Home ព័ត៌មានអន្តរជាតិ នាយករដ្ឋមន្ត្...

នាយករដ្ឋមន្ត្រី​អ៊ីតាលី​លោក ដ្យូ​ស​សេប​ប៉េ កុង​តេ គ្រោង​ស្នើសុំ​ចុះចេញ​ពី​តំណែង​

​ប្រែ​សម្រួល : កញ្ញា​ដា​លី​ស ៖ ការិយាល័យ​របស់​លោក ដ្យូ​ស​សេប​ប៉េ កុង​តេ បាន​ឱ្យដឹង​កាលពី​ថ្ងៃ​ចន្ទ​ថា នាយករដ្ឋមន្ត្រី​អ៊ីតាលី​មានបំណង​ស្នើ​សុំ​លាលែង​ពី​តំណែង​នៅ​ថ្ងៃ​អង្គារ​នេះ​។​

​លោក​កុងតេ​បានរួចខ្លួន​ពី​ការបោះឆ្នោត​សម្តែងការ​មិន​ទុកចិត្ត​ចំនួន ២ លើក​នៅក្នុង​សភា​កាលពី​សប្តាហ៍​មុន ប៉ុន្តែ​បាន​បាត់បង់​សំឡេង​ភាគច្រើន​ដាច់ខាត​របស់​លោក​នៅក្នុង​ព្រឹទ្ធសភា​ដោយសារ​​ការ​រត់​ចោល​របស់​សម្ព័ន្ធមិត្ត​របស់គាត់​។​ប្រការនេះ​បាន​ធ្វើឱ្យ​រដ្ឋាភិបាល​រប​ស់លោក​បាត់បង់​លំនឹង​ចំ​ពេល​កំពុង​មាន​ជំងឺ​រាតត្បាត​ដែល​បំផ្លិចបំផ្លាញ​សេដ្ឋកិច្ច​ជាប់​ទ្រឹង​ស្រាប់​របស់​អ៊ីតាលី​។​

​ការិយាល័យ​របស់​លោក​កុងតេ​បានឱ្យដឹងកាល​ពី​យប់​ថ្ងៃ​ចន្ទ​ថា លោកនាយក​រដ្ឋមន្ត្រី​នឹង​ជូនដំណឹង​ដល់​គណៈរដ្ឋមន្ត្រី​របស់​លោក​នៅក្នុង​កិច្ចប្រជុំ​មួយ​នៅ​ព្រឹក​ថ្ងៃ​អង្គារ​នេះ​អំពី​”​បំណង​ទៅ​កាន់​វិមាន​ Quirinale (​វិមាន​ប្រធានាធិបតី​)​ដើម្បី​ប្រគល់​លិខិត​លាលែង​របស់​លោក​”​។​

​បន្ទាប់​ពី​ពិគ្រោះ​យោបល់​ជាមួយ​ថ្នាក់ដឹកនាំ​រដ្ឋាភិបាល​និង​គណបក្ស​ប្រឆាំង​នានា​រួច ប្រធានាធិបតី​ក៏​អាច​សម្រេច​ចិត្ត​យក​អ្នក​ផ្សេង​ដែល​គិតថា​មាន​ឱកាសល្អ​ក្នុង​ការបង្កើត​រដ្ឋាភិបាល​រឹងមាំ​ជាង​នេះ​។ ប្រសិនបើ​គ្មាន​នរណាម្នាក់​អាច​បង្កើត​រដ្ឋាភិបាលចម្រុះ​ដែល​អាច​ជឿ​ទុកចិត្ត​បាន​ទេ​នោះ លោក​ម៉ាត់​ថា​រ៉េ​ឡា​មាន​ជម្រើស​ក្នុង​ការរំលាយ​សភា ដោយ​កំណត់​ពេល​បោះឆ្នោត​មុន​កាលកំណត់​៕

លោក ដ្យូ​ស​សេប​ប៉េ កុង​តេ នឹង​ដាក់​លិខិត​សុំ​លាលែង​ពី​តំណែង​នាយករដ្ឋមន្ត្រី​នៅ​ថ្ងៃ​អង្គារ​នេះ​

ទីតាំងផ្សាយពាណិជ្ជកម្ម

- Advertisment -

Most Popular