សីតុណ្ហភាព ចាប់ផ្តើម​កើនឡើង និង​មាន​ភ្លៀង​តិចតួច ចាប់ផ្តើម​ធ្លាក់​

ដោយៈ ប​.​ខុន / ភ្នំពេញៈ អាកាសធាតុ នៅក្នុង​សប្តាហ៍​នេះ សីតុណ្ហភាព មានការ​កើនឡើង ជា​លំដាប់ , មាន​ភ្លៀង​តិចតួច នៅ​តំបន់​ទំនាប ភាគខាងត្បូង​, មាន​ខ្យល់​បក់បោក​ខ្លាំង នៅ​ខ្ពង់រាប​ភាគ​ខាងកើត និង​មាន​ភ្លៀង​ផ្គរ រន្ទះ​បង្គួរ នៅ​តំបន់​មាត់សមុទ្រ​។​

​ក្រសួង​ធនធានទឹក និង​ឧតុនិយម នៅ​ថ្ងៃទី​២៦ ខែមករា ឆ្នាំ​២០២១ បាន​ជូនដំណឹង ស្តីពី​ស្ថានភាព​អាកាសធាតុ សម្រាប់​ពីថ្ងៃ​ទី​២៧ ខែមករា ដល់​ថ្ងៃទី​២ ខែកុម្ភៈ ឆ្នាំ​២០២១​ថាៈ ព្រះរាជាណាចក្រ​កម្ពុ​ជាទ​ទួល​រង​ឥទ្ធិពល​ពី​ខ្យល់មូសុង​ឦសាន​ពី​ខ្សោយ​ទៅ​មធ្យម​។​

​សេចក្តីជូនដំណឹង បាន​សរសេរ​ទៀតថាៈ ស្ថានភាព​បែប ខាងលើនេះ ធ្វើ​ឲ្យ​បណ្តា​ខេត្ត នៅ​តំបន់​វាលទំនាប​កណ្តាល មាន​សីតុណ្ហភាព អប្បបរមា ពី ១៨-២១ អង្សា​សេ​, សីតុណ្ហភាព​អតិបរមា មាន​ពី ៣០-៣៣ អង្សា​សេ នៅ​អំឡុង​ពីថ្ងៃ​ទី​២៧ ដល់​ថ្ងៃទី​២៩ មករា មាន​ភ្លៀង​ធ្លាក់​តិចតួច នៅ​តំបន់​ទំនាប ភាគខាងត្បូង​។ សម្រាប់​បណ្តា​ខេត្ត នៅជាប់​ជួរ​ភ្នំ ដងរែក និង​ខ្ពង់រាប​ឦសាន មាន​សីតុណ្ហភាព អប្បបរមា ពី ១៧-២០ អង្សា​សេ​សីតុណ្ហភាព អតិបរមា មាន​ពី ២៩-៣២ អង្សា​សេ​។ នៅ​អំឡុង​ថ្ងៃទី​២៩-៣០ ខែមករា មាន​ខ្យល់​ខ្លាំង នៅ​តំបន់​ខ្ពង់រាប ភាគ​ខាងកើត ។​

​ក្នុង​សេចក្តីជូនដំណឹង សរ​សសរ​ទៀតថាៈ តំបន់​មាត់សមុទ្រ សីតុណ្ហភាព អប្បបរមា មាន​ពី ១៩-២២ អង្សា​សេ សីតុណ្ហភាព អតិបរមា មាន​ពី ២៧-៣០ អង្សា​សេ​។ នៅ​ថ្ងៃទី​២៧- ៣០ ខែមករា មាន​ភ្លៀង ផ្គរ​រន្ទះ ពី​ខ្សោយ ទៅ​ច្រើន​បង្គួរ​៕/V​-PC

ទីតាំងផ្សាយពាណិជ្ជកម្ម

- Advertisment -

Most Popular