​ក្រុម​អ្នកស្រាវជ្រាវ បាន​រកឃើញ​ស្លាក​ឈ្មោះ ទាហាន​ម៉ា​រី​ន និង​គ្រាប់កាំភ្លើង ជាង​ប្រាំមួយ​តោន នៅ​បាតទន្លេ​មេគង្គ​

​ដោយៈ គង់​ហេង / កំពង់ចាម​: ប្រតិបត្តិ​ការរុករក និង​ស្រង់​យក​គ្រាប់​យុទ្ធ​ភ័​ណ្ឌ ក្នុង​នាវាចម្បាំង ដែល​បាន​លិច​ក្នុង​ទន្លេមេគង្គ ក្នុងភូមិ​សាស្ត្រ​ខេត្តកំពង់ចាម កាលពី​សម័យ​ស​ង្ក្រា​ម ទសវត្សរ៍​ឆ្នាំ​១៩៧០ នោះ គិត​មកដល់​ថ្ងៃទី​២៦ ខែមករា ឆ្នាំ​២០២១ ក្រុម​អ្នកស្រាវជ្រាវ បាន​ប្រទះឃើញ​ស្លាក​ឈ្មោះ ទាហាន​ម្នាក់ មួក​ដែក​ចំនួន​មួយ និង​គ្រាប់​យុទ្ធ​ភ័​ណ្ឌ ប្រមាណ​ជាង ប្រាំមួយ តោន ។​

​លោក​ឧ​ត្ត​ម​សេនីយ៍​ទោ ម៉ី សុភា មេបញ្ជាការ បោសសម្អាត​គ្រាប់​មិនទាន់​ផ្ទុះ នៃ​មជ្ឈមណ្ឌល​ជាតិ​គ្រប់គ្រង កង​រក្សា​សន្តិសុខ បោសសម្អាត​មីន និង​កាកសំណល់ សង្គ្រាម (NPMEC) បាន​មានប្រសាសន៍ ប្រាប់​នៅ​ថ្ងៃទី ២៦ មករា​ថាៈ លទ្ធផល នៃ​យុទ្ធនាការ​របស់ កងកម្លាំង​ជំនាញ បាន​ប្រមូល​ស្រង់ គ្រាប់កាំភ្លើង ចេញពី​ក្នុង​នាវាចម្បាំង នៅ​ឃ្លុប​ខាងមុខ​មួយ ដែល​បាន​លិច នៅ​បាតទន្លេ​មេគង្គ ទន្ទឹមនឹង​ស្រុក​ស្រី​សន្ធរ និង​ស្រុក​កងមាស ចន្លោះ​ឆ្នាំ ១៩៧០-១៩៧៥ គឺ​សរុប​ប្រហែល​ជាង ៦.០០០ គីឡូក្រាម​។​

​រកឃើញ​ស្លាក​ឈ្មោះ ទាហាន​ម៉ា​រី​ន និង​គ្រាប់កាំភ្លើង ជាង​ប្រាំមួយ​តោន នៅ​បាតទន្លេ​មេគង្គ​

​លោក​ឧ​ត្ត​ម​សេនីយ៍ មេបញ្ជាការ បាន​មានប្រសាសន៍​ឱ្យដឹងទៀតថាៈ ក្នុងនោះ មាន​គ្រាប់​កាំភ្លើងត្បាល់ ទំហំ ៨១ មី​ល្លី​ម៉ែត្រ ៦០ មី​ល្លី​ម៉ែត្រ និង​គ្រាប់​កាំភ្លើងយន្ត ១២,៧ មី​ល្លី​ម៉ែត្រ ពិសេស​បាន​រកឃើញ​វត្ថុតាង ជា​ស្លាក​ឈ្មោះ ទាហាន​ម៉ា​រី​ន​ម្នាក់ សរសេរ​ជា ភាសា​បារាំង CHHIM-CHHEANG-LY Marine Nationale Khmere មួក​ដែក​ចំនួន​មួយ និង​កាំបិត​កងទ័ព ដែល​សន្និដ្ឋាន ជា​ទាហាន​សម័យ​សាធារណរដ្ឋ លន់ ណុល តែ​មិន​ប្រទះឃើញ​ឆ្អឹង ជា​សាកសព​មនុស្ស​ទេ​។​

