Home ព័ត៌មានសំខាន់ៗ ត្រី​ឡើងថ្លៃ​...

ត្រី​ឡើងថ្លៃ​បន្ទាប់ពី​ទប់ស្កាត់​ការនាំ​ចូល​បាន​ពី​៣០​ទៅ​៤០​ភាគរយ​រួចមក​

ដោយ​: ប​.​ខុន / ភ្នំពេញ​: តម្លៃ​ត្រី​អណ្តែង​, ត្រី​ឆ្តោ និង​ត្រី​ពោ បាន​ឡើងថ្លៃ​ពី​១.០០០-២.០០០​រៀល បើ​ធៀប​ទៅនឹង​ពេលមុន បន្ទាប់ពី​ក្រុមការងារ​ទប់ស្កាត់ និង​បង្ក្រាប​ការដឹកជញ្ជូន​ផល​ផលិតផល​ជលផល​នាំចូល នាំចេញ​និង​ឆ្លងកាត់​គ្មាន​ការអនុញ្ញាតឱ្យ ថយចុះ​បាន​ប្រមាណ​ជា​ពី​៣០​ទៅ​៤០​ភាគរយ​រួចមក​។​

​លោក ណៅ ធួ​ក រដ្ឋលេខាធិការ​ក្រសួងកសិកម្ម​រុក្ខាប្រមាញ់​និង​នេសាទ និង​ជា​សហប្រធាន​ក្រុមការងារ​ទប់ស្កាត់ និង បង្ក្រាប​ការ ដឹកជញ្ជូន​ផល​ផលិតផល​ជលផល​នាំចូល​នាំចេញ និង​ឆ្លងកាត់​គ្មាន​ការអនុញ្ញាត​បាន​ប្រាប់​ឱ្យ​រស្មី​កម្ពុជា ដឹង​នៅ​ថ្ងៃទី​២៧​ខែមករា​ឆ្នាំ​២០២១​ថា ប្រភេទ​ត្រី​ដែល​បានឱ្យ​ផ្អាក​នាំចូល​ជា​បណ្តោះ អាសន្ន​ត្រូវបាន​ក្រុមការងារ​ចុះ​ធ្វើការ​ទប់ស្កាត់​ជាប់​បាន​ប្រមាណ​ជា​ពី​៣០​ទៅ​៤០ ភាគរយ​ហើយ​និង​កំពុង​ខិតខំ​ធ្វើការ​ថែមទៀត ដើម្បី​ឈានទៅ​ធ្វើការ​ទប់ស្កាត់ ឱ្យ បាន​ទាំងស្រុង​។​

​លោក​សហប្រធាន​ក្រុមការងារ​ទប់ស្កាត់ និង​បង្ក្រាប​ការដឹកជញ្ជូន​ផល​ផលិតផល​ជលផល​នាំចូល​នាំចេញ និង​ឆ្លងកាត់​គ្មាន​ការអនុញ្ញាត បាន​បញ្ជាក់ថា ពី​មុនគេ​ដឹកជញ្ជូន​ចេញចូល​តាម​អំពើ​ចិត្ត តែ​ពេលនេះ​មិនអាច​ធ្វើបាន​ទៀត​ទេ ព្រោះ​ក្រុមការងារ​មាន​បណ្តាញ​គ្រប់​រាជធានី​ខេត្ត​ក្នុង​ទប់ស្កាត់​។ ទោះជា​យ៉ាងណា ក៏​នៅតែមាន​ការដឹកជញ្ជូន​ចូលមក​បាន​តាមរយៈ​រូបភាព​ផ្សេងៗ ដូចជា​ការអនុញ្ញាត ឱ្យ​ដឹកជញ្ជូន​តាម​រថយន្ត​តែ​គេ​បែរជា​ដឹក​តាម​ទូក និង​ខុស​ប្រភេទ​ត្រី​ទៅ​ចែកចាយ ខុស​គោលដៅ​ទៀតផង​។​ការទប់ស្កាត់​ការ​នាំចូល​ប្រភេទ​ត្រី​មួយចំនួន​នេះ ដើម្បី​លើកទឹកចិត្ត​ដល់​ប្រជាកសិករ​ចិញ្ចឹម​បាន​នៅក្នុង​ស្រុក​។​

