Home ព័ត៌មានជាតិ សេដ្ឋកិច្ច ក្រុមហ៊ុន​ដំណ...

ក្រុមហ៊ុន​ដំណាប់​ផ្លែឈើ ខ្មែរ​ដំបូង​គេ គ្រោង​នាំចេញ​ផលិតផល​ទៅកាន់​ទីផ្សារ​អាមេរិក​

ដោយៈ​បញ្ញា​សាស្ត្រ​/ ភ្នំពេញៈ ក្រោម​ជំនួយ​ហិរញ្ញវត្ថុ របស់​ទីភ្នាក់ងារ​ជំនួយ​អាមេរិក​( USAID) ក្រុមហ៊ុន​ដំណាប់​ផ្លែឈើ មិ​សុ​តា​បាន ចាប់​ដៃគូ​ពាណិជ្ជកម្ម​ដើម្បី​អនុវត្ត​ផែនការ គម្រោង និង​ពង្រីក​ទីផ្សារ​អោយ​កាន់តែ​ទូលំទូលាយ ជាពិសេស​ការនាំចេញ​ដំណាប់​ផ្លែឈើ របស់​ខ្មែរ​ទៅកាន់​ទីផ្សារ​អន្តរជាតិ ។

​លោក តាន់ មី​ល​ស្សែ​ល នាយក​ប្រតិបត្តិ ក្រុមហ៊ុន មិ​សុ​តា បានអោយដឹងថា ក្រោម​គម្រោង ហា​វេស​ធូ (Harvest II)​ដែល​គាំទ្រ​ដោយ យូ​សេដ បាន​ជួយ​ក្រុមហ៊ុន មី​សូ​តា ចាប់តាំងពី ឆ្នាំ​២០១៨ ក្នុង​កិច្ច​ដើម្បី​អភិវឌ្ឍន៍ជនបទ ហើយ​តាម​គម្រោង​ជំនួយ​បច្ចេកទេស​នេះ បាន​នាំ​ឲ្យ​មានការ​លើកស្ទួយ​សកម្ម​ភាព​ការកែ​ច្នែ​ផលិតផល​កសិកម្ម​ក្នុងស្រុក និង​ការ បង្កើត​ការងារ​ដល់​ពលរដ្ឋ​ខ្មែរ​។

​លោក បាន​បន្តថា សម្រាប់​គម្រោង​មួយទៀត​គឺ​ជួយ​ពាក់ព័ន្ធ​និង​កសិករ ដែល​បានធ្វើការ ដាំ​ដុះ ទៅតាម​គោលការណ៍ លក្ខ​ណ្ឌ​របស់​ក្រុមហ៊ុន ដូចជា ស្វាយ ម្នាស់ ក្រូច និង​មួយ ទៀត​ជួយ​មួយផ្នែក​យ៉ាង​ធំ ក្នុង​ការជួយ​រក​ទីផ្សារ​ក្នុងស្រុក និង​ជម្រុញ​ទៅរក​ទីផ្សារ​អន្តរជាតិ ជួយ​ជម្រុញ​ដៃគូ​ក្នុងស្រុក ដូចជា​ក្រុមហ៊ុន ផលិត​ផ្លែស្វាយ និង គ្រាប់ស្វាយចន្ទី​ជាដើម​។

​លោក ផា​ទ្រិ​ក ម័​ហ្វី (Patrick Murply) ឯកអគ្គរដ្ឋទូត សហរដ្ឋអាមេរិក​ប្រចាំ​កម្ពុជា បាន​ថ្លែង ក្នុង​ដំណើរ​ទស្ស​និ​កិច្ច ទៅកាន់​ខេត្តបាត់ដំបង​កាលពីពេល​កន្លងទៅ​ថ្មីៗ​នេះ​ថា «​យើង​ធ្វើ ការ​ជាមួយនឹង​ដៃគូ​ជាច្រើន ក្នុងប្រទេស​កម្ពុជា ក្នុង​ការដែល​ជួយ​អោយ​ប្រទេស​កម្ពុជា មាន​វិបុលភាព និង​មាន​ចីរភាព នេះ​ជា​អ្វីដែល​ស្ថានទូត​អាមេរិក​កំពុងធ្វើការ​ដែល​បាន​ផ្តោត ទៅលើ​ប្រធានបទ​ក្នុង​ឆ្នាំ​២០២១​នេះ ដើម្បី​ជួយ​អោយ​ប្រទេស​កម្ពុជា​កាន់តែ​មាន​ភាព រុងរឿង និង​មាន​ចីរភាព​បន្ថែមទៀត​»​។

​លោក​បន្ថែមថា ដូចដែល​យើង​បានឃើញ​ស្រាប់​ហើយ ដំណើរ​ទស្សនកិច្ច​រប​ស់​យើង នាពេលនោះ​គឺ បាន​ទៅ​ជួប​ជាមួយនឹង​ក្រុមហ៊ុន​ផលិត​ដំណាប់​ផ្លែឈើ ម្នាស់ ស្វាយ នៅក្នុង​នេះ យើង​មើលឃើញថា កសិករ​នៅក្នុង​ប្រទេស​កម្ពុ​ជាមាន​ការលំបាក នៅក្នុង​ការស្វែងរក​ទីផ្សារ​នាំចេញ ដូច្នេះហើយ​នេះ​ជា ឱកាស​របស់​សហរដ្ឋ​អាមេរិក នៅក្នុង​ការជួយ​ជំរុញ នូវ​ការនាំចេញ​នូវ​ផលិតផល​ទាំងនោះ ទៅកាន់​ទីផ្សារ​ក្រៅប្រទេស​។

​សូមជម្រាបថា មី​សូ​តា បាន​នាំចេញ​នូវ​ដំណាប់​ផ្លែឈើ ដែល​បាន​ប្រមូល​ទិញ​ពី​កសិករ នៅក្នុង​ខេត្តបាត់ដំបង​និង​ខេត្តពោធិសាត់ មានដូចជា ស្វាយ ក្រូច ម្នាស់ ៕​/PC

ទីតាំងផ្សាយពាណិជ្ជកម្ម

- Advertisment -

Most Popular