Home កីឡា នៅ​ថ្ងៃនេះ​ក្...

នៅ​ថ្ងៃនេះ​ក្នុង​ឆ្នាំ ២០១៤ Man U ទិញ វ័ន ម៉ា​តា ក្នុងតម្លៃ​ឯតទគ្គ​កម្ម​

​ប្រែ​សម្រួល : កញ្ញា​ដា​លី​ស ៖ លោក ដេវីត ម៉​យ បានបង្ហាញ​ចេតនា​របស់លោក​ក្នុងការ​សម្តែងឫទ្ធិ​នៅលើ​ទឹកដី Old Trafford​បន្ទាប់ពី​បាន​បំបែក​ឯតទគ្គ​កម្ម​ផ្ទេរ​ថ្លៃ​បំផុត​របស់​ក្រុម​បិសាច​ក្រហម​​ទៅលើ​កីឡាករ វ័ន ម៉ា​តា ពី​ក្រុម​តោ​ខៀវ Chelsea ក្នុងតម្លៃ ៣៧,១ លាន​ផោន​។​

​ការទិញ​ខ្សែបម្រើ​រូបនេះ​បាន​ផ្តួល​ឯតទគ្គ​កម្ម​ពី​មុន​របស់​កីឡាករ ឌី​មី​តា បឺ​បាតូ​វ ដែល​ទិញ​ក្នុងតម្លៃ ៣០,៧៥ លាន​ផោន​ហើយ​ទំនង​ជា​បង្ហាញ​សញ្ញា​ថា​មាន​ការគាំទ្រ​ពី​ថ្នាក់ដឹកនាំ​របស់​ក្លិប​ចំពោះ​​អតីត​គ្រូបង្វឹក Everton ដែល​រង​សម្ពាធ​ខ្លាំង​រូបនេះ​។​

​ម៉ា​តា​បាន​មកដល់ ពេល United កំពុង​ឈរ​នៅ​ចំណាត់ថ្នាក់​លេខ ៧ ក្នុង​តារាង Premier League និង​ទើប​ជ្រុះ​ចេញពី FA និង Capital One Cups​។​

​ម៉ា​តា​បាន​និយាយថា​ពេលវេលា​គឺ​ស័ក្តិសម​ដើម្បី​ស្វែងរក​ការ​ប្រជែង​ថ្មី ទោះបីជា​បានឈ្នះ​ពានរង្វាន់​កីឡាករ​ឆ្នើម​ជាប់​គ្នា​ពីរ​ឆ្នាំ​នៅ Chelsea ក៏ដោយ​។​

​ម៉ា​តា​និយាយទៀតថា “​ខ្ញុំ​រីករាយ​ក្នុង​ឆ្នាំ​កន្លងទៅ​នៅ​ក្លិប​តោ​ខៀវ ប៉ុន្តែ​ពេល​វេលា​បាន​មក​ដល់​ហើយ​សម្រាប់​ការប្រកួតប្រជែង​ថ្មី​។ United គឺជា​កន្លែង​ដ៏​ល្អ​បំផុត​សម្រាប់​ខ្ញុំ​ហើយ​ខ្ញុំ​ពិតជា​រំភើប​ណាស់​​ដែល​មាន​ឱកាស​ក្លាយជា​ផ្នែក​មួយ​នៃ​ដំណាក់កាល​បន្ទាប់​នៃ​ប្រវត្តិសាស្ត្រ​របស់​ក្លិប​”​។​

“Chelsea គឺជា​ក្លិប​កំពូល​មួយ​ហើយ​ខ្ញុំ​មាន​មិត្តភក្តិ​ជាច្រើន​នៅ​ទីនោះ ប៉ុន្តែ​អ្នក​មិន​អាច​បោះបង់​ឱកាស​ចូល​រួមជាមួយ Manchester United នោះទេ​។ ខ្ញុំ​ទន្ទឹងរង់ចាំ​ជួយ​អ្នក​ចាត់ការ​ទូទៅ​និង​​ក្រុម​ឱ្យ​ទទួលបាន​ជោគជ័យ​នៅ​ឆ្នាំ​ខាង​មុខ​”​។​

​លោក​ម៉​យបាន​ហៅ​ម៉ាតា​ថា​ជា “​កីឡាករ​ដ៏​ឆ្នើម​ម្នាក់​នៅ​ក្នុង​ការប្រកួត​នាពេល​បច្ចុប្បន្ន​” ហើយ​លោក​សង្ឃឹមថា​ការមកដល់​របស់​កីឡាករ​អន្តរជាតិ​អេ​ស្ប៉ាញ​រូប​នេះ​នឹង​ចាប់ផ្តើមកា​រ​ងើប​ឡើងវិញ​​នូវ​ជោគវាសនា​របស់​បិសាច​ក្រហម​។​

​ប៉ុន្តែ​ខណៈ​ពេល​ដែល​ម៉ា​តា​កំពុង​ព្យាយាម​បង្ហាញ​អំពី​តម្លៃ​ខ្លួន​ឯតទគ្គ​កម្ម​របស់ខ្លួន លោក​ម៉​យ​កំពុង​ជិត​អស់​ពេល ហើយ​ទីបំផុត​ត្រូវ​បណ្តេញចេញ​នៅ​បី​ខែក្រោយ​៕

​បិសាច​ក្រហម​ទិញ​ម៉ា​តា​ក្នុងតម្លៃ​ឯតទគ្គ​កម្ម​នៅ​ថ្ងៃទី​២៦ ខែ​មករា ឆ្នាំ​២០១៤

ទីតាំងផ្សាយពាណិជ្ជកម្ម

- Advertisment -

Most Popular