Home ព័ត៌មានជាតិ សង្គម ​ប្រធាន​ក្រុម...

​ប្រធាន​ក្រុមប្រឹក្សា​ខេត្ត​បាត់ដំបង​៖​វា​ល្ម​ដល់​ពេលដែល​ត្រូវធ្វើ​ឲ្យ​ខេត្ត​មាន​បរិស្ថាន​ល្អ សោ​ភណ្ឌ​ភាពស្រស់ស្អាត​និង​មាន​សណ្តាប់ធ្នាប់​ហើយ​

ដោយៈ​តារា​រិ​ទ្ធ​/​ភ្នំពេញ​៖ប្រធាន​ក្រុមប្រឹក្សា​ខេត្តបាត់ដំបង​លោក អ៊ុយ រី បាន​លើកឡើងថា​ដល់ពេល​ដែល​ត្រូវ​រៀប រយ​បរិស្ថាន​ទីក្រុង​,​សោភ័ណភាព​ទីក្រុង​,​សណ្ដាប់ធ្នាប់​ទីក្រុងហើយ ។លោក​បាន​បន្តថា​យើង​ពិតជា​ទទួលស្គាល់ថា​អ្នករស់នៅ​ក្នុង​សហគមន៍​សំណង់​បណ្តោះអាសន្ន​នៅក្នុង​ក្រុង​បាត់ដំបង​វា​គឺជា​សំណល់​នៃ​សង្គ្រាម​បង្កើតឡើង ។ ប៉ុន្តែក្រោយ​បញ្ចប់សង្គ្រាម​នៅក្នុង​ឆ្នាំ១៩៩៨ ក្រោម​នយោបាយ​ឈ្នះ​ឈ្នះ​របស់​សម្តេច​តេ​ជោហ៊ុនសែនយើង​ក៏បាន​ដោះស្រាយ​ជូន​បងប្អូន​ជា​បន្តបន្ទាប់​ក្នុងការ​ផ្លាស់ប្តូរ​ទីលំនៅពី​ការរស់នៅ​លើដី​ចំណីផ្លូវ ដី​ចំណី​លូ ដី​ចំណី​សួន​ឬដី​ចំណី​ស្ទឹង ។ក៏ប៉ុន្តែ​បងប្អូន​មួយចំនួន​មានការ​ទាមទារ​ហួស​ពី​សម​ត្តភាព​ដែល​រដ្ឋបាលខេត្ត​មាន ។​

​លោក អ៊ុយ រី បានលើកឡើង​បែបនេះ​នៅក្នុង​សន្និសីទ​សារព័ត៌មាន​ស្ដីពី «​វឌ្ឍនភាព​មូលដ្ឋាន​ឃុំ សង្កាត់ និង​ទិស ដៅ​ការងារ​បន្ដ​របស់​ខេត្ដ​បាត់ដំបង​»​ដែល​រៀបចំឡើង​ដោយ អង្គភាព​អ្នកនាំពាក្យ​រាជរដ្ឋាភិបាល​នា​ព្រឹក​ថ្ងៃទី ២៥ ខែ មករា ២០២០ ។​

