Home ព័ត៌មានសំខាន់ៗ ពលរដ្ឋ ចោទថា ...

ពលរដ្ឋ ចោទថា កាត់ផ្តាច់​ផ្លូវ​ធ្វើដំណើរ តែ​ក្រុមហ៊ុន​អចលនវត្ថុ​ថា ត្រៀម​ធ្វើ​ស្ពាន ដោយ​ហាម​ឆ្លងកាត់​ការដ្ឋាន​

ដោយៈ ប​.​ជ័យ / បន្ទាយ​មាន​ជ័​យៈ ប្រជាពលរដ្ឋ ជា​ម្ចាស់​ដី បាន​និយាយថា មន្ត្រី​យោធា ម្នាក់ បាន​កាត់ផ្តាច់​ផ្លូវ​ធ្វើដំណើរ​របស់​ពួកគេ ក៏ប៉ុន្តែ​មន្ត្រី​យោធា​ជា​ម្ចាស់​ក្រុមហ៊ុន អចលនវត្ថុ បាន​និយាយថា ជាការ​កាយ​ដិ ត្រៀម​ធ្វើ​ស្ពាន​ហើយ​បាន​ហាម​ប្រជាពលរដ្ឋ ជា​ម្ចាស់​ដី កុំឱ្យ​ឆ្លងកាត់​ការដ្ឋាន​។ បញ្ហា​ចោទ ឆ្លើយ រវាង​ប្រជាពលរដ្ឋ និង​មន្ត្រី​យោធា បាន​កើតមានឡើង នៅ​លើដី​ទំនាស់ នៅ​ចំណុច​ផ្លូវ​៣០ ឬ​ចំណុច​អូរ​ថៅកែ​យ៉​ក្នុងភូមិ​ថ្ម បាំង​ឃុំ​បឹងបេង ស្រុក​ម៉ាឡៃ ខេត្តបន្ទាយមានជ័យ ដែល​ស្ថិត​នៅជាប់​ព្រំប្រទល់ ស្រុក​សំពៅ​លូន ខេត្តបាត់ដំបង ។​

​លោក ឌៀប ឈួន អភិបាលស្រុក​ម៉ាឡៃ បាន​ប្រាប់ រស្មី​កម្ពុជា ថ្ងៃទី​២៧ ខែមករា ឆ្នាំ​២០២១​នេះ​ថាៈ បញ្ហា​នោះ ត្រូវបាន​សម្របសម្រួល ដោះស្រាយ​គ្នា ត្រឹម​ភូមិ ឃុំ ហើយ​ភាគី​ទំនាស់ ត្រូវគោរព​ស្មារតី​ខ្លឹមសារ ដែល​ព្រមព្រៀងគ្នា ដូចជា ភាគី​ពលរដ្ឋ​ម្ចាស់​ដី ត្រូវ​រក្សា​កិច្ចសន្យា លក់​ដី ក្នុងតម្លៃ ដែល​ឯកភាពគ្នា​ហើយ ហើយ​មិន​គេចកែ​ឬ​យក​លេស នេះ លេស​នោះ នៅពេល​ហាងឆេង​ដីធ្លី ឡើងថ្លៃ​ឡើយ ។​

​ឯ​ភាគី​យោធា ឬ​ម្ចាស់​ក្រុមហ៊ុន​អចលនវត្ថុ បាន​និយាយថា ត្រូវ​ទូទាត់​សាច់ប្រាក់​នៅ​ជំពាក់ ទៅមក ចាក់ដី​ឱ្យទាន់ពេល ដូច​សន្យា ហើយ​មិនត្រូវ​ទៅធ្វើ សកម្មភាព​អ្វីដែល​នាំអោយ ខូចខាត ផលប្រយោជន៍​ភាគី​ម្ចាស់​ដី​ឡើយ (​ដូច​កាយ​ផ្តាច់​ផ្លូវ​)​។​

​សូម​រំលឹកថា បាតុភាព​កាលពី​ថ្ងៃទី​២៣ ដល់ ២៥ ខែមករា ឆ្នាំ​២០២១ មាន​ប្រជាពលរដ្ឋ ជាច្រើន បាន​តវ៉ា ទាមទារ​នឹង​លោក ឧ​ត្ត​ម​សេនីយ៍​ត្រី តឹក ប៊ុនធឿន ហៅ (​តុល​) មេបញ្ជាការរង យោធភូមិភាគ​ទី​៥ ទទួល​ជា​មេ​បញ្ជ​ការរង ទិស​តំបន់​ទី​១ ខេត្ត​បន្ទាយ មានជ័យ ដែល​បាន​បញ្ជា​ឲ្យ​លោក ព្រហ្ម សា​ម៉ូ​ម មេ​បញ្ជ​ការរង ផ្នែក​សឹក​រង​ស្រុក​អូ​ររ​ជ្រៅ នាំយក​គ្រឿងចក្រ ទៅ​កាយ​ផ្តាច់​ផ្លូវ មិន​ឲ្យ​ប្រជាពលរដ្ឋ ធ្វើដំណើរ​ចូល ទៅ​ដឹក​កសិផល នៅ​ចម្ការ​។​