​រំលឹក​ឱ្យដឹងថា ក្រសួងកសិកម្ម​រុក្ខាប្រមាញ់​និង​នេសាទ កាលពី​ថ្ងៃទី​១៣ ខែមករា ឆ្នាំ​២០២១ បានសម្រេច​បង្កើត​ក្រុមការងារ​ទប់ស្កាត់​និង​បង្ក្រាប​ការ ដឹកជញ្ជូន ផល ផលិត​ផ ល ជលផល​នាំចូល​នាំចេញ​និង​ឆ្លងកាត់​គ្មាន​ការអនុញ្ញាត​ដោយ មាន លោក​ណៅ ធួ​ក រដ្ឋលេខាធិការ​និង​លោក ហាស់ សារ៉េត រដ្ឋលេខាធិការ ក្រសួង កសិកម្ម រុក្ខា ប្រមាញ់​និង​នេសាទ​ធ្វើជា​សហប្រធាន​។​
​នៅក្នុង​សេចក្តីសម្រេច​ដែល​ចុះហត្ថលេខា​ដោយ​លោក​វេ​ង សាខុន​រដ្ឋ មន្ត្រី ក្រសួងកសិកម្ម រុក្ខាប្រមាញ់​និង​នេសាទ​នៅត្រង់​ប្រការ​១​ឃើញ​មាន​សមាសភាព រដ្ឋលេខាធិការ​ពីររូប​ធ្វើជា​សហប្រធាន , អនុរដ្ឋលេខាធិការ​ម្នាក់​និង​អគារ​ធិ​ការ​នៃ អគារ ធិ​ការដ្ឋាន ជា​អនុប្រធាន ហើយនឹង​៨​រូប​ផ្សេងទៀត​។​

​ក្នុង​ប្រការ​២​នៃ​សេចក្តីសម្រេច​លេខ​០១៣​សសរ​.​កសក​នេះ បាន​សរសេរ ដូច្នេះ​ថា ក្រុមការងារ​មាន​ភារកិច្ច​ដូចជា​ចុះ​ប្រតិបត្តិ​ការទប់ស្កាត់ និង បង្ក្រាប​ការ ដឹក ជញ្ជូន​ផល ផលិតផល​ជលផល​នាំ ចូល នាំចេញ​និង​ឆ្លងកាត់​គ្មាន​ការអនុញ្ញាត ទូទាំង​ព្រះរាជាណាចក្រ​កម្ពុជា​។​ស្រាវ ជ្រាវ​រក​ជនល្មើស និង អ្នកពាក់ព័ន្ធ ដើម្បី រៀ ប ចំ​កសាង​សំណុំរឿង​បទល្មើស​ជលផល​តាម​និតិ​វិធី​,​ចាត់វិធានការ​តាម​និតិ​វិធី នៃ ច្បាប់​ស្តីពី​ជលផល​និង​បទដ្ឋាន​ក​តិ យុត្ត​ពាក់ព័ន្ធ , សហការ​ជាមួយ​សមត្ថកិច្ច និង រដ្ឋរាជធានី​ខេត្ត​ពាក់ព័ន្ធ​ដើម្បី ប្រសិទ្ធ ភាព​ការងារ , ជម្រុញ​ពង្រឹង​ការងារ​និង ដឹក នាំ​កម្លាំង​សមត្ថកិច្ច​ជលផល​នៃ​មន្ទីរ កសិកម្ម​រុក្ខាប្រមាញ់​និង​នេសាទ​រាជធានី​ខេត្ត លើ​ការងារ​ដឹកជញ្ជូន​ផល ផលិត ផល​ជលផល​នាំចូល នាំចេញ និង ឆ្លងកាត់ គ្មាន ការអនុញ្ញាត , បូកសរុប​របាយ ការណ៍​លទ្ធផល​ជូន​រដ្ឋមន្ត្រី​ក្រសួងកសិកម្ម រុក្ខា ប្រមាញ់​និង​នេសាទ និង ទទួល​ភារ កិច្ច​ផ្សេងទៀត​ដែល​រដ្ឋមន្ត្រីក្រសួង​សិ​កម្ម រុក្ខា ប្រមាញ់​និង​នេសាទ​ប្រគល់ជូន​។​

