Home ព័ត៌មានអន្តរជាតិ ឥណ្ឌូនេស៊ី​ចា...

ឥណ្ឌូនេស៊ី​ចាប់​នាវា​ដឹក​ប្រេង​អ៊ីរ៉ង់​និង​ប៉ា​ណា​ម៉ា​

​ប្រែ​សម្រួលៈ​វាសនា​/​ហ្សា​ការតា​៖ ឥណ្ឌូនេស៊ី បាន​ចាប់​នាវា​ដឹក​ប្រេង​អ៊ីរ៉ង់​មួ​យ​និង​នាវា​ប៉ា​ណា​ម៉ា​មួយ ដោយសារ​សង្ស័យ​ថា​ពួក​វា​មាន​ជាប់​ពាក់ព័ន្ធ​នឹង​ការ​លួច​ដឹកជញ្ជូន​ប្រេង​ខុសច្បាប់​នៅក្នុង​ដែនទឹក​​អាស៊ីអាគ្នេយ៍ នេះ​បើ​តាម​ការបញ្ជាក់​ពី​អាជ្ញាធរ​កាលពី​ថ្ងៃ​ចន្ទ​។​

​នាវា​ដឹក​ប្រេង​ដោត​ទង់​អ៊ីរ៉ង់ MT Horse និង​នាវា​ដោយ​ទង់​ប៉ា​ណា​ម៉ា MT Freya កាលពី​ថ្ងៃអាទិត្យ​ត្រូវបាន​គេ​ប្រទះឃើញ​នៅ​ឯនាយ​ឆ្នេ​រកោះ​កាលី​ម៉ាន់​តាន់ របស់​ឥណ្ឌូនេស៊ី និង​ក្រោយមក​ត្រូវបាន​​ឃាត់​ដោយ​សារ​ពួក​វា​មិន​បាន​ឆ្លើយតប​នឹង​ការហៅ​តាម​វិទ្យុទាក់ទង​។​

​ទីភ្នាក់ងារ​សន្តិសុខ​សមុទ្រ​ឥណ្ឌូនេស៊ី​បាន​និយាយថា ពួក​នាវិក​នៃ​នាវា​ទាំងនេះ​ត្រូវ​គេ​សង្ស័យថា​បាន​រំលោភ​ជាច្រើន​ករណី រួម​មាន​ការ​មិន​បង្ហា​ញ​ទង់ជាតិ​របស់​នាវា បិទ​ប្រព័ន្ធ​សំគាល់​អត្តសញ្ញាណ​របស់​​គេ​ដើម្បី​គេចចេញ​ពី​ការចាប់​សញ្ញា​បាន និង​ដឹកជញ្ជូន​ប្រេង​ដោយ​ខុសច្បាប់​។​

​អ្នកនាំពាក្យ​របស់​ទីភ្នាក់ងារ​បាន​និយាយថា​«​យើង​បាន​ឃាត់​ទុក​នាវា​២​កាល​ពី​ម្សិលមិញ និង​កំពុង​សាកសួរ​ពួក​នាវិក​កប៉ាល់​»​។​

​ក្នុងពេល​ជាមួយគ្នា ក្រសួងការបរទេស​អ៊ីរ៉ង់​បាន​និយាយថា ខ្លួន​បាន​ទទួលដំណឹង​អំពី​ការឃាត់ទុក​នាវា​នេះ​ហើយ​និង​កំពុង​រង់ចាំ​ព័ត៌មាន​បន្ថែម​។​អ្នកនាំពាក្យ​ក្រសួង​បាន​បដិសេធ​មិន​ព្រម​និយាយថា​តើ​​ការឃាត់​នាវា​នេះ​មាន​ជាប់​ទាក់ទង​នឹង​ការ​ដែល​អ៊ីរ៉ង់​កំពុង​ចាប់​ឃាត់​ទុក​នាវា​ដឹក​ប្រេង​មួយ​របស់​កូរ៉េខាងត្បូង​នៅ​ខែ​នេះ​ដែរ​ឬ​អត់​។​

​រដ្ឋាភិបាល​អាម៉េរិក​របស់​ប្រធានាធិបតី ដូ​ណា​ល់ ត្រាំ​តែងតែ​ចោទប្រកាន់​អ៊ីរ៉ង់​ថា​ព្យាយាម​បិទបាំង​ការលក់​ប្រេង​របស់​ខ្លួន​ដើម្បី​គេ​ចេញពី​ទណ្ឌកម្ម​របស់​អាម៉េរិក​៕

​រូប​ពី​អាកាស​ថត​ថ្ងៃ​២៤​មករា បង្ហាញ​នាវា​អ៊ីរ៉ង់​ដែល​ត្រូវ​ឃាត់ទុក ដោយសារ​សង្ស័យ​ថា​ដឹក​ប្រេង​ខុសច្បាប់​

ទីតាំងផ្សាយពាណិជ្ជកម្ម

- Advertisment -

Most Popular