Home ព័ត៌មានជាតិ សន្តិសុខ ​ល​ទ្ទ​ផល​ការ...

​ល​ទ្ទ​ផល​ការងារ​ប្រចាំឆ្នាំ​២០២០ ក្នុង​ការងារ​គ្រប់គ្រង​គ្រោះមហន្តរាយ និង​ការងារ​គ្រប់គ្រង បម្រើ​អតីតយុទ្ធជន នៅ​ខេត្តកំពង់ធំ

​ដោយៈ ភ្នំ​ស្វាយ / កំពង់ធំៈ រដ្ឋបាលខេត្ត​កំពង់ធំ បាន​ប្រជុំ​បូកសរុប ល​ទ្ទ​ផល​ការងារ ប្រចាំឆ្នាំ​២០២០ ក្នុង​ការងារ​គ្រប់គ្រង​គ្រោះមហន្តរាយ និង​ការងារ​គ្រប់គ្រង បម្រើ​អតីតយុទ្ធជន នៅក្នុង​នេះ នៅ​ទីបញ្ជាការ តំបន់​ប្រតិបត្តិការ​សឹក​រង​កំពង់ធំ នា​រសៀល​ថ្ងៃទី​២៥ ខែមករា ឆ្នាំ​២០២១​។​

​ឧ​ត្ត​ម​សេនីយ៍​ទោ សោម ស៊ុន មេបញ្ជាការ តំបន់​ប្រតិបត្តិការ​សឹក​រង ខេត្តកំពង់ធំ និង​ជា​ប្រធាន​សមាគម​អតីតយុទ្ធជន​ខេត្ត បាន​មានប្រសាសន៍ថាៈ ដោយ​ការខិតខំ​ប្រឹងប្រែង របស់​គណៈកម្មាធិការ សមាគម​អតីតយុទ្ធជន​កម្ពុជា ខេត្តកំពង់ធំ ដោយមាន​ការយកចិត្ត​ទុកដាក់ ឧបត្ថម្ភ​គាំទ្រ ពី​លោក សុខ លូ ប្រធាន​កិត្តិយស សមាគម​អតីតយុទ្ធជន​កម្ពុជា​ខេត្ត រួមទាំង​សមាគម ស្រុក ក្រុង កងកម្លាំង អាជ្ញាធរ​ដែនដី បានរួម​គ្នា​សាងសង់ ជម្រក​ស្នាក់នៅ ជូន​ដល់​អតីតយុទ្ធជន ដែល​រស់នៅក្នុង​ខេត្តកំពង់ធំ បាន​ចំនួន ១៨២ ខ្នង​ផ្ទះ ដែលជា​អំណោយ សម្តេច​តេ​ជោ ហ៊ុន សែន ប្រធាន​សមាគម​អតីតយុទ្ធជន​កម្ពុជា​។​

​ចំណែក​អតីតយុទ្ធជន សរុប​មាន ៣.៦៧២ នាក់ , សមាជិកសមាគម​អតីតយុទ្ធជន ចំនួន ៣.១០៧ នាក់ ជនពិការ ១.៣៧១ នាក់ និង​បាន​ទៅ​ជួប​អតីតយុទ្ធជន ដែល​ជួប​ការលំបាក ក្នុង​ជីវភាព​ប្រចាំថ្ងៃ ឬ​មាន​ជំងឺ​នៅតាម​មូលដ្ឋាន និង​ជួយឧបត្ថម្ភ​ឧបភោគបរិភោគ និង​បានជ្រើសរើស​គ្រួសារ សាច់ញាតិ​បង្កើត របស់​អតីតយុទ្ធជន ចូល​បម្រើកងទ័ព អនុវត្ត​លិខិត​លេខ ១០៥៨/២០១៨ ស​.​ស .​ស ចុះ​ថ្ងៃទី​២ ខែវិច្ឆិកា ឆ្នាំ​២០១៩ ស្តីពី​ការជ្រើសរើស យុវជន​ស្ម័គ្រចិត្ត បំពេញ​ក្របខណ្ឌ កងទ័ពជើងគោក ។​

