ក្រោយ​ចាញ់​ដា​ស្ទីន​យ៉ាង​អាម៉ាស់ ម៉ាក​ហ្គ្រេ​ហ្គ័​រចេញ​មក​សារភាព​ថា “​វា​ជា​ថ្នាំ​ល្វីង​ពិបាក​លេប​”

​ប្រែ​សម្រួល : កញ្ញា​ដា​លី​ស ៖ ម៉ាក​ហ្គ្រេ​ហ្គ័​រ​ត្រូវបាន​បំបា​ក់ដោយ​អ្នក​ប្រដាល់ ដា​ស្ទីន ពៀ​រ៉ឺ នៅ​ក្របខ័ណ្ឌ UFC 257 កាលពី​យប់​ថ្ងៃ​សៅ​រ៍ហើយ​អនាគត​របស់​កីឡាករ​សញ្ជាតិ​អៀរ​ឡង់​រូបនេះ​នៅ​សង្វៀន​​ពហុកោណ​គឺ​មិន​ច្បាស់លាស់​ទេ​។​

​ម៉ាក​ហ្គ្រេ​ហ្គ័​រ ដែល​ជា​វីរបុរស​ប្រដាល់​ក្នុង​ទ្រុង​ក្របខ័ណ្ឌ UFC បាន​សារភាព​កាលពី​ថ្ងៃអាទិត្យ​ថា គាត់ “​ខូចចិត្ត​” បន្ទាប់ពី​ត្រូវ​បាន​វាយ​ឱ្យ​សន្លប់​យ៉ាង​ភ្ញាក់ផ្អើល​ដោយ​ពៀ​រ៉ឺ ដែល​បញ្ចប់​ការប្រកួត​ត្រឹម​ទឹក​ទី ២​។ ក្នុង​សន្និសីទកាសែត​ក្រោយ​ការប្រយុទ្ធ កីឡាករ​អៀរ​ឡង់​រូបនេះ​បាន​សារភាពថា ការ​ចាញ់​នេះ​គឺ “​ពិបាក​នឹង​ទទួលយក​ណាស់​” ដោយ​កត់សម្គាល់ថា គាត់​គ្មាន​អារម្មណ៍​ប្រាកដប្រជា​នោះទេ​នៅពេលនេះ​។​

​រូប​គេ​ទទួលស្គាល់ថា “​វា​ជា​ការឡើង​កូដ​ខ្ពស់បំផុត​និង​ធ្លាក់កូដ​ទាប​បំផុត​នៅក្នុង​ការប្រកួត​នេះ​។ ខ្ញុំ​មិនដឹងថា​ខ្ញុំ​កំពុង​នៅទីណា​ទេ នៅពេលនេះ សូម​និយាយ​ដោយស្មោះ​”​។​

​ម៉ាក​ហ្គ្រេ​ហ្គ័​របាន​បន្តសរសើរដ​ល់​ពៀ​រ៉ឺ ដែល​ប្រើ​យុទ្ធសាស្ត្រ​ទាត់​បំបែក​កង់​ក្រោម ដែល​ទីបំផុត​ធ្វើឱ្យ​គាត់​ទទួលបាន​ជ័យជម្នះ​។​

​រូប​គេ​និយាយថា “​ខ្ញុំ​គ្មាន​លេស​ទេ​។ វា​ជា​ការប្រកួត​ដ៏​អស្ចារ្យ​ពី​ដា​ស្ទីន​។ វា​ជា​ថ្នាំ​ល្វីង​ពិបាក​លេប​”៕

ម៉ាក​ហ្គ្រេ​ហ្គ័​រ​ត្រូវ​វាយ​ឱ្យ​ចុះចាញ់​នៅ​ទឹក​ទី​ពីរ​កាលពី​ថ្ងៃ​សៅរ៍​

ទីតាំងផ្សាយពាណិជ្ជកម្ម

- Advertisment -

Most Popular