ខេត្តក្រចេះ​៕/V​-PC

ទីតាំងផ្សាយពាណិជ្ជកម្ម

- Advertisment -

Most Popular