Home ព័ត៌មានជាតិ សន្តិសុខ រថយន្ត​ធុន​ធំ...

រថយន្ត​ធុន​ធំ​បុក​រះ​រថយន្ត​ធុន​ស្រាល​៤​គ្រឿង និង​ម៉ូតូ​កង់​បី របួសធ្ងន់​ម្នាក់​

​ដោយ​:​គ្រញូង​/​បាត់ដំបង​: នៅ​ព្រឹក​ថ្ងៃទី​២៦ ខែធ្នូ ឆ្នាំ​២០២០ នៅលើ កំណាត់​ផ្លូវជាតិ​លេខ​៥ កំពុង ស្ថាបនា ស្ថិតនៅ​ភូមិ​ពពាលខែ ឃុំ​អូរ​តា​គី ស្រុក​ថ្មគោល មាន​គ្រោះ​ថ្នាក់​ចរក់​ចរាចរណ៍​មួយ​កើតឡើង រវាង​រថយន្ត​ធុន​ធ្ងន់ បុក​ជាមួយ​រថយន្ត​ធុន ស្រាល​ធុន​ស្រាល​បួន​គ្រឿង និង​ម៉ូតូ​កង់​បី​១​គ្រឿង បណ្តាល​ឲ្យ​របួស​អ្នកបើកបរ​ម៉ូតូ​កង់​បី​ម្នាក់ និង​រថយន្ត​ទាំងអស់​រង​ការខូចខាត​តិចតួច​។​

​អធិការនគរបាល​ស្រុក​ថ្មគោល បាន​ឲ្យ​ដឹងថា​មុនពេល​កើតហេតុ​រថយន្ត​ដឹកទំនិញ​ធុន​ធ្ងន់ ម៉ាក​ហ៊ី​យ៉ា ន់ ដាយ (HYUNDAI) ពណ៌​ស ពាក់​ផ្លាកលេខ បាត់ដំបង 3A-3855 បើកបរ​ពី​ទិស​ខាងត្បូង​ទៅ​ជើង​ក្នុង ល្បឿន​លឿន​។ លុះដល់​ចំណុចកើតហេតុ​ជាន់​ហ្វ្រាំង​មិន​ជាប់​បាន​បុក​ម៉ូតូ​កង់​បី ពណ៌​ឈាមជ្រូក គ្មាន​ស្លាក លេខ បើក​ទិស​ស្របគ្នា​ចំ​ពីក្រោយ​រួច​ជ្រុល​ទៅបុក​រថយន្ត ធុ​ន្ត​ធុន​ស្រាល​បួន​គ្រឿងក្នុង​ទិស​ស្របគ្នា​បណ្តាល​ឲ្យ​របួស​
​ធ្ងន់​តៃកុង​ម៉ូតូ​កង់​បី​។

​ចំណែក រថយន្ត​ទាំង​បួន​គ្រឿង​រួមមាន​៖
១. រថយន្ត ម៉ាក​កាមរី ពណ៌ ស ស៊េរី​ឆ្នាំ ១៩៩៥ ពាក់​ស្លាក​លេខ នប 2-2356 (​បុក​ចំ ពីក្រោយ​)
២. រថយន្ត REV4 ពណ៌ ស ស៊េរី ២០០២ ពាក់​ស្លាក​លេខ ភ្នំពេញ 2AP-7321 ( បុក​ត្រង់​ចំហៀង​ខាងឆ្វេង​)
៣. រថយន្ត កូរ៉ូឡា ពណ៌​ស ស៊េរី ១៩៨៨ ពាក់​ស្លាក​លេខ ភ្នំពេញ 2E-3656 (​បុក​ត្រង់​ចំហៀង​ខាងឆ្វេង​)
៤. រថយន្ត កាមរី ពណ៌​ស្លែ ស៊េរី ១៩៩៦ ពាក់​ស្លាក​លេខ ពោធិ៍សាត់ 2A-0160 បើក​ក្នុងទិសដៅ​ផ្ទុយ បុក​ចំ ពីមុខ​ផ្នែក​ខាងស្តាំ​។

​លោក​អធិការ​ស្រុក​ថ្មគោល​បាន​បញ្ជាក់ថា​ក្រោយ​​ពេល​នគរបាល​ចរាច​រណ៍​ស្រុក​ធ្វើការ​វាស់វែង​រួច​បានប្រគល់​រថយន្ត​ធំ តូច​ទាំង​៥​គ្រឿង​និង​ម៉ូតូ​កង់​បី​១​គ្រឿង​ទៅ​ឲ្យ​នគរបាល​ការិយាល័យ​ផ្លូវគោក​ខេត្ត​យកទៅ​ដោះស្រាយ​តាមផ្លូវ​វ​ច្បាប់​៕​

ទីតាំងផ្សាយពាណិជ្ជកម្ម

- Advertisment -

Most Popular