​ក្រសួងកសិកម្ម រុក្ខាប្រមាញ់ និង នេសាទ ចេញ​សេចក្តីសម្រេច​បង្កើត​ក្រុម ការងារ​ខាងលើ បន្ទាប់ពី​បានចេញ​សេចក្តី ប្រកាស​ព័​ត៍​មាន​កាល​ថ្ងៃទី ៨​ខែមករា ឆ្នាំ​២០២១ មាន​ស្តីពី​ការផ្អាក​នាំចូល ជា​បណ្តោះអាសន្ន​នូវ​ប្រភេទ​ត្រី​មួយចំនួន ដែល​វា​រី​វប្បករ​ក្នុងស្រុក​ផលិត​បាន ដោយសារ​ការទប់ស្កាត់​គ្មាន​ប្រសិទ្ធភាព​រួចមក​។​

​ក្រសួងកសិកម្ម រុក្ខាប្រមាញ់​និង​នេសាទ កាលពី​ថ្ងៃទី​៨​ខែមករា​ឆ្នាំ​២០២១ បានប្រកាស​ព័ត៌មាន​ថា​អនុវត្តតាម​អនុសាសន៍​ណែនាំ​ដ៏​ខ្ពង់ខ្ពស់​របស់​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា នា​ថ្ងៃទី​១៨ ខែកុម្ភៈ ឆ្នាំ​២០២០ ក្នុង​ពិធី​ប្រគល់​សញ្ញាប័ត្រ​ដល់​គរុ​សិស្ស​គរុ​និស្សិត​បញ្ចប់ ការសិក្សា ឆ្នាំ​២០១៨-២០១៩ នៅ​វិទ្យាស្ថាន​ជាតិ​អប់រំ និង​ថ្ងៃទី​១៤​ខែ កក្កដា​ឆ្នាំ​២០២០ ក្នុងឱកាស​ជួប​សំណេះសំណាល​ជាមួយ​បងប្អូន​ប្រជាកសិករ វា​រី​វប្បករ នៅ​មជ្ឈមណ្ឌល​ស្រាវជ្រាវ​និង​អភិវឌ្ឍន៍​ត្រី​ទឹកសាប​បាទី ខេត្តព្រៃវែង​ដែល សម្តេច តេ​ជោ​បាន​ណែនាំ​ហើយ​ណែនាំ​ទៀត​ឱ្យប្រើ​ប្រាស់​ឱកាស​មាស ក្នុង​ការដាំដុះ ចិញ្ចឹម​ត្រី​និង​សត្វ ដើម្បី​ឈានទៅដល់​ការកាត់បន្ថយ​ការនាំ​ចូល និង​ផ្អែក​តាម​សំណូមពរ​របស់​សមាគម​ន​វា​រី​វប្បករ​នៅ​កម្ពុជា​ផង ក្រសួងកសិកម្ម រុក្ខា ប្រមាញ់ និង​នេសាទ បាន ធ្វើការ​ពិនិត្យ​និង​ពិចារណា​ក្នុងការ​ផ្អាក​ជា​បណ្តោះអាសន្ន​នូវ ការ​នាំចូល​ផលិតផល​ជលផល ដែល​វា​រី​វប្បករ​ក្នុងស្រុក​អាច​ផលិត​បាន​ដូចជា​ត្រី​ប្រា ត្រី​ពោ ត្រី​អណ្តែង​និង​ត្រី​ឆ្តោ​ជាដើម ដើម្បី​ជួយ​ដោះស្រាយ​បញ្ហា​ប្រឈម ទីផ្សារ ផលិតផល​វារីវប្បកម្ម​នាពេល​បច្ចុប្បន្ន រួមចំណែក​ក្នុងការ​ផលិត​ក្នុងស្រុក​ឱ្យ បាន ខ្លាំង ក្លា​និង​ឈានទៅរក​ការនាំចេញ​ពេលខាងមុខ​។​