​លោក សុខ លូ អភិបាលខេត្ត​កំពង់ធំ និង​ជា​ប្រធាន​គណៈបញ្ជាការ កងឯកភាព​ខេត្ត បាន​កោតសរសើរ ចំពោះ​គណៈកម្មាធិការ សមាគម​អតីតយុទ្ធជន​កម្ពុជា ខេត្តកំពង់ធំ ប្រធាន​សមាគម បាន​ដឹកនាំ​ការងារ​អតីតយុទ្ធជន ស្រុក ក្រុង ឃុំ សង្កាត់ ចុះសួរសុខទុក្ខ អតីតយុទ្ធជន​នៅ​គ្រប់ទិសទី ក្នុង​ខេត្តកំពង់ធំ ជាពិសេស សូម​កោតសរសើរ កងកម្លាំង​សមត្ថកិច្ច​ទាំង ៣ ប្រភេទ រួមទាំង​មន្ទីរ​ជុំវិញ​ខេត្ត និង​សប្បុរសជន ដែល​បាន​សហការគ្នា ជួយ​ដល់​ប្រជាពលរដ្ឋ ដែល​បានទទួល រងគ្រោះ មហន្តរាយ ដោយសារ​ទឹកជំនន់​ទឹកភ្លៀង ក្នុង​ឆ្នាំ​២០២០ កន្លងមកនេះ គឺ​ចុះជួយ​ដល់ទី​តាំង ប្រជាពលរដ្ឋ​រងគ្រោះ នាំ​ស្បៀងអាហារ ចែកជូន​ដល់ លំនៅដ្ឋាន បាន​ទាន់ពេលវេលា ដោយ​មិន​ទុក​ឲ្យ​ប្រជាពលរដ្ឋ​ណា​ម្នាក់ ស្លាប់​ដោយ​អត់បាយ ដោយ​មិនបាន​ដឹងឮ ពី​អាជ្ញាធរ​នោះឡើយ ។​

​លោក នាយ​ឧ​ត្ត​ម​សេនីយ៍ ទេសរដ្ឋមន្ត្រី គន់ គីម អនុប្រធាន​ទី​១ គណៈកម្មាធិការ​គ្រប់គ្រង​គ្រោះមហន្តរាយ និង​ជា​អគ្គលេខាធិការ សមាគម​អតីតយុទ្ធជន​កម្ពុជា បាន​កោតសរសើរ ចំពោះ​ថ្នាក់ដឹកនាំ​ខេត្ត និង​ក្រុមការងារ សមាគម​អតីតយុទ្ធជន​កម្ពុជា ខេត្តកំពង់ធំ ដែល​ប្រទេស​កម្ពុជា ទទួលរង​ការគំរាមកំហែង ពី​ទឹកជំនន់​ទឹកភ្លៀង និង​ជំងឺ​រាតត្បាត​សកល​កូ​វីដ​-១៩ ប៉ះពាល់​ធ្ងន់ធ្ងរ ដល់​ជីវិត​មនុស្ស សហគមន៍ និង​សេដ្ឋកិច្ច ហើយ​នៅ​កម្ពុជា មិន​ត្រឹមតែ​កើតមាន​ជំងឺ​កូ​វីដ​-១៩ ប៉ុណ្ណោះ​ទេ គឺ​ឆ្នាំនេះ ឥទ្ធិពល​ព្យុះ​តំបន់ បានធ្វើឱ្យ​ភ្លៀង​ធ្លាក់​ជោកជាំ ហើយ​ចាប់​ពីថ្ងៃ​១៧ ខែកញ្ញា ឆ្នាំ​២០២០ មក មាន​ជំនន់​ទឹកភ្លៀង “​ជំនន់​រហ័ស “​។ លោក​បានស្នើ និង​ណែ​នាំអោយ​មន្ត្រី​ថ្នាក់ដឹកនាំ មន្ត្រី​អនុវត្ត​ការងារ​ជំនាញ ទាំង​២​ខាងលើ អោយបាន​លទ្ធផល និង​មាន​ប្រសិទ្ធភាព ៕/V​

ទីតាំងផ្សាយពាណិជ្ជកម្ម

- Advertisment -

Most Popular