​ប្រជាពលរដ្ឋ បាន​ឲ្យ​ដឹងថាៈ លោក​វរសេនីយ៍ ព្រហ្ម សា​ម៉ូ​ម ហៅ ម៉ូ​ម បាន​យក​គ្រឿងចក្រ ទៅ​កាយ​ផ្តាច់​ផ្លូវ នៅ​ចំណុច​ខាងលើ នៅវេលា​ម៉ោង ៩ យប់ ថ្ងៃទី​២២ ខែមករា ឆ្នាំ​២០២១​។ ប្រជាពលរដ្ឋ បាន​រាយការណ៍ និង​ប្តឹងទៅ​មេភូមិ​ថ្មបាំង ឃុំ​បឹងបេង ប៉ុន្តែ​លោក​មេភូមិ មិន​ហ៊ាន​នឹង​អំណាច​មន្ត្រី​យោធា នោះឡើយ​។ ឃើញ​ដូច្នោះ​ពលរដ្ឋ​បានស្នើ​ដល់​អាជ្ញាធរ ឃុំ ស្រុក និង​ខេត្តបន្ទាយមានជ័យ ឱ្យជួយ​រក​ដំណោះស្រាយ ជូន​ពួកគាត់​។​

​ប្រភពព័ត៌មាន​មួយ បាន​បង្ហើប​ថាៈ មូលហេតុ​នាំអោយមាន​កា​រ កាយ​ផ្តាច់​ផ្លូវ​នោះ មកពី​ក្មួយ​លោក ព្រហ្ម សា​ម៉ូ​ម ខឹង​ប្រជាពលរដ្ឋ មុន​រឿង​ពលរដ្ឋ​លក់​ដី ហើយ ចង់​គេចកែ ហេតុនេះ ក៏មាន​ការសង​សឹក ដូច្នេះ​ទៅ ។​

​ប្រភព​ដដែល បាន​បន្តថាៈ លោក ព្រហ្ម សា​ម៉ូ​ម ជា​មន្ត្រី​យោធា​មែន តែ​ជាក់ស្តែង លោកអ្នក​រកស៊ី​ទិញ​-​លក់ គួ​ក​ជេរ​ដី ដ៏​ល្បីឈ្មោះ ។ តែ​ករណីនេះ ដោយសារ ទៅ​ទិញ​ដី ប្រជាពលរដ្ឋ និង​ធ្វើ​កិច្ចសន្យា កក់​លុយ ជាមួយ​ប្រជាពលរដ្ឋ​ហើយ បែរជា​មិន​ឲ្យ​លុយ​។ ហេតុនេះ ទើប​ប្រជាពលរដ្ឋ ខឹង ហើយ​នាំគ្នា​ឈប់​លក់​វិញ និង​បន្ទាប់មក ក៏​ធ្វើ​ឲ្យ​លោក ព្រហ្ម សា​ម៉ូ​ម ខឹង​វិញ​ម្តង ហើយក៏​រាលដាល ទៅ​កាយ​កាត់ផ្តាច់​ផ្លូវ​អោយ​ស្ទះ​ខានធ្វើ ដំណើរ​បាន​។​

​ប្រជាពលរដ្ឋ បាន​បន្តថាៈ ជា​ប្រវត្តិ​កន្លងមក លោក​ព្រហ្ម សា​ម៉ូ​ម តែង​ទិញ និង​លក់​ដី ជួនកាល​ទិញ​ខ្យល់ (​ទិញ តែ​អត់លុយ​) និង​លក់​ដី​ខ្យល់ (​អ​ត៉​ដី​) និង​ក៏មាន​លក់​ដី​តំបន់ ជម្រក​សត្វព្រៃ រនាមដូនសំ របស់​រដ្ឋ ឬ​លួច​យក​ដី​គេ លក់ ឬ​យក​ដី​ដែល​ទិញ​មិន ទាន់​ឱ្យ​លុយ​គ្រប់ ទៅ​លក់​ឱ្យ​អ្នក​ទី​៣ ហើយ​បង្ក​ជាមាន ការ​ប្តឹងផ្តល់​ទៅ​គណៈកម្មការ ដោះស្រាយ ទំនាស់​ដីធ្លី​ស្រុក​/​ខេត្ត និង​ទៅ​តុលាការ​ផង ។​

