Home ព័ត៌មានជាតិ សេដ្ឋកិច្ច ​ទេសចរ​ក្នុងស...

​ទេសចរ​ក្នុងស្រុក​នៅតែ​ជា​កត្តា​ធានា​និរន្តរភាព​នៃ​វិស័យ​ទេសចរណ៍​នៅ​កម្ពុជា

ដោយ​: ជា សីហៈ / ភ្នំពេញ​: លោក ថោង ខុន រដ្ឋមន្ត្រី​ក្រសួងទេសចរណ៍​បាន​ថ្លែង​នៅថ្ងៃនេះ​ថា ទេសចរ​ក្នុងស្រុក​នៅតែ​ជា​កត្តា​ធានា​និរន្តរភាព​នៃ​វិស័យ​ទេសចរណ៍​នៅ​កម្ពុជា​។

​លោក​បាន​ថ្លែង​នាពេល​បើក​វេទិកា​ជាតិ​អេកូ​ទេសចរណ៍​លើក​ទី​២​ឆ្នាំ​២០២១ នៅ ខេត្តសៀមរាប​ថា ការចូលរួម​របស់​ទេស​ចរ​នៅក្នុង​ស្រុក គឺជា​កត្តា​មួយ​ដ៏​សំខាន់​សម្រាប់​ធានា​នូវ​និរន្តរភាព​នៃ​វិស័យ​ទេសចរ​នៅក្នុង​ស្រុក ប៉ុន្តែ​សំខាន់​គឺ ត្រូវអនុវត្ត​បាន​នូវ​វិធានការ​សុខាភិបាល​និង​សុវត្ថិភាព​ទេសចរ​នៅក្នុង​បរិ​ទ​ប​កូ​វីដ​នេះ ។

​លោក​បាន​ថ្លែងថា ក្នុងដំណាក់កាល​ដ៏​លំបាក​នៃ​វិបត្តិ​ជំ ងឺ​កូ វីដ​-១៩​នេះ ការ​ចលនា​ទេសចរណ៍​ផ្ទៃក្នុង​ទៅកាន់​តំបន់​អេកូ​ទេសចរណ៍​សហគមន៍​ទេស ចរណ៍ និង​តំបន់​ទេសចរណ៍​ផ្សងព្រេង មាន​សំទុះ​កើនឡើង​ខ្លាំង បង្កើតបានជា​ប្រាក់ចំណូល ដោយផ្ទាល់​ជូន​បងប្អូន​ប្រជាពលរដ្ឋ​ក្នុង​សហគមន៍ និង​បានធ្វើឱ្យ​វិស័យ​អេកូ​ទេសចរណ៍ និង សហគមន៍​ទេសចរណ៍​មាន​ភាព​ធន់​នឹង​វិបត្តិ (Resilient) រួមចំណែក ទ្រទ្រង់​ដល់​វិស័យ​ទេ ស​ចរណ៍​ជារួម ពិសេស​កាត់បន្ថយ​ផលប៉ះពាល់​នៃ​ការធ្លាក់ចុះ​នៃ​ចំនួន​ភ្ញៀវទេសចរ​អន្តរជាតិ​។

​លោក​បាន​បន្តថា តំបន់​អេកូ​ទេសចរណ៍​សំខាន់ៗ ដូចជា​តំបន់​ខ្នង​ផ្សារ ភ្នំ​ឱ​រ៉ា​ល់ គិរី​រម្យ តំបន់​ជី​ផាត អា​រ៉ែ​ង ពាម ក្រ​សោម ស្រែអំបិល វាល​ធំ សំឡូត ភ្នំ​ត្បែង សមុទ្រ​ឈើ តំបន់​រាំ​សារ បឹង​ទន្លេសាប ភ្នំ​គូលែន និង​តំបន់​អេកូ​ទេសចរណ៍​ផ្សេងទៀត​ជាច្រើន សុទ្ធតែ​ទទួលបាន​កំណើន​ភ្ញៀវទេសចរ​ផ្ទៃក្នុង គួរឱ្យកត់សម្គាល់​ក្នុង​ដំណាក់​វិបត្តិ​កូ​វីដ​-១៩​ក្នុង​ឆ្នាំ​២០២០​កន្លងមក​។​

​លោក​ក៏បាន​ជំរុញ​លើកទឹកចិត្ត និង គាំទ្រ​ដល់​វិស័យ​ឯកជន ពិសេស​ទីភ្នាក់ងារ ទេ ស​ចរណ៍​កម្ពុជា ត្រូវ​បង្កើន​ការរៀបចំ​កញ្ចប់​ទ ស្សន​កិច្ច​ឱ្យ បាន​ច្រើន​ទៅកាន់​តំបន់ស​ហគ មន៍ នានា​នៅ​កម្ពុជា ដើម្បី​ចូលរួម​ជួយ​ដោះស្រាយ​ជីវភាព​ប្រជាពលរដ្ឋ​មូលដ្ឋាន ក្នុង​ដំណាក់ កាល វិបត្តិ​ជំងឺ​កូ​វីដ​-១៩ និង​ក្រោយ​វិបត្តិ​នេះ​៕​

ទីតាំងផ្សាយពាណិជ្ជកម្ម

- Advertisment -

Most Popular