​លោក អ៊ុយ រី បាន​ឲ្យ​ដឹងថា​ក្រោយពេល​បញ្ចប់សង្គ្រាម​ក្រោម​នយោបាយ​ឈ្នះ​ឈ្នះ​របស់​សម្តេច​តេ​ជោ ហ៊ុន សែន លោក​ធ្លាប់​បានធ្វើ​ជំរឿន​ម្ដង​ហើយ​នៅ​ក្រុង​បាត់ដំបង​គឺ មាន​អ្នករស់នៅ​សំណង់​បណ្ដោះអាសន្ន​ចំនួន ១,៨៧៥ គ្រួសារ ហើយ​រដ្ឋបាលខេត្ត​ក៏បាន​រៀបចំ​ការដោះស្រាយ​ជា​បន្ត​ហូរហែ​មក​តាំងពី​យើង​ឆ្នាំ​១៩៩៩ ,២០០០ មករ​ហូត ។ លោក​បន្តថា​គណៈ​អភិបាល​កំពុង​អភិវឌ្ឍ​ខេត្ត​វា​អាចមាន​បញ្ហា​ខ្លះ​ធម្មតា​ទេ​ការទាមទារ​វា​ត្រូវតែ​ទាមទារ​ហើយ​ប៉ុន្តែ​លទ្ធភាព​ដោះស្រាយ​គឺ​វា​ទៅតាម​លទ្ធភាព​ដែល​យើង​មាន​បើ​ប្រៀបធៀប​ជាមួយនឹង​បងប្អូន​ដទៃទៀត​នៅក្នុង​ចំណោម​ប្រជាជន ១,៨៧៥ គ្រួសារ​អ្នករ​សើ​នៅ​ដី​ចំណី​មាត់​ស្ទឹង​នេះ​ទទួលបាន​ការដោះស្រាយ​មួយ​យ៉ាង​សាក​សម​,​ហើយ​ដី មាត់​ស្តឹង​សង្កែ​នេះ​ទៀតសោត​ក៏​ជា​ហានិភ័យ​មួយ​ផងដែរ​ជាក់ស្តែង​ឆ្នាំ ២០២០ កន្លងទៅនេះ​ដី​មាត់​ស្ទឹង​សង្កែ​នេះ​ត្រូវបាន​ជន់​លិច ។

​គួររំលឹកថា​អាជ្ញាធរខេត្ត​បាត់ដំបង​បាន​ណែនាំ​ពលរដ្ឋ​ប្រមាណ​២៣​គ្រួសារ​ដែល​កំពុង​រស់​នៅលើ​សំណង់​បណ្តោះអា សន្ន​នៃ​ចំណី​មាត់​ស្ទឹង​សង្កែ​ឲ្យ​រុះ​រើចេញ​ដើម្បី​អភិវឌ្ឍ​ទីនោះ ឲ្យ​មាន​សោភណភាព​ដោយ​ផ្អែកលើ​ការស្ម័គ្រចិត្ត​និង​មិនបាន​បង្ខំ​ពលរដ្ឋ​ដូច​ការលើកឡើង​របស់​អ្នក​ញុះញង់​មួយចំនួន​នោះទេ​។​

​លោក សឿ​ម ប៊ុន​រិទ្ធី អភិបាលរង​ខេត្តបាត់ដំបង​បាន​ឲ្យ​ដឹងថា​ពលរដ្ឋ​ភាគច្រើន​បាន​យល់ព្រម​រុះរើ​ចេញពី​ទីនោះ​ប៉ុន្តែ​មាន​ពលរដ្ឋ​ខ្លះ​មិនទាន់​យល់​ព្រោះ​មាន​អ្នក​ទៅ​ឃោសនា​ញុះញង់​ក្នុង​ចេតនា​រារាំង​មិន​ឲ្យ​ខេត្ត​អភិវឌ្ឍ​ទៅបាន​។​