​ទាក់ទិន​ការចោទប្រកាន់​នេះ តំណាង​ក្រុមហ៊ុន ប៉ាង​ណាគ្រី របស់លោក​ឧ​ត្ត​ម​សេនីយ៍​ត្រី តឹក ប៊ុន​ជឿន ហៅ តុល កាលពី​ថ្ងៃទី​២៥ ខែមករា ឆ្នាំ​២០២១ បាន​ច្រានចោល​នូវ​ការ ចោទប្រកាន់ថា ក្រុមហ៊ុន បាន​កាយ​ផ្តាច់​ផ្លូវ មិន​ឲ្យ​ប្រជាពលរដ្ឋ​ប្រើប្រាស់ ធ្វើដំណើរ និង​ដឹក​កសិផល នៅ​ចំណុច​អូរ​ថៅកែ​យ៉ ក្នុងភូមិ​ថ្មបាំង ឃុំ​បឹងបេង ស្រុក​ម៉ាឡៃ ខេត្តបន្ទាយមានជ័យ​។​

​លោក ព្រហ្ម សា​ម៉ូ​ម ជា​តំណាង​ម្នាក់ នៃ​ក្រុមហ៊ុន ប៉ាង​ណាគ្រី បាន​ឲ្យ​ដឹងថាៈ លោក និង​ក្រុមហ៊ុន មិនបាន​កាត់ផ្តាច់​ផ្លូវ​នោះទេ ។ តែ​ក្រុមហ៊ុន​នេះ ទៅវិញ​ទេ​ដែល​បាន​ស្ថាបនា ផ្លូវ ត​ភ្ចា​ប់​ពី​ផ្លូវជាតិ​លេខ​៥៩ ត្រង់​ឃុំ​ទួល​ពង្រ ស្រុក​ម៉ាឡៃ ទៅកាន់​ផ្លូវជាតិ​លេខ​៥៧ ស្រុក​សំពៅ​លូន ខេត្តបាត់ដំបង មាន​ប្រវែង ២៣ គីឡូម៉ែត្រ ទទឹង ៣០ ម៉ែត្រ​ដោយ​ត្រូវ ធ្វើ​ផ្លូវ​ចាក់​បេតុង ហើយ​គម្រោង​នេះ បាន​បើក​ការដ្ឋាន ជា​យូរ​មកហើយ​។ បើសិន​ថ្ងៃ ណាមួយ ស្ថាបនា​រួច​នោះ នឹង​ប្រគល់ជូន​រដ្ឋ សំរាប់​ឲ្យ​ប្រជាពលរដ្ឋ ប្រើប្រាស់​ហើយ​មិន មែន​ប្រើប្រាស់ តែ​ក្រុមហ៊ុន​នោះទេ ។​

​ចំពោះ​ចំណុច​ដែលមាន​ភស្តុតាង ក្រឡៅ​ឃើញថា មាន​ការកាយ​ផ្តាច់​ផ្លូវ មែន​នោះ ត្រូវ​លោក ព្រហ្ម សា​ម៉ូ​ម បង្វែរ​ការបកស្រាយ​ថាៈ ករណី​ដែល​ប្រជាពលរដ្ឋ​បាន​ចោទ ប្រកាន់ និង​ធ្វើ​ការតវ៉ា​នោះ វា​ជា​ចំណុច​អូរ ដែល​ត្រូវ​សាងសង់​ស្ពាន​ទេ​។ ហេតុនេះ ត្រូវ​កាត់​កាយ​ផ្តាច់​ផ្លូវ ជា​បណ្តោះអាសន្ន​សិន ហើយ​ក្រុមហ៊ុន កំពុង​សាងសង់​រោងចក្រ បន្ថែម​។ ហេតុនេះ ដើម្បី​បង្ការ​ការពារ កុំ​ឱ្យមាន​គ្រោះថ្នាក់​ដល់ ប្រជាពលរដ្ឋ ធ្វើដំណើរ ខណៈពេលដែល​គ្រឿងចក្រ​ក្រុមហ៊ុន កំពុងតែ​អភិវឌ្ឍន៍ ស្ថាបនា​ផ្លូវ និង​សំណង់​អគារ ផ្សេងៗ​នោះ ក្រុមហ៊ុន​សុំ​កាយ​កាត់ផ្តាច់​សិន កុំអោយ​មានការ​ឆ្លងកាត់​ការដ្ឋាន​៕/V​-PC

ទីតាំងផ្សាយពាណិជ្ជកម្ម

- Advertisment -

Most Popular