​ក្នុង​សេចក្តីប្រកាស​ព័​ត៍​មាន​សរសេរ​ទៀតថា ថ្មីៗ​នេះ ក្រសួងកសិកម្ម រុក្ខា ប្រមាញ់​និង​នេសាទ សង្កេតឃើញថា​មាន​ក្រុម អាជីវករ​នាំចេញ​នាំចូល​ផល​ផលិតផល​ជលផល​មួយចំនួន​មានការ​មិន​ពេញចិត្ត ចំពោះ​ចំណាត់ការ​នៃ​ការផ្អាក ជា បណ្តោះអាសន្ន​នូវ​ការ​នាំចូល​ផលិតផល​ជលផល ដែល​អាច​ផលិត​បាន​នៅក្នុង ស្រុក​នាពេល​កន្លងមក​។ ដូចនេះ​ដើម្បី​ដោះស្រាយ​បញ្ហា​ខាងលើ នៅ​ព្រឹក​ថ្ងៃទី ៨ ខែមករា​ឆ្នាំ​២០២១ ក្រសួងកសិកម្ម រុក្ខាប្រមាញ់ និង នេសាទ បានរៀបចំ​កិច្ចប្រជុំ ពិភាក្សា​ជាមួយ​ភាគី​ពាក់ព័ន្ធ​រួមមាន​សមាគមន​វា​រីករ​នៅ​កម្ពុជា​និង តំណាង​អា​ជី វ ករ​នាំចេញ​នាំចូល​ផល​ផលិតផល​ជលផល និង​បាន​ព្រមព្រៀងគ្នា​អនុវត្ត​នូវ​វិធាន ការ​បន្ទាន់​មួយចំនួន​ដូចខាងក្រោម​៖
– សមាគមន​វា​រី​វប្បករ​នៅ​កម្ពុជា​ត្រូវ​រៀបចំ​ផ្តល់នូវ​ពត៍​មាន​ដែល​ទាក់ ទង​ទៅ នឹង ប្រភេទ​បរិមាណ​ផល​ផលិតផល​វារីវប្បកម្ម​ដែល​ត្រូវ​ដល់ពេល​ប្រមូល​ផល​នៅ តាម​ខែ​នីមួយៗ​ដល់​អាជីវករ​ប្រមូល​ទិញ​នាំចេញ​នាំចូល​ផល​ផលិតផល​ជលផល​ដើម្បី​ចុះ​ប្រមូល​ទិញ​ផល​ផលិតផល ជលផល ដែល​ផលិត​បាន​នៅក្នុង ស្រុក​ទាំង នោះ សម្រាប់​ផ្គត់ផ្គង់​ទីផ្សារ​ក្នុងស្រុក​។​
– តំណាង​អាជីវករ​នាំចេញ នាំចូល​ផល​ផលិតផល​ជលផល បាន​យល់ព្រម ផ្អាក​នូវ​ការស្នើសុំ​នាំចូល​ប្រភេទ​ត្រី​ដែល​វា​រី​វប្បករ​ផលិត​បាន​ច្រើន​ដូចជា ត្រី​ប្រា ត្រី​ពោ ត្រី​អណ្តែង​និង​ត្រី​ឆ្តោ ព្រមទាំង​ប្រភេទ​ត្រី​មួយចំនួនទៀត ដែល​អាច​ច​ញ្ចឹ​ម បាន​ក្នុងស្រុក​តាម​ការជូនដំណឹង​របស់​សមាគមន​វា​រី​វប្បករ​នៅ​កម្ពុជា​។​
– តំណាង​អាជីវករ​នាំចេញ​នាំចូល​ផល​ផលិតផល​ជលផល បាន​ឯកភាព ក្នុង ការបង្កើត​នូវ​សមាគមន និង បណ្តុំ​អ្នកប្រមូល​ទិញ​ផល​ផលិតផល​ជលផល នៅ តាម​តំបន់​ដើម្បី​ប្រមូល​ទិញ​ផល​ផលិតផល​ជលផល ដែល​ផលិត​បាន​។​

​នៅក្នុង​សេចក្តីប្រកាស​ព័ត៌មាន​បាន​សរសេរ​ទៀតថា ចំពោះ​ការនាំ​ចូល​ឆ្លងកាត់​ផល​ផលិតផល​ជលផល តំណាង​អាជីវករ​នាំចេញ​នាំចូល​ផល​ផលិតផល​ជលផល​ធានាថា នឹងមាន​ការចុះបញ្ជី​ទទួលស្គាល់​នៅ​ដើមទី និង​ចុង​ទី​ពី​មន្ត្រីជលផល​មាន​សមត្ថកិច្ច និង​ធានាថា មិនមាន​ទម្លាក់​ចែកចាយ​ផល​ផលិតផល​ជលផល ឆ្លងកាត់​នេះ​ចូលទៅក្នុង​ទីផ្សារ​ក្នុងស្រុក​ឡើយ​។​

​មន្ត្រីរដ្ឋបាល​ជលផល​មួយរូប​បាន​និយាយ​ឱ្យដឹង​នៅ​ថ្ងៃទី​២៧​ខែមករា​ឆ្នាំ​២០២១​ថា ត្រី​ដែល​បាន​ហាមឃាត់​មិនឱ្យ​នាំចូល​នៅតែមាន​មកដល់​រាជធានី​ភ្នំពេញ ដោយ​ដឹកជញ្ជូន​តាម​រឺ​ម៉ក និង​តាម​ម៉ូតូ តែ​មិនឃើញ​មានការ​ដឹកជញ្ជូន​តាម​រថ យន្ត​ធំៗ​ចូលដល់​យឿ​ដូច​មុន​ទេ​។ ចាប់តាំងពី​មាន​យុទ្ធនាការ​ទប់​ការនាំ​ចូល​ត្រី​ខុសច្បាប់​រួចមក តម្លៃ​ត្រី​នៅលើ​ទីផ្សារ​បាន​ឡើងថ្លៃ ដូចជា​ត្រី​អណ្តែង​១​គីឡូក្រាម ឡើងថ្លៃ​ជាង​មុន​២.០០០​រៀល​, ត្រី​ពោ​និង​ត្រី​ឆ្តោ ១.០០០​រៀល​។​

​ប្រភេទ​ត្រី​ដែល​ត្រូវបាន​ហាមឃាត់​ការ​នាំចូល​បណ្តោះអាសន្ន កាលពីមុន នេះ​មាន​ត្រី​ប្រា​, ត្រី​ពោ​,​ត្រី​អណ្តែង​និង​ត្រី​ឆ្តោ ពេលនេះ​ត្រូវបាន​ហាមឃាត់​ការនាំ ចូល​ត្រី​រ៉ស់​មួយ​មុខ​ទៀត ដែលជា​ប្រភេទ​ត្រី​ប្រជាកសិករ​ចិញ្ចឹម​បាន​ក្នុងស្រុក​៕​សរន

ទីតាំងផ្សាយពាណិជ្ជកម្ម

- Advertisment -

Most Popular