​លោក សឿ​ម ប៊ុន​រិទ្ធី ថ្លែងថា​៖ «​គាត់​ឃោសនា​ទៅ​បំប៉ោង​អីចេះ បំប៉ោង​អីចុះ​ទៅ ប៉ុន្តែ​គាត់​អត់​បាន​យល់ច្បាស់​អំពី​ការងារ​ហ្នឹងហើយ​គាត់​ចេះតែ​ទាមទារ​អី​តាម​អំពើ​ចិត្ត ។ កា​ពិត​គាត់​រស់នៅ​លើដី​ចំណី​ស្ទឹង​វា​ខុសច្បាប់​មួយ​ហើយ​គាត់​ទាមទារ​មើល​តែ​របស់​ហ្នឹង​ជា​កម្មសិទ្ធិ​របស់គាត់​» ។​លោក​បន្តថា​ពាក់ព័ន្ធ​ករណីនេះ​គឺមាន​ការជួបពិភា ក្សាគ្នា​ត្រឹមត្រូវ ពោលគឺ​អាជ្ញាធរ​ហៅ​អញ្ជើញ​គ្រួសារ​ពលរដ្ឋ​ទាំងនោះ​មកជួប​ជុំគ្នា​ដើម្បី​ពន្យល់​ណែនាំ​ដោយ​ដោះដូរ​ជូន​ពលរដ្ឋ​ឱ្យទៅ​នៅលើ​គម្រោង​ដី​សង្គមកិច្ច​ត្រឹមត្រូវ​។ ដោយ​រដ្ឋបាលខេត្តបានការ​ជាមួយ​ដៃគូ​អភិវឌ្ឍន៍​គឺ​អង្គ ការ​លំនៅដ្ឋាន​សម្រាប់​មនុស្សជាតិដោយ​ផ្តល់​ដី​និង​ផ្ទះ​សម្រាប់ធ្វើ​ការដោះដូរទំហំ​ដី​ដែល​យើង​រៀបចំ​ហ្នឹង​នៅ​សង្កាត់​ព្រែក​ព្រះស្តេចម្តុំ​សួនច្បារ​ក្រោយ​ផ្សារ​១៣ មករា គឺ​ទំហំ ៤ ម៉ែត្រ​កន្លះ គុណ ៨ ម៉ែត្រ​ ទីនោះ​មានទឹក​ភ្លើង​ផ្លូវ​ត្រឹម​ត្រូវមាន​ផ្តល់​លំនៅឋាន​ហើយ​ជាក់ស្តែង​ទីតាំងនៅ​ចំ​កណ្តាល​ក្រុង​ទៀតផង​។​

​បើតាម​លោក ប៊ុន​រិទ្ធី ជួនកាល​ពលរដ្ឋ​ខ្លះ​ជឿ​តាម​ការ​ញុះញង់​របស់​ជន​មួយចំនួន​បង្ក​ជា​ឧបសគ្គ​ដល់​ការអភិវឌ្ឍ​របស់​ខេត្ត ហេតុនេះ​អាជ្ញាធរខេត្ត​មិនអាច​ទទួលយក​បានទេ ព្រោះ​ការធ្វើ​កិច្ចអភិវឌ្ឍន៍​នេះ​មិន​ធ្វើ​ដើម្បី​អ្នកណាម្នាក់​ឡើយ​គឺ​ដើម្បី​តែ​ប្រយោជន៍​សាធារណៈ​ប៉ុណ្ណោះ​។ លោក​បាន​ឲ្យ​ដឹងថា​ពលរដ្ឋ​ដែល​រស់​នៅលើ​សំណង់​មិន​រៀបរយ​លើ​មាត់​ស្ទឹង​សង្កែ​មាន​ទាំងអស់ ២៣ គ្រួសារ ក្នុងនោះ​មាន​ពលរដ្ឋ​មិន​ព្រម​ទទួលយក​ប្រមាណ ៦ គ្រួសារ​ប៉ុណ្ណោះ​បាន​ដើរ​ញុះ​ញ៉​ង់​មិន​ឲ្យ​អ្នក​ទាំងអស់នោះ​មិន​ឲ្យ​ទទួលយក​នូវ អ្វី​តាម​ការរៀបចំ​របស់រ​ដ្ឋ​បាល​ខេត្ត ។​

