Home ព័ត៌មានជាតិ សន្តិសុខ មន្ត្រីនគរបាល...

មន្ត្រីនគរបាល​ចរាច​រណ៍ ពង្រឹងសមត្ថភាព​ជំនាញ​របស់ខ្លួន ក្នុងការ​បំពេញភារកិច្ច ជូន​ប្រជាពលរដ្ឋ​

ដោយៈ គ្រញូង / បាត់ដំបងៈ នៅ​ព្រឹក​ថ្ងៃទី​២៧ ខែមករា ឆ្នាំ​២០២១ នេះ ការិយាល័យ នគរបាល​ចរាចរណ៍​ផ្លូវគោក បាន​ហ្វឹកហាត់ ពង្រឹងសមត្ថភាព​ជំនាញ បញ្ជា​ចរាចរណ៍ ដល់​មន្ត្រីនគរបាល ចរាចរណ៍​ផ្លូវគោក ចំណុះ​ស្នងការដ្ឋាន​នគរបាល ខេត្តបាត់ដំបង​។​

​លោក វរសេនីយ៍ឯក ចាន់ សុធី នាយការិយាល័យ​នគរបាល​ចរាចរណ៍​ផ្លូវគោក បានឱ្យ ដឹងថាៈ ការប្រមូលផ្តុំ បណ្តុះបណ្តាល​ពង្រឹង​បន្ថែម លើ​មុខជំនាញ​មួយ​នេះ​ក៏​ដូច​មុខជំនាញ ផ្សេងទៀត លើ​ការងារ​ចរាចរណ៍​ផ្លូវគោក គឺជា​កត្តា​សំខាន់ និង​ចាំបាច់​បំផុត​ដែល​មន្ត្រី នគរបាល​ចរាចរណ៍ ត្រូវ​ចេះ ហើយ​អនុវត្ត​ប្រកបដោយ ប្រសិទ្ធភាព ព្រោះថា​ក្នុងស្ថានភាព បច្ចុប្បន្ននេះ កំណើន​យានយន្ត គ្រប់​ប្រភេទ មាន​ច្រើន ហើយ​អ្នកប្រើប្រាស់​ផ្លូវ គ្រប់​ប្រភេទ ក៏​កាន់​តែមាន​កំណើន​ច្រើនឡើង ពីមួយថ្ងៃ ទៅមួយថ្ងៃ ហើយ​ក្នុងនោះ​កត់សម្គាល់​ឃើញថា មានពេលខ្លះ ការកកស្ទះ​ចរាចរណ៍ នៅក្នុង​ទីប្រជុំជន ក៏​កើតមាន​ញឹកញាប់​ផងដែរ ដែល​កត្តា​ទាំងនេះ តម្រូវឱ្យ​មន្ត្រីនគរបាល​ចរាចរ​ណ៍ ត្រូវ​ពង្រឹង​បន្ថែម​លើ​សមត្ថភាព​ជំនាញ ដើម្បី​ដោះស្រាយ​បញ្ហា​នេះ ជូន​ប្រជាពលរដ្ឋ ឲ្យ​បានល្អ​ប្រសើរ​។​

​លោក​បាន​បញ្ជាក់ថាៈ ការប្រមូលផ្តុំ បណ្តុះបណ្តាល ហ្វឹកហាត់ ពង្រឹងសមត្ថភាព​ជំនាញ បញ្ជា​ចរាចរណ៍ ដល់​មន្ត្រីនគរបាល ចរាចរណ៍​ផ្លូវគោក​នេះ បានធ្វើ​ឡើង តាម​មតិ​ដឹកនាំ របស់លោក​ឧ​ត្ត​ម​សេនីយ៍​ទោ សាត គឹម​សាន ស្នងការ​នៃ ស្នងការដ្ឋាន​នគរបាល ខេត្តបាត់ដំបង ជាពិសេស​ក្រោម​ការបញ្ជា​ផ្ទាល់ ដោយ​លោក​វរសេនីយ៍ឯក ប៉ូវ វណ្ណឌី ស្នងការរង​ផែនការ​ងារ សណ្តាប់ធ្នាប់​សាធារណៈ នៃ​ស្នងការ​ដា្ឋ​ន ។​

​លោក​វរ​សេ​ន៏​យ៍​ឯក នាយការិយាល័យ​នគរបាល ចរាចរណ៍​ផ្លូវគោក​ខេត្ត បាន​អំពាវ​សុំ​ឲ្យ អ្នក​ប្រើ​ប្រា​ល់​ផ្លូវ​ទាំងអស់ សូមមេត្តា​ចូលរួម​គោរព​ច្បាប់ ចរាចរណ៍​ផ្លូវគោក ឱ្យបាន​ត្រឹមត្រូវ គ្រប់ពេលវេលា ៕/V-PC

មន្ត្រីនគរបាល​ចរាចរ​ណ៍​ពង្រឹងសមត្ថភាព​ជំនាញ​របស់ខ្លួន​ក្នុងការ​បំពេញភារកិច្ច​ជូន​ប្រជាពលរដ្ឋ​

មន្ត្រីនគរបាល​ចរាចរ​ណ៍​ពង្រឹងសមត្ថភាព​ជំនាញ​របស់ខ្លួន​ក្នុងការ​បំពេញភារកិច្ច​ជូន​ប្រជាពលរដ្ឋ​

មន្ត្រីនគរបាល​ចរាចរ​ណ៍​ពង្រឹងសមត្ថភាព​ជំនាញ​របស់ខ្លួន​ក្នុងការ​បំពេញភារកិច្ច​ជូន​ប្រជាពលរដ្ឋ​

មន្ត្រីនគរបាល​ចរាចរ​ណ៍​ពង្រឹងសមត្ថភាព​ជំនាញ​របស់ខ្លួន​ក្នុងការ​បំពេញភារកិច្ច​ជូន​ប្រជាពលរដ្ឋ​

ទីតាំងផ្សាយពាណិជ្ជកម្ម

- Advertisment -

Most Popular