សកម្មភាព​ការងារ​សំខាន់ៗ​មួយ​សប្តាហ៍​កន្លងទៅរ​បស់​អភិបាល​រាជធានី​ភ្នំពេញ មាន​អ្វីខ្លះ​?

​ដោយ​: រ៉ា​ម៉ន / ភ្នំពេញ​: សកម្មភាព​ការងារ​របស់លោក​ឃួ​ង ស្រេង អភិបាល​រាជធានី​ភ្នំពេញ​ក្នុង​១​សប្តាហ៍​កន្លងមកនេះ បាន​បំពេញការងារ​ជូន​ប្រជាពលរដ្ឋ​បាន​យ៉ាងច្រើន​កម្មវិធី ហើយ​កម្ម​ពិធី​ទាំងនោះ គឺ​សុទ្ធតែ​បំរើអោយ​ផលប្រយោជន៍​ប្រជាពលរដ្ឋ សង្គម​និង​រាជរដ្ឋាភិបាល​។​

​ចំពោះ​សកម្មភាព​ការងារ​ទាំងនេះ រួមមាន​៖ ១ – លោក​ឃួ​ង ស្រេង អភិបាល​រាជធានី​ភ្នំពេញ​ន​កាលពី​ថ្ងៃទី​២១​ខែមករា ឆ្នាំ​២០២១​នេះ​បាន​ជួបប្រជុំ​ជាមួយ​មន្ត្រី​របស់​ក្រសួងការពារជាតិ ក្នុង​គម្រោង​កែលម្អ​សួនច្បារ​មុខក្រសួង​ការពារជាតិ​ឡើងវិញ ដើម្បី​លើកកម្ពស់​សោភ័ណភាព​ទីក្រុង​ឱ្យ​កាន់តែ​ស្រស់ស្អាត មាន​លំហូរ​ចរាចរណ៍​ស្រួល​ធ្វើដំណើរ និង​មាន​ទីធ្លារ​ធំ​ទូលាយ​សម្រាប់​ប្រជាពលរដ្ឋ​ហាត់ប្រាណ​ផងដែរ ខណៈ​សួនច្បារ​១​នេះ​នៅជាប់​ផ្លូវ​សហព័ន្ធ​រុស្សី ដែលជា​ផ្លូវ ភ្ញៀវទេសចរ​អន្តរជាតិ​បានធ្វើ​ដំណើរ​ឆ្លងកាត់​ច្រើន​។​

​លោក​ឃួ​ង ស្រេង អភិបាល​រាជធានី​ភ្នំពេញ កាលពី​រសៀល​ថ្ងៃទី​២០​ខែមករា​ឆ្នាំ​២០២១ នៅ​សាលា​រាជធានី​ភ្នំពេញ បាន​ជួប​សំដែង​ការគួរសម​ជាមួយ លោក អាណា​តូ​លី បូ​រ៉ូ​វី​គ (H.E. Anatoly BOROVIK ) ឯកអគ្គរដ្ឋទូត​វិសាមញ្ញ និង​ពេញ​សមត្ថភាព​ថ្មី​របស់​សហព័ន្ធរុស្ស៊ី ប្រចាំ​ព្រះរាជាណាចក្រ​កម្ពុជា ខណៈដែល​ប្រទេស​រុស្ស៊ី​បាន​មាន​ទំនាក់ទំនង​ការទូត​ជាមួយនឹង​ព្រះរាជាណាចក្រ​កម្ពុ​ជាមាន​រយៈពេល​៦៥​ឆ្នាំ​មកហើយ ។ ទំនាក់ទំនង​នេះ​បានធ្វើ​ឲ្យ​ប្រទេស​ទាំងពីរ​មាន​ទំនាក់ទំនង​កាន់តែ​ល្អប្រសើរ រហូត មកដល់​ពេលបច្ចុប្បន្ន​នេះ​។​

​លោក​ឃួ​ង ស្រេង អភិបាល​រាជធានី​ភ្នំពេញ កាលពី​ព្រឹក​ថ្ងៃទី​២០​ខែមករា ក្នុង​កិច្ចប្រជុំ​មួយ​នៅ​សាលា​រាជធានី​ភ្នំពេញ​បានធ្វើ​ការណែនាំ​ឱ្យ​អាជ្ញាធរ​ខណ្ឌ​ទាំង​១៤​និង​កម្លាំង​មាន​សមត្ថកិច្ច​ពាក់ព័ន្ធ​ទាំងអស់ អនុវត្ត​វ​ឱ្យ​តឹងរឹង​បំផុត ចំពោះ​យានយន្ត​ដែល​បំពាក់​ស៊ី​ម៉ាំង​ខ្លាំង​រំខាន​ទៅដល់​បងប្អូន​ប្រជាពលរដ្ឋនៅក្នុង​រាជធានី​ភ្នំពេញ ខណៈ​ដែរ​ក្រសួង​ក្រសួងមហាផ្ទៃ​បានចេញ​សេចក្តីណែនាំ​មួយ​ជុំវិញ​បញ្ហា​នេះ ដើម្បី​ឲ្យ​អាជ្ញា​ធរមាន​សមត្ថកិច្ច​ទាំងអស់​អនុវត្ត​ឲ្យ​បាន​ម៉ឺងម៉ាត់​និង​មិនមាន​ការលើកលែង​។​

​លោក​ឃួ​ង ស្រេង អភិបាល​រាជធានី​ភ្នំពេញ កាលពី​ព្រឹក​ថ្ងៃទី​១៨​មករា​២០២១ បាន​ចុះហត្ថលេខា​លើ​កិច្ចសន្យា​ផ្តល់​ជំនួយឥតសំណង​សម្រាប់​គម្រោង​ទ្រង់ទ្រាយ​តូច​សន្ដិសុខ​មនុស្សជាតិ KUSANONE ដោយ​រាជរដ្ឋាភិបាល​ជប៉ុន​នឹង​ផ្តល់​ថវិកា​ចំនួន ២ ២៧,៧៣៦​ដុល្លារ​អាមេរិក សម្រាប់​ការដាក់​ឲ្យ​ប្រើប្រាស់​នូវ​រថយន្ត​ពន្លត់អគ្គីភ័យ​ដែល​បំពាក់​ដោយ​កាំជណ្តើរ​កម្ពស់​៤០ ម៉ែត្រ ចំនួន​មួយគ្រឿង ដែល​រថយន្ត​ពន្លត់អគ្គីភ័យ​ប្រភេទ​បែបនេះ នឹង​ក្លាយជា​រថយន្ត​ពន្លត់អគ្គីភ័យ​លើកដំបូង​គេ​និង​មិន​ធ្លាប់មាន​ដែល​បានដាក់​ឲ្យ​ប្រើប្រាស់ នៅ​រាជធានី​ភ្នំពេញ​៕​

ទីតាំងផ្សាយពាណិជ្ជកម្ម

- Advertisment -

Most Popular