Home ព័ត៌មានជាតិ សន្តិសុខ ស្ត្រី​ម្នាក់...

ស្ត្រី​ម្នាក់ បើករថយន្ត បុក​ម៉ូតូ​សណ្តោង​រ៉ឺម៉ក បណ្តាល​ឲ្យ​មនុស្ស ៣ នាក់ រងរបួស​

ដោយៈ ស​រិ​ទ្ធ / ភ្នំពេញៈ ស្ត្រី​ម្នាក់ បាន​បើករថយន្ត ក្នុង​ល្បឿន​លឿន ហើយ​បាន​រេ​ចង្កូត ទៅបុក​ម៉ូតូ​សណ្តោង​រ៉ឺម៉ក ពេញទំហឹង បណ្តាល​ឲ្យ​ដាច់ចេញ​ពីគ្នា ធ្វើ​ឲ្យ​មនុស្ស ៣ នាក់ រងរបួស​ធ្ងន់​ស្រាល​។ ចំណែក​ម្ចាស់​រថយន្ត​បង្ក ព្យាយាម​បើក​រត់ មិន​ព្រម​ទទួលខុសត្រូវ តែ​សមត្ថកិច្ច តាម​ឃាត់​បាន​វិញ​។​

​ហេតុការណ៍​គ្រោះថ្នាក់​ចរាចរណ៍​នេះ បានកើត​ឡើង នៅវេលា​ម៉ោង ៣ និង ៥០​នាទី ទៀបភ្លឺ ថ្ងៃទី​២៧ ខែមករា ឆ្នាំ ២០២១ ស្ថិតនៅតាម​បណ្តោយ​ផ្លូវ ១៨២ ក្នុង​សង្កាត់​ទឹកល្អក់ ទី​២ ខណ្ឌទួលគោក រាជធានី​ភ្នំពេញ​។​

​សមត្ថកិច្ច បាន​ឲ្យ​ដឹងថាៈ មុនពេល​កើតហេតុ មាន​រថយន្ត​ម៉ាក lexus RX330 ពណ៌​ទឹកប្រាក់ ពាក់​ផ្លាកលេខ ភ្នំពេញ 2-AM 4098 បើកបរ​ដោយ​ស្ត្រី​ម្នាក់ ធ្វើដំណើរ​តាម បណ្តោយ​ផ្លូវ ១៨២ ក្នុងទិសដៅ ពី​ខាងកើត មក​ខាងលិច ក្នុង​ល្បឿន​យ៉ាង​លឿន​។

ខណៈ​មកដល់​ចំណុចកើតហេតុ ស្រាប់តែ​រថយន្ត បាន​រេ​ចង្កូត ជ្រុល​ទៅបុក​ម៉ូតូ​រ៉ឺម៉ក សណ្តោង ពាក់​ផ្លាកលេខ ភ្នំពេញ 1-AP 4410 ធ្វើដំណើរ​បញ្ច្រាសទិស​គ្នា ក្នុងទិសដៅ​ពី ខាងលិច ទៅខាង​កើត ពេញទំហឹង បណ្តាល​ម្ចាស់​ម៉ូតូ​រ៉ឺម៉ក និង​អ្នករួមដំណើរ ២ នាក់​ទៀត រងរបួស​ធ្ងន់ និង​ស្រាល ហើយ​ត្រូវបាន​រថយន្ត សាមុយ​ឯកជន​ដឹក​យកទៅ​សង្គ្រោះ បន្ទាន់​ភ្លាមៗ​។​

​ក្រោយពេល​កើតហេតុ សមត្ថកិច្ច​មូលដ្ឋាន សហការ​ជាមួយនឹង​ប៉ូលិស​ចរាចរណ៍ ខណ្ឌទួលគោក ចុះមក​វាស់វែង យក​រថយន្ត​បង្ក ខាងលើ ទៅ​រក្សាទុក​នៅ​អធិការដ្ឋាន នគរបាល ខណ្ឌទួលគោក រង់ចាំ​ដោះស្រាយ​នៅពេល​ក្រោយ​៕/V​-PC

ទីតាំងផ្សាយពាណិជ្ជកម្ម

- Advertisment -

Most Popular