Home ប្លែកៗ មាន​ចឹងដែរ​! ...

មាន​ចឹងដែរ​! សាក់​ពេញ​ខ្លួន​និង​វះ​បបូរមាត់​និង​ច្រមុះ​ចេញ​ដើម្បី​ក្លាយជា “​មនុស្ស​ក្រៅ​ភព​សម្បុរ​ខ្មៅ​”

​ប្រែ​សម្រួល : កញ្ញា​ដា​លី​ស ៖ អ្នក​ចូលចិត្ត​កែកុន​រាងកាយ​ម្នាក់​បាន​សារភាព​ថា​ពេលនេះ​គាត់​ពិបាក​និយាយ​ណាស់ បន្ទាប់​ពី​កាត់​ច្រមុះ​និង​បបូរមាត់​ខាងលើ​ចេញ ដើម្បី​ប្តូរ​រូបរាង​ថ្មី​។​

​សារព័ត៌មាន The Mirror បាន​រាយការណ៍​កាលពី​ថ្ងៃ​ចន្ទ​ថា លោក អាន​ថូ​នី ឡូ​ហ្វ​ហ្វ្រេ​ដូ អាយុ ៣២ ឆ្នាំ​បាន​សាក់​ពេញ​រាងកាយ រួមទាំង​កែវភ្នែក​របស់​គាត់ និង វះ​អណ្តាត​ញែក​ចេញ​ជា​ពីរ​ដើម្បី​មើល​ទៅ​​ដូចជា “​មនុស្ស​ក្រៅ​ភព​សម្បុរ​ខ្មៅ​”​។​

​បុរស​ជនជាតិ​បារាំង​រូបនេះ ដែល​ថត​វីដេអូ​ឯកសារ​ផ្សាយ​ដល់​អ្នក​គាំទ្រ​របស់​គាត់​ចំនួន ២២៧.០០០ នាក់​នៅ​លើ​បណ្តាញ​សង្គម Instagram បាន​និយាយថា គាត់​វះកាត់​ច្រមុះ​នៅអេ​ស្ប៉ាញ​ព្រោះ​ការវះកាត់​​បែបនេះ​គឺ​ខុសច្បាប់​នៅក្នុង​ប្រទេស​បារាំង​។​

​ក្រៅ​ពី​ការ​ចោះ​សាច់​និង​ការចាក់​សាក់ ការកែប្រែ​រាងកាយ​ទាំងស្រុង​ដែល​បណ្តាល​ឱ្យ​មាន​របួស​នោះ គឺ ជា​អំពើ​ខុសច្បាប់​នៅក្នុង​ប្រទេស​អឺរ៉ុប​ជាច្រើន​។​

​ហេតុ​ដូច្នេះ​ហើយ​ទើប​លោក​ឡូ​ហ្វ​ហ្វ្រេ​ដូ​មិន​បាន​បញ្ជាក់​ច្បាស់​ពី​កន្លែង ពេលវេលា និង​អ្នក​ដែល​បាន​កាត់​ច្រមុះ​និង​បបូរមាត់​របស់គាត់​នោះ​ទេ​នៅ​ពេល​និយាយ​អំពី​ការវះកាត់​នៅ​ក្នុង​វគ្គ​សំណួរចម្លើយ​ផ្សាយ​​ផ្ទាល់​នៅ​លើ​បណ្តាញ​សង្គម Instagram ៕

លោក អាន​ថូ​នី ឡូ​ហ្វ​ហ្វ្រេ​ដូ ឥឡូវ​ពិបាក​និយាយ​ក្រោយ​វះ​មាត់​និង​ច្រមុះ និង​សាក់​ពេញ​ខ្លួន

ទីតាំងផ្សាយពាណិជ្ជកម្ម

- Advertisment -

Most Popular