Home កីឡា លោក គ្រីស វ៉ា...

លោក គ្រីស វ៉ា​យ​ឌ័​រ ថា Sheffield United លែង​ខ្វល់​រឿង​ចាញ់​ទៀតហើយ ដូច្នេះ​នឹង​លេង​ឱ្យ​ណា​ណី​នៅ​ទឹកដី Old Trafford យប់​នេះ​

​ប្រែ​សម្រួល : កញ្ញា​ដា​លី​ស ៖ លោក គ្រីស វ៉ា​យ​ឌ័​រ គ្រូបង្វឹក​របស់​ក្រុម​ដាវ​ធំ Sheffield United បាន​អះអាង​ថា ក្រុម​កំពុង​ត្រដាបត្រដួស​របស់លោក​លែង​ខ្វល់​រឿង​ចាញ់​ទៀតហើយ នៅ​ពេល​ពួកគេ​ជួប​ជាមួយ​ក្រុម​បិសាច​ក្រហម Manchester United នៅ​យប់​ថ្ងៃ​ពុធ​នេះ​។​

​ក្លិប​ទាំង​ពីរ​កំពុង​មានជោគ​វាសនា​ផ្ទុយគ្នា​នៅ​ចុង​តារាង Premier League ទាំងសងខាង​។​

​ក្រុម​ដាវ​ធំ​បាន​រសាត់​ដល់​បាត​តារាង​ដោយ​ឈ្នះ​ក្នុង​លី​ក​តែ​ម្តង​គត់​នៅ​រដូវ​កាល​នេះ ខណៈ​ក្រុម​បិសាច​ក្រហម​បាន​លេង​មុខ​ក្លាយ​ជា​ក្រុម​ប្រជែង​ដណ្តើម​ជើងឯក​ក្រោយ​ប្រកួត​មិនដែល​ចាញ់ ១៣ លើ​ក​ជាប់​គ្នា​។​

​លោក​វ៉ា​យ​ឌ័​រ​និយាយថា “​វា​ជា​ការប្រកួតប្រជែង​ដ៏​ធំ​សម្រាប់​យើង​និង​កីឡាករ ប៉ុន្តែ​យើង​លែង​មាន​អ្វី​ត្រូវ​ខាតបង់​ទៀតឡើយ​។ យើង​មិន​រំពឹង​ទទួលបាន​អ្វី​ទេ ដូច្នេះ​ទៅ​ទីនោះ លេង​ឱ្យ​ណាណី​ទៅ​!”​។​

​លោក​បន្តថា “​ហាងឆេង​និង​មតិយោបល់​ទាំងអស់​នឹង​យក​ខាង Manchester United ។ យើង​មិន​អាច​ធ្វើ​អ្វី​បាន​ទេ​ចំពោះ​រឿង​នេះ​។ ប្រសិនបើ​ខ្ញុំ​អព្យាក្រឹត ខ្ញុំ​រំពឹងថា​វា​ជា​រាត្រី​ឈ្នះ​ងាយៗ​សម្រាប់ Man Utd ។ យើង​ត្រូវតែ​ធ្វើ​ឱ្យ​ពិបាក​សម្រាប់​ពួកគេ​តាម​ដែល​អាច​ធ្វើទៅបាន​”៕

លោក គ្រីស វ៉ា​យ​ឌ័​រ ប្រាប់​ឱ្យ​កូនក្រុម​លេង​តាម​ការ​គួរ ព្រោះ​បរាជ័យ​ក្លាយជា​រឿង​ធម្មតា​ទៅ​ហើយ​សម្រាប់​ក្រុម​ដាវ​ធំ

ទីតាំងផ្សាយពាណិជ្ជកម្ម

- Advertisment -

Most Popular