Home កីឡា អ្នកជំនាញ​កំព...

អ្នកជំនាញ​កំពុង​ពិគ្រោះ​យោបល់​លើ​សេចក្ដី​សេចក្ដីព្រាងច្បាប់​ស្ដីពី​ការគ្រប់គ្រង​វិស័យ​អប់រំ​កាយ និង​កីឡា​

​ដោយៈ ជា សីហៈ​/​ភ្នំពេញៈ ក្រសួង​អប់រំ យុវជន និង​កីឡា​បាន​បើក​កិច្ចប្រជុំ​ពិគ្រោះ យោបល់​លើ​សេចក្ដីព្រាងច្បាប់ ស្ដីពី​ការគ្រប់គ្រង​លើ​វិស័យ​អប់រំ​កាយ និង​កីឡា​ដែល​បាន ប្រារព្ធ​ធ្វើឡើង​ពេញ​មួយថ្ងៃ កាលពី ថ្ងៃទី​២៦ ខែមករា ឆ្នាំ​២០២១​នៅ​មជ្ឈមណ្ឌល​ជាតិ​ហ្វឹក ហ្វឺ​ន​កីឡា​។​

​កិច្ចប្រជុំ​នេះ រៀបចំឡើង​ដោយ លោក ប៊ូ ជុំ​សេរី អនុរដ្ឋលេខាធិការ ក្រសួង​អប់រំ យុវជន និង​កីឡា ដែលជា​អនុប្រធាន​អចិន្ត្រៃយ៍​គណៈកម្មការ​រៀប​ចំ​តាក់តែង​សេចក្ដីព្រាង​ច្បាប់ គ្រប់គ្រង​វិស័យ​អប់រំ​កាយ និង​កីឡា លោក វ៉ា​ត់ ចំរើន អគ្គលេខាធិការ​គណៈកម្មាធិកា​រ ជាតិ​អូឡាំពិក​កម្ពុជា និង​ជា​អគ្គលេខាធិការ គណៈកម្មាធិការ​ជាតិ​រៀបចំ​ការប្រកួត​កីឡា អាស៊ីអាគ្នេយ៍ លើក​ទី​៣២ ឆ្នាំ​២០២៣​។

​អ្នក​ដែល​ចូលរួម​ប្រជុំ​រួមមាន តំណាង​កីឡាករ តំណាង​សហព័ន្ធ​កី​ឡ​ជាតិ​ចំនួន​៤២ សហព័ន្ធ​។​

​ច្បាប់​ស្ដីអំពី​ការគ្រប់គ្រង​វិស័យ​អប់រំ​កាយ និង​កីឡា​មាន​ចំនួន​៨​ជំពូក​ដែលមាន​ជាង​២៥០ មាត្រា​។ កិច្ចពិភាក្សា​នេះ​ធ្វើឡើង ដើម្បី​ប្រមូល​ធាតុ​ចូល​ដែល​ប្រមូលបាន​ពី​ការពិភាក្សាគ្នា ដើម្បី​ធ្វើ​ឲ្យ​ច្បាប់​មាន​លក្ខណៈ​គ្រប់​ជ្រុងជ្រោយ ដើម្បី​ការអនុវត្តន៍​ទៅ​មាន​ប្រសិទ្ធភាព​៕/PC

ទីតាំងផ្សាយពាណិជ្ជកម្ម

- Advertisment -

Most Popular