Home ព័ត៌មានអន្តរជាតិ ព្រឹទ្ធសភា​អា...

ព្រឹទ្ធសភា​អាម៉េរិក​បញ្ជាក់​ទទួលស្គាល់​លោក​ប្លីន​ខិន​ជា​រដ្ឋមន្ត្រីការបរទេស​

​ប្រែ​សម្រួល : កញ្ញា​ដា​លី​ស ៖ ព្រឹទ្ធសភា​អាម៉េរិក​កាលពី​ថ្ងៃ​អង្គារ​ទី​២៦​មករា​បាន​បញ្ជាក់​ទទួលស្គាល់​លោក អាន​ថូ​នី ប្លីន​ខិន ជា​រដ្ឋមន្ត្រី​ការបរទេស​ដោយ​មាន​សមាជិក​សំខាន់ៗ​នៃ​គណបក្ស​សាធារណរដ្ឋ​​ដែល​ជា​គូប្រជែង បាន​គាំទ្រ​រូបលោក​។​

​លោក​ប្លីន​ខិន ដែល​ជា​ទីប្រឹក្សា​យូរអង្វែង​របស់​ប្រធានាធិបតី ចូ បៃ​ដិន ដែល​ប្តេជ្ញា​ជួសជុល​ទំនាក់ទំនង​សម្ព័ន្ធមិត្ត​របស់​អាម៉េរិក​ឡើងវិញ​នោះ ត្រូវបាន​អនុម័ត​ដោយ​សំឡេង ៧៨-២២ ។​

​ការបញ្ជាក់​ទទួលស្គាល់​ងាយៗ​របស់លោក គឺ ផ្ទុយ​ពី​រដ្ឋមន្ត្រី​ការបរទេស​ពីរ​រូប​របស់​អតីត​ប្រធានាធិបតី​ដូណាល់ ត្រាំ គឺ​លោក ម៉ៃ ផ​ម​ផេវ និង​លោក រិច ធី​ល​ល័​រសុន ដែល​អ្នក​ទាំង​ពីរ​ត្រូវបាន​ជំទាស់​ដោយ​សមាជិក​គណ​បក្ស​ប្រជាធិបតេយ្យ​ភាគច្រើន​។​

​ព្រឹទ្ធ​សមាជិក​គណបក្ស​សាធារណរដ្ឋ​ដែល​គាំទ្រ​លោក​ប្លីន​ខិន រួមមាន​ទាំង​សម្ព័ន្ធមិត្ត​ជិតស្និត​ចំនួន​ពីរ​រូប​របស់​លោក​ត្រាំ​ទទួលបន្ទុក​គោលនយោបាយ​ការបរទេស គឺ​លោក ម៉ាកូ រូប៊ី​អូ ជា​អ្នក​រិះគន់​យ៉ាង​​មុតមាំ​ទៅលើ​រដ្ឋាភិបាល​ឆ្វេងនិយម​នៅក្នុង​ប្រទេស​គុយបា​និង​វ៉េណេស៊ុយ​អេ​ឡា និង លោក លីន​សី ហ្គ្រា​ហាំ ដែល​ល្បី​ខាង​ទស្សនៈ​និយម​សង្គ្រាម​របស់លោក​ចំពោះ​ប្រទេស​ស៊ី​រី​និង​អ៊ីរ៉ង់​៕

​លោក​អាន​ថូ​នី ប្លីន​ខិន ត្រូវបាន​ប្រកាស​ជា​រដ្ឋមន្ត្រី​ការបរទេស​អាម៉េរិក​

ទីតាំងផ្សាយពាណិជ្ជកម្ម

- Advertisment -

Most Popular