Home ព័ត៌មានសំខាន់ៗ ម្នាក់​ស្លាប់...

ម្នាក់​ស្លាប់​ដោយកូវី​ដ​១៩ និង​៨១៩​នាក់​ឆ្លង​វីរុស​កូរ៉ូ​ណា​នៅ​ថៃ​

​ប្រែ​សម្រួលៈ​វាសនា​/​បាងកក​៖​រដ្ឋាភិបាល​ថៃ​កាលពី​ថ្ងៃ​ពុធ​ទី​២៧​មករា​បាន​រាយការណ៍ ថា​មនុស្ស​ម្នាក់​ស្លាប់​ដោយ​ជំងឺ​កូវី​ដ​១៩ និង​ឆ្លង​វីរុស​កូរ៉ូណា​ថ្មី​ចំនួន​៨១៩​នាក់ ក្នុងនេះ​៨០៨​នាក់​ឆ្លង​នៅក្នុង​ស្រុក​​និង​មាន​តែ​១១​នាក់​ទេ​ដែល​នាំចូល​មកពី​ក្រៅប្រទេស​។​

​អ្នកនាំពាក្យ​មជ្ឈមណ្ឌល​គ្រប់គ្រង​ស្ថានការណ៍​កូវី​ដ​១៩​ថៃ​បាន​និយាយថា អ្នកជំងឺ​កូវី​ដ​១៩​បាត់បង់​ជីវិត​ចុងក្រោយ ជា​បុរស​ថៃ​អាយុ​៥៦​ឆ្នាំ ដែល​ពីមុន​ធ្លាប់​កើត​ជំងឺ​ដាច់​ស​សៃឈាម​ក្នុង​ខួរក្បាល​និង​​ឈឺ​នៅតែ​លើ​គ្រែ​។​

​ក្នុងចំណោម​ការឆ្លង​ថ្មី​មាន​៧៩២​ករណី​នៅ​ក្នុង​ខេត្ត​សាមុត សា​ខន និង​៦​នាក់​នៅ​ក្រុង​បាងកក​។​

​ថៃ​កាលពី​ថ្ងៃ​អង្គារ បាន​រក​ឃើញ​អ្នក​ឆ្លង​វីរុស​កូរ៉ូណា​ថ្មី ៩៥៩​នាក់ ភាគច្រើន​បំផុត​ក៏​នៅ​ខេត្ត​សាមុត សាខ​ន​ដែល​ប្រមូលផ្តុំ​ដោយ​កម្មករ​ចំណាកស្រុក​មី​យ៉ាន់​ម៉ា​។​

​សរុប​តួលេខ​ចុងក្រោយ​នេះ ធ្វើអោយ​ថៃ​មាន​មនុស្ស​ឆ្លង​សរុប​កើន​ដល់ ១៥.៤៦៥​នាក់ ក្នុងនេះ ៤.៣៣៥​នាក់​កំពុង​សម្រាក​ព្យាបាល​នៅ​មន្ទីរពេទ្យ​។​

​នៅ​ទូទាំង​ពិភពលោក កូវី​ដ​១៩​បាន​បង្កើន​អ្នក​ឆ្លង​៥២៨.២៨៥​នាក់​នៅ​២៤​ម៉ោង​កន្លងទៅ រហូត​ដល់​ចំនួន​១០០,៨២​លាន​នាក់ និង​ការស្លាប់​កើន​ដល់​២,១៧​លាន​នាក់ ៕

​ពាក់ព័ន្ធ​នឹង​កូវី​ដ​១៩​នេះដែរ អាជ្ញាធរ​ថៃ​បាន​និយាយថា ថៃ​អាច​បាត់បង់​ការងារ​ធ្វើ​ប្រមាណ​១​លាន​នាក់​ទៀត​នៅ​ត្រីមាស​ទី​១​នៃ​ឆ្នាំ​នេះ ដោយសារ​ការឆ្លង​វីរុស​នៅ​រលក​ថ្មី​នៅពេល​គេ​ត្រូវការ​វិធានការ​​ជួយ​សង្គ្រោះបន្ទាន់​ដើម្បី​ទ្រទ្រង់​វិស័យ​ដែល​កំពុង​តស៊ូ​យ៉ាង​ត្រដាបត្រដួស​នេះ​។​

​ក្រុមប្រឹក្សា​ទេសចរណ៍​ថៃ កាលពី​ថ្ងៃ​អង្គារ​បាន​ស្នើសុំ​រដ្ឋាភិបាក​ជួយ​ចេញ​ចំណាយ​លើ​ប្រាក់ខែ​៥០​ភាគរយ​ដើម្បី​រក្សា​កម្មករនិយោជិត​ក្នុង​វិស័យ​នេះ កាត់បន្ថយ​ថ្លៃ​ទឹក​ភ្លើង ឥណទាន​ការប្រាក់​ទាប​និង​​មិន​ទារបំណុល់​រយៈពេល​២​ឆ្នាំ ។​

​ប្រធាន​ក្រុមប្រឹក្សា​នេះ​បាន​និយាយ​ថា​គំរោង​ជួយ​ចេញ​ចំណាយ​នេះ​អាច​ជួយ​មនុស្ស​៨​សែន​នាក់​អោយ​រក្សា​ការងារ​របស់​គេ បន្ទាប់ពី​មនុស្ស​ជាង​១​លាន​នាក់​ហើយ​នៅក្នុង​វិស័យ​ទេសចរណ៍​នេះ​បាន​បាត់​​បង់​ការងារ​ធ្វើ ហើយ​អាច​នឹង​កើន​ដល់​២​លាន​នៅ​ត្រីមាស​ទី​១​ឆ្នាំ​២០២១​នេះ ដោយសារ​ការឆ្លង​រាលដាល​វីរុស​ថ្មី​ទៀត​៕

​ទេសចរណ៍​ថៃ​រងគ្រោះ​ខ្លាំង​ដោយកូវី​ដ​១៩ ហើយ​អ្នក​បំរើការ​ក្នុង​វិស័យនេះ​ប្រមាណ​១​លាន​នាក់​នឹង​បាត់បង់​ការងារ​បន្ថែម​ទៀត​នៅ​ត្រីមាស​ទី​១​ឆ្នាំ​នេះ​ដោយសារ​ការឆ្លង​វីរុស​ក្នុង​សហគមន៍​ជា​ថ្មី​

 

ទីតាំងផ្សាយពាណិជ្ជកម្ម

- Advertisment -

Most Popular