​លោក សុភា បាន​បន្ថែមថាៈ ប្រតិបត្តិការ​នេះ បាននិងកំពុង​រុករក ប្រមូល​គ្រាប់​យុទ្ធ​ភ័​ណ្ឌ ខាងលើនេះ យើង​បានធ្វើ​ក្រោម​ផ្ទៃ​ទឹក ជុំវិញ​នាវា​ដែល​លិច ចំនួន​ពីរ គ្រឿង ដែល​កប់​ក្រោម​ខ្សាច់ ជម្រៅ​ប្រមាណ ប្រាំ​ម៉ែត្រ ដែលមាន​ជម្រៅ​ទឹកទន្លេ ចាប់ពី ២០ ទៅ ៣០ ម៉ែត្រ ក្នុង​រង្វង់​ផ្ទៃ​ទឹក ប្រហែល ១៥០ ហិកតា​។​

​រកឃើញ​ស្លាក​ឈ្មោះ ទាហាន​ម៉ា​រី​ន និង​គ្រាប់កាំភ្លើង ជាង​ប្រាំមួយ​តោន នៅ​បាតទន្លេ​មេគង្គ​

​លោក​បាន​បន្តថាៈ យុទ្ធនាការ​នេះ យើង​បានចាប់ផ្តើម តាំងពី​ចុងឆ្នាំ​២០២០ ប៉ុន្តែ​កាលនោះ បាន​ជួប​បញ្ហា​ប្រឈម​នឹង​អាកាសធាតុ ខ្យល់​ខ្លាំង ទឹករលក​។ ក្រោយពី​ស្ងប់ខ្យល់ ក្រុមការងារ​កងកម្លាំង បាន​ចាប់​សម្រុក​ខ្លាំង នា​មួយរយ​:​នេះ​។ យើង​នៅ​មិនអាច​កំណត់​បាន ពេលណា​នឹង​ស្រង់ យក​នាវាចម្បាំង ឡើងលើ​គោក បាន​នៅឡើយ​ទេ​។ ដោយបាន​ជួប​ឧបសគ្គ កាកសំណល់​ច្រើន ដូចជា​គល់​ដើមឈើ គល់​ឫស្សី មង អួន​ចាស់ៗ បាន​ប៉ើង​ជាប់​នឹង​នាវា​នោះ​៕/V​

​រកឃើញ​ស្លាក​ឈ្មោះ ទាហាន​ម៉ា​រី​ន និង​គ្រាប់កាំភ្លើង ជាង​ប្រាំមួយ​តោន នៅ​បាតទន្លេ​មេគង្គ​

​រកឃើញ​ស្លាក​ឈ្មោះ ទាហាន​ម៉ា​រី​ន និង​គ្រាប់កាំភ្លើង ជាង​ប្រាំមួយ​តោន នៅ​បាតទន្លេ​មេគង្គ​

​រកឃើញ​ស្លាក​ឈ្មោះ ទាហាន​ម៉ា​រី​ន និង​គ្រាប់កាំភ្លើង ជាង​ប្រាំមួយ​តោន នៅ​បាតទន្លេ​មេគង្គ​ ​រកឃើញ​ស្លាក​ឈ្មោះ ទាហាន​ម៉ា​រី​ន និង​គ្រាប់កាំភ្លើង ជាង​ប្រាំមួយ​តោន នៅ​បាតទន្លេ​មេគង្គ​

ទីតាំងផ្សាយពាណិជ្ជកម្ម

- Advertisment -

Most Popular