ថវិកា​ ថង់រង​ ថនិកសត្វ​​ ថមថយ​ ថាថាង​

ដោយៈ​ដកស្រង់​ពី​វចនានុក្រម​សម្តេច​សង្ឃរាជ ជួន ណាត​

ថវិកា​
(​ថៈ​—)

នាមសព្ទ​
( បា​. ) ថង់​; យាម​; ទៃ ។ សព្វថ្ងៃ​ពាក្យ​នេះ ប្រើ​សំដៅយក​បញ្ជី​ដែល​គ្រោង ឬ​កត់ត្រា​ទុក​នូវ​ប្រាក់ចំណូល​និង​ចំណាយ​រៀងរាល់ឆ្នាំ

ប្រៀបដូចជា​ថង់​សម្រាប់​ដាក់​ប្រាក់​
​គ្រោង​ថវិកា​, ​ចាយវាយ​ប្រាក់​កុំ​ឲ្យ​ហួស​លើសពី​ថវិកា​របស់ខ្លួន ