Home កីឡា ម៉ាក​សេ​ឡូ ប៊...

ម៉ាក​សេ​ឡូ ប៊ី​លសា ៖ Leeds ផ្តោត​តែ​លើ​ទម្រង់​លេង​ខ្លួនឯង​ប៉ុណ្ណោះ​នៅ​មុន​ជំនួប​ជាមួយ Newcastle

​ប្រែ​សម្រួល : កញ្ញា​ដា​លី​ស ៖ លោក ម៉ាក​សេ​ឡូ ប៊ី​លសា និយាយថា គាត់​កំពុង​ផ្តោត​លើ​បញ្ហា​របស់​គាត់​ផ្ទាល់​មិនមែន​បញ្ហា​របស់ Newcastle នោះទេ នៅមុន​ការប្រកួត Premier League​នា​រាត្រី​ថ្ងៃ​​អង្គារ​នៅ​កីឡដ្ឋាន St James’ Park​។​

​ក្រុម Leeds កំពុង​ប្រឹងប្រែង​បញ្ចៀស​បរាជ័យ ៤ លើ​ក​ជាប់​គ្នា ព្រោះ​បន្ទាប់ពី​ចាញ់​ក្នុង​លី​ក​ចំនួន ២ លើ​ក​ជាប់​គ្នា Leeds ក៏​ជ្រុះ​ចេញពី FA Cup យ៉ាង​អាម៉ាស់​ក្រោម​ថ្វីដៃ​របស់ Crawley ទៀត​។​

​គ្រូបង្វឹក​របស់ Newcastle លោក ស្ទីវ ព្រូ​ស កំពុង​រង​សម្ពាធ​កាន់តែ​ខ្លាំង​ឡើង ខណៈ​អ្នកគាំទ្រ​មួយចំនួន​អំពាវនាវ​ឱ្យ​បណ្តេញ​លោក​ចេញពី​តំណែង បន្ទាប់ពី​ក្រុម​សារិកា​ព្រៃ​ទើប​រក​បាន ២ ពិន្ទុ​ពី​ការប្រកួត​លី​ក​ចំនួន ៨ លើកចុងក្រោយ​។​

​លោក​ប៊ី​លសា​និយាយថា “​យើង​វិភាគ​ពី​ការលំបាក​របស់​គូប្រជែង ប៉ុន្តែ​ជា​ការពិត យើង​បារម្ភ​ខ្លាំង​អំពី​ការលំបាក​របស់​យើង ហើយ​ការលំបាក​របស់​យើង​កំពុង​លេចឡើង​ដូច​ការលំបាក​បច្ចុប្បន្ន​របស់​ពួកគេ​ដែរ​។ យើង​មិន​ផ្តោត​លើ​ទម្រង់​លេង​មិន​ល្អ​របស់​គូប្រជែង​ទេ យើង​ផ្តោត​លើ​ការប្រកួត​ផ្ទាល់​របស់​យើង​និង​ព្យាយាម​កែលម្អ​ទម្រង់​លេង​របស់​យើង​”​។​

​លោក​បន្តថា “​ទោះ​តាម​វិធី​ណា​ក៏​ដោយ យើង​មិន​មាន​អារម្មណ៍​ថា ទម្រង់​លេង​មិន​ល្អ​របស់ Newcastle នឹង​ផ្តល់​ផល​ចំណេញ​ដល់​យើង​នោះ​ឡើយ​។ ទម្រង់​លេង​មិន​ល្អ​របស់​គូ​ប្រជែង​នឹង​មិន​ជួយ​កែលម្អ​យើង​បានទេ យើង​ត្រូវតែ​កែលម្អ​ដោយ​ខ្លួនឯង​”៕

លោក ម៉ាក​សេ​ឡូ ប៊ី​លសា​

ទីតាំងផ្សាយពាណិជ្ជកម្ម

- Advertisment -

Most Popular