Home ព័ត៌មានអន្តរជាតិ ចាប់ខ្លួន​រាប...

ចាប់ខ្លួន​រាប់សិប​នាក់​ក្នុង​ការតវ៉ា​ប្រឆាំង​នៅនេ​ប៉ាល់​

​ប្រែ​សម្រួលៈ​វាសនា​/​ក​ដ្ឋ​មណ្ឌូ​៖ ប៉ូលិស​បាន​ប្រើ​ដំបង​និង​ឡានទឹក​ដើម្បី​បំបែក​មនុស្ស​រាប់រយ​នាក់​នៅ​រដ្ឋធានី​ក​ដ្ឋ​មណ្ឌូ​ដែល​តវ៉ា​ប្រឆាំង​នឹង​ការរំលាយ​សភា​ដើម្បី​រៀបចំ​ធ្វើ​ការបោះឆ្នោត​ឡើងវិញ​។​

​ភាព​តានតឹង​នយោបាយ​បាននិងកំពុង​កើន​ឡើង​នៅ​ប្រជាជាតិ​តំបន់​ហេមពាន្ត​នេះ ចាប់តាំងពី​នាយករដ្ឋមន្ត្រី ខេ​ភី សា​ម៉ា អូ​លី បាន​រំលាយ​សភា​កាលពី​ខែ​ធ្នូ ដោយ​ចោទប្រកាន់​សមាជិក​គណ​បក្ស​កុំ​​ម្មុយ​នីស្ត​របស់​លោក​ថា​មិនសហ​ការ​។​

​លោក​អូ​លី បាន​អំពាវនាវ​អោយមាន​ការបោះឆ្នោត​នៅ​ខែ​មេសា​និង​ឧសភា តែ​ការប្រឆាំង​តវ៉ា​បាន​រីក​រាលដាល​ពាសពេញ​ប្រទេស​ដែល​មាន​ប្រជាជន​២៨​លាន​នាក់​នេះ​។​

​ប៉ូលិស​បាន​និយាយថា ខ្លួន​បាន​ឃាត់ខ្លួន​បាតុករ​២៨​នាក់​ដែល​បាន​ជួបជុំគ្នា​នៅ​ជិត​និវេសដ្ឋាន​នាយករដ្ឋមន្ត្រី ដើម្បី​ស្រែក​ថ្កោលទោស​ចំណាត់ការ​របស់​លោក​អូ​លី​ថា «​អ​ធម្មនុញ្ញ​» និង​ទាមទារ​អោយ​​ដំណើរការ​សភា​ឡើងវិញ​។​ប៉ូលិស​បាន​ប្រើ​ដំបង​និង​ឡាន​បាញ់​ទឹក​ដើម្បី​បំបែក​ហ្វូង​មនុស្ស​ប្រមាណ​៥០០​នាក់ ដោយ​បណ្តាល​អោយ​បាតុករ​ខ្លះ​រងរបួស​។​

​សូមបញ្ជាក់​ថា រដ្ឋាភិបាល​របស់​លោក​អូ​លី បាន​ចូល​កាន់​អំណាច​នៅ​ឆ្នាំ​២០១៨ ជាមួយ​នឹង​សម្លេង​ភាគច្រើន​២​ភាគ​៣ ក្នុង​បំណង​បញ្ចប់​អស្ថិរភាព​រាប់​ឆ្នាំ និង​រដ្ឋាភិបាល​អាយុ​ខ្លីៗ ។​តែ​ចាប់​តាំងពី​ពេលនោះ​​មក​រដ្ឋាភិបាល​ជួប​ការចោទប្រកាន់​ពី​បទ​ប្រព្រឹត្ត​អំពើ​ពុករលួយ និង​ដំណោះស្រាយ​ជំងឺ​ឆ្លងកូវី​ដ​១៩​។​

​ការរំលាយ​សភា​បាន​កើត​ឡើង​ក្រោយ​ការ​ប៉ះទង្គិច​គ្នា​រាប់​ខែ​ជាមួយ​អតីត​មេដឹកនាំ​ឧទ្ទាម​ម៉ៅ​និយម លោកពូ​ស​ប៉ា កា​ម៉ាល់ សា​ហាល់ ដែល​បាន​ជួយ​លោក​អូ​លី​អោយ​ឡើង​កាន់​អំណាច​កាលពី​គណបក្ស​​របស់​ពួកគេ​បញ្ចូល​គ្នា​នៅ​ឆ្នាំ​២០១៨​។​

​ការ​ផ្តោតអារម្មណ៍​ឥឡូវ​ធ្លាក់​លើ​តុលាការ​កំពូល​ដែល​ត្រូវ​បើក​សវនាការ​លើ​បណ្តឹង​បួនដប់​ប្រឆាំងនឹង​ការរំលាយ​សភា​៕

​ប៉ូលិស​ប្រើ​ដំបង និង​បាញ់​ទឹក​លើ​បាតុករ​ប្រឆាំង​នាយករដ្ឋមន្ត្រី​នៅ​ក្រុងក​ដ្ឋ​មណ្ឌូ កាលពី​ថ្ងៃ​ចន្ទ​

ទីតាំងផ្សាយពាណិជ្ជកម្ម

- Advertisment -

Most Popular