​លោក សឿ​ម ប៊ុន​រិទ្ធី បាន​លើកឡើងថា​រដ្ឋបាល​ខេត្ត​មាន​គម្រោង​រៀបចំ​អភិវឌ្ឍន៍​សួនច្បារ​នៅតាម​មាត់​ស្ទឹង​សង្កែ ដើម្បី​លើក​សោ​ភ័​ណ្ឌ​ភាព​ខេត្តដែលជា​ខេត្ត​មួយ​សំបូរ​ទៅ​ដោយអគារ​និង​សំណង់ផ្ទះ​ល្វែង​ដែល​បន្សល់ទុក​តាំងពី​សម័ យបារាំង និង ផ្ទះ​បុរាណដែល​បន្សល់​ទុល​ពី​សម័យ​លោក​ម្ចាស់​ដែលមាន​អាយុកាល​ជា​១០០​ឆ្នាំ​មកហើយ ។ បច្ចុប្បន្ន​យើង​មាន​នៅសល់​ផ្ទះ​ជាង ៨00 ខ្នង ហើយ​យើង​ចង់​រៀបចំ​តំបន់​នេះ​ឲ្យ​មាន​សោ​ភ័​ណ្ឌ​ភាព​ភ្ជាប់​ទៅ​សួនច្បារ​នៅតាម​មាត់​ស្ទឹង ដែលជា​ទីប្រជុំជន​មួយ​ដ៏​កុះករ និង ទាក់ទាញ ។

លោក សឿ​ម ប៊ុន​រិទ្ធី បាន​បន្តថា​រដ្ឋបាលខេត្ត​ពិតជា​បាន​គិតគូ​ដោះស្រាយ​ជូន​បងប្អូន​យ៉ាង​សាក​សម​ហើយ​បងប្អូន​រស់នៅ​លើ​សំណង់​នេះ​បាន​រយៈពេល​១០ឆ្នាំ​វា​នឹង​ក្លាយជា​កម្មសិទ្ធិស្របច្បាប់​ដែល​បងប្អូន​អាច​រស់នៅ​តកូនត ចៅ ។ តែបើ​បងប្អូន​រស់នៅ​លើស​មណ​ង់​បណ្តោះអាសន្ន​គឺ​បងប្អូន​មិនអាច​ទទួលបាន​កម្មសិទ្ធិ​ស្របច្បាប់​នោះទេ ព្រោះ​បងប្អូន​រស់ នៅលើ​ដី​សាធារណៈ​របស់​រដ្ឋ រដ្ឋ​អាច​យក​នៅពេល​ណាមួយ​ដែលជា​តំរូវការ​អភិវឌ្ឍ​ខេត្ត ។ លោក​បាន​បន្តថា​ខេត្តបាត់ដំបង​គឺជា​ក្រុង​មួយ​ស្ថិតក្នុង​ចំណោម​ក្រុង​ចំនួន​៣ ដែល ត្រូវបាន​ប្រមុខ​រាជរដ្ឋាភិបាល​ដាក់​ទៅក្នុង​បេក្ខភាព​ទីក្រុង​ស្មា​ត​ស៊ី​ធី​អាស៊ាន ដែលមាន​ក្រុង​២ ទៀត​គឺ​ក្រុង​សៀមរាប និងក្រុងព្រះសីហនុ ។ លោក​បន្តថា​ក្រុង​សៀមរាប និង ក្រុងព្រះសីហនុ ត្រូវបាន​រាជរដ្ឋាភិបាល​វិនិយោគ​ក្នុង​ទំហំ​ទ្រង់ទ្រាយ​ធំ​ដោយ​ទឹកប្រាក់​ដ៏​ច្រើន​ក្នុង​ការស្តារ​ហេដ្ឋារចនាសម្ព័ន្ធ​នៅតែ​ខេត្តបាត់ដំបង​មិនទាន់បាន​វិនិយោគតែ​យើង ក៏ត្រូវ​រៀបចំខ្លួន​ដើម្បី​ចូលរួម​ប្រឡង​ទីក្រុង​ស្អាត​ផងដែរ ៕

ទីតាំងផ្សាយពាណិជ្ជកម្ម

- Advertisment -

Most Popular