Home ព័ត៌មានជាតិ សន្តិសុខ រថយន្ត​ព្រូស​...

រថយន្ត​ព្រូស​មួយគ្រឿង​បើក​ទៅបុក​នឹង​ក្បាលស្ពាន​អាកាស​ផ្សារ​ដី​ហុយ រង​ការខូចខាត​យ៉ាងដំណំ​

ដោយ​: អង្គា​រ៍​ហេង / ភ្នំពេញ​: បុរស​ម្នាក់​បាន​បើករថយន្ត​ព្រូស​មួយគ្រឿង ក្នុង​ល្បឿន​យ៉ាង​លឿន​នៅតាម​បណ្តោយ​មហាវិថី​សហព័ន្ធរុស្ស៊ី បាន​ទៅបុក​នឹង​ក្បាលស្ពាន​អាកាស​ផ្សារ​ដី​ហុយ​ពេញទំហឹង បណ្តាល​ឲ្យ​រថយន្ត​រង​ការ​ខូច​ខាត់​យ៉ាងដំណំ​ផ្នែក​ខាងមុខ តែ​សំណាងល្អ​មិនមាន​អ្នករងរបួស​។ ហេតុការណ៍​នេះ បាន​កើតឡើង​នៅក្នុង​សង្កាត់​ទឹកថ្លា ខណ្ឌ​សែន​សុខ នៅវេលា​ម៉ោង ១០​និង​៣០​នាទី យប់​ថ្ងៃទី​២៤ ខែមករា ឆ្នាំ​២០២១​។​

​តាម​ប្រភពព័ត៌មាន​ពី​បងប្អូន​ប្រជាពលរដ្ឋ​ដែល​រកស៊ី​រត់​កង់​បី​នៅក្បែរ​កន្លែងកើតហេតុ បាន​ប្រាប់​មក​ក្រុម​អ្នកយកព័ត៌មាន​ឲ្យ​បានដឹងថា នៅ​មុនពេល​កើតហេតុ គេ​បានឃើញ​បុរស​ម្នាក់​បាន​បើករថយន្ត​មួយគ្រឿង ម៉ាក​ព្រូស ពណ៌​ទឹកសមុទ្រ ពាក់​ស្លាក​លេខ ភ្នំពេញ 2BD 6312 បាន​បើក​ក្នុង​ល្បឿន​យ៉ាង​លឿន នៅតាម​បណ្ដោយ​មហា​វិ​ចី​សហព័ន្ធរុស្ស៊ី ក្នុងទិសដៅ​ពី​លិច​មក​កើត ខណៈពេល​មកដល់​ចំណុចកើតហេតុ បុរស​រូប​នោះបាន​បើករថយន្ត​ទៅបុក​នឹង​ក្បាលស្ពាន​អាកាស​ផ្សារ​ដី​ហុយ​ពេញទំហឹង បណ្ដាល​ឲ្យ​រថយន្ត​រង​ការខូចខាត​ផ្នែក​ខាងមុខ​យ៉ាងដំណំ ចំណែក​អ្នកបើកបរ​បង្ក​សំណាងល្អ ដែល​គ្មាន​គ្រោះថ្នាក់​ដល់​អាយុជីវិត​។​

​ក្រោយ​កើតហេតុ សមត្ថកិច្ច​ផ្នែក​ជំនាញ​ចរាចរណ៍​ផ្លូវគោក​រាជធានី​ភ្នំពេញ បាន​ចុះទៅពិនិត្យ​រួច​បាន​ស្ទូច​យក​រថយន្ត​បង្ក​យកទៅ​រក្សាទុក​នៅ​ការិយាល័យ​ចរាចរណ៍​រាជធានី​ភ្នំពេញ ដើម្បី​រង់ចាំ​ឲ្យ​ម្ចាស់​រថយន្ត​បង្ក​ចូលខ្លួន​ទៅ​ដោះស្រាយ​តាម​នីតិវិធី​៕​

ទីតាំងផ្សាយពាណិជ្ជកម្ម

- Advertisment -

Most Popular