Home ព័ត៌មានជាតិ សន្តិសុខ បុរស​ម្នាក់ ស...

បុរស​ម្នាក់ ស្លាប់ និង​បុរស​ម្នាក់ទៀត របួសធ្ងន់ ដោយសារ​ជិះ​ម៉ូតូ​បុក​គ្នា​

ដោយៈ ស​រិ​ទ្ធ / ព្រះសីហនុៈ បុរស​ម្នាក់​ស្លាប់ និង​បុរស​ម្នាក់ទៀត របួសធ្ងន់ ដោយសារ បើក​ម៉ូតូ បុក​គ្នា កាលពី​វេលា​ម៉ោង ៥ ល្ងាច ថ្ងៃទី​២៥ ខែមករា ឆ្នាំ​២០២១ លើ​ដង​ផ្លូវជាតិ លេខ​៤ ត្រង់​ចន្លោះ​គីឡូម៉ែត្រ លេខ ១៩៤-១៩៥ ក្នុងភូមិ​អូរ​ចំណារ ឃុំ​អូរ​ឧកញ៉ា​ហេង ស្រុក​ព្រៃនប់ ខេត្ត​ព្រះសីហនុ ។​

​សមត្ថកិច្ច បានបញ្ជាក់​ថាៈ ឈ្មោះ គៀង វឹង ភេទ​ប្រុស អាយុ​២៨​ឆ្នាំ មាន​ទីលំនៅ ភូមិ​ស្រែ ចាំ​ក្រោម ឃុំ​អូរជ្រៅ ស្រុក​ព្រៃនប់ ខេត្ត​ព្រះសីហនុ ស្លាប់​នៅ​កន្លែងកើតហេតុ​។ ចំណែក ឈ្មោះ នល់ សារឿន ភេទ​ប្រុស អាយុ​៦៦​ឆ្នាំ មាន​ទីលំនៅ​ភូមិ​សំរុង​ក្រោម ឃុំ​សំរុង ស្រុក​ព្រៃនប់ ខេត្ត​ព្រះសីហនុ រងរបួស​ធ្ងន់ ហើយ​បាន​ត្រូវ​បញ្ជូនទៅ​ព្យាបាល នៅ​គ្លីនិក ឯកជន អូរ​ចំណារ ឃុំ​អូរ​ឧកញ៉ា​ហេង​។​

​សមត្ថកិច្ច បានឱ្យដឹងថាៈ ភាគី​ម្ខាង បើក​ម៉ូតូ​ម៉ាក ហុងដា វ៉េវ ពណ៌​ក្រហម គ្មាន​ស្លាក​លេខ ក្នុងទិសដៅ ពី​ខេត្ត​ព្រះសីហនុ​-​ភ្នំពេញ​។ ចំណែក​ភាគី​ម្ខាង​ទៀត បើក​ម៉ូតូ​ម៉ាក​ហុងដា ឌ្រី​ម សេ​១២៥ ពណ៌​ខ្មៅ ពាក់​ស្លាក​លេខ ព្រះសីហនុ ១J-៥៣៦១ មាន​ទិសដៅ​ផ្ទុយគ្នា​។ បច្ចុប្បន្ន វត្ថុតាង​ខាងលើ ត្រូវបាន​យកទៅ​រក្សាទុក នៅ​អធិការដ្ឋាន​នគរបាល ស្រុក​ព្រៃនប់ ដើម្បី​បន្ត​នីតិវិធី​៕/V​-PC

ទីតាំងផ្សាយពាណិជ្ជកម្ម

- Advertisment -

Most Popular