Home ព័ត៌មានអន្តរជាតិ ក្រិច​និង​បារ...

ក្រិច​និង​បារាំង​ចុះ​ហត្ថលេខា​ទិញ​លក់​យន្តហោះ​ប្រយុទ្ធ​តំលៃ​២,៨​ពាន់​លាន​ដុល្លារ​

​ប្រែ​សម្រួលៈ​វាសនា​/​អាថែន​៖​ក្រិច​កាលពី​ថ្ងៃ​ចន្ទ​បាន​ចុះហត្ថលេខា​លើ​កិច្ចព្រមព្រៀង​តំលៃ​២,៣​ពាន់​លាន​អឺរ៉ូ​(២,៨​ពាន់​លាន​ដុល្លារ​) ជាមួយ​បារាំង​ដើម្បី​ទិញ​យន្តហោះ​ប្រយុទ្ធ​ធុន Rafale ចំនួន​១៨​គ្រឿង​​នៅ​ពេល​ខ្លួន​កំពុង​មាន​ភាព​តានតឹង​ជាមួយ​ប្រទេស​ជិតខាង​តួ​ក​គី​។​

​ផ្ល​ររិន ប៉ា​លី រដ្ឋមន្ត្រី​ការពារជាតិ​បារាំង បាន​ចុះ​កិច្ចព្រមព្រៀង​នេះ​នៅ​ក្រុង​អាថែន​ដើម្បី​បញ្ជូន​យន្តហោះ​ប្រើ​ហើយ​១២​គ្រឿង និង​យន្តហោះ​ថ្មី​៦​គ្រឿង ក្នុង​រង្វង់​ពេល​២​ឆ្នាំ​ទៅ​មុខ​។​

​សូមបញ្ជាក់​ថា ក្នុង​ជម្លោះ​ដែនទឹក​នៅ​សមុទ្រ​អេ​ជៀ​ននិង​សមុទ្រ​ម៉េ​ឌី​ទែ​រ៉ាណេ រវាង​សមាជិក​អង្គការ​ណា​តូ​ទាំងពីរ បារាំង​ឈរ​ខាង​ក្រិច​។​ជម្លោះ​នេះ​បាន​នាំអោយ​ប្រទេស​ទាំង​២​ប៊ិះ​ផ្ទុះ​សង្គ្រាម​នឹង​គ្នា​ជា​​ច្រើន​លើ​នៅ​ប៉ុន្មាន​ទសវត្សរ៍​មក​នេះ​។​

​ភាព​តានតឹង​បាន​កើន​ឡង​ខ្លាំង​កាល​ពី​រដូវក្តៅ​មុន នៅពេល​ទួកគី​ចាប់ផ្តើមបេសក​កម្មស្រាវជ្រាវ​រុករក​ប្រេង​និង​ហ្គាស​នៅក្នុង​ដែនទឹក​មាន​ជម្លោះ ជាហេតុ​នាំ​អោយ​មាន​ការ​បង្កើន​កម្លាំង​ទ័ព​ទាំង​សង​​ខាង​។​

​ទោះជា​យ៉ាងណា ប្រទេស​ទាំង​២​បាន​យល់ព្រម​ចាប់ផ្តើម​ពិភាក្សាគ្នា​ជា​ថ្មី​ដើម្បី​ដោះស្រាយ​ជម្លោះ​ដោយ​សន្តិវិធី​។​ពួក​អ្នកការទូត​ជាន់ខ្ពស់​នៃ​ប្រទេស​ទាំង​ពីរ​បាន​ជួបគ្នា​នៅ​ក្រុង​អ៊ី​ស្តា​ន់​ប៊ុល​កាលពី​ថ្ងៃ​ចន្ទ​ដើ​​ម្បី​បន្តដំណើរ​ការចរចា​មួយ​ដែល​ត្រូវបាន​ផ្អាក​ចោល​អស់​ពេល​ជិត​៥​ឆ្នាំ​។​

​តែ​រដ្ឋាភិបាល​ក្រុង​អាថែន និយាយថា​ខ្លួន​នៅតែ​បន្ត​កម្មវិធី​ធ្វើអោយ​ប្រសើរ​កម្លាំង​យោធា​របស់​ខ្លួន ដោយ​ត្រូវ​ចំណាយ​លុយ​រាប់ពាន់​លាន​បន្ទាប់ពី​ការកាត់បន្ថយ​ចំណាយ​យោធា​អស់​រាប់​ឆ្នាំ​ដោយសារ​វិបត្តិ​​ហិរញ្ញវត្ថុ​៕

​រដ្ឋមន្ត្រី​ការពារជាតិ​ក្រិច​(​ស្តាំ​)​និង​សម​ភាគី​បារាំង ផ្ល​ររិន ប៉ា​លី ក្នុងអំឡុងពេល​ចុះ​កិច្ចព្រមព្រៀង​នៅ​ក្រុង​អាថែន​កាលពី​ថ្ងៃ​ចន្ទ​

ទីតាំងផ្សាយពាណិជ្ជកម្ម

- Advertisment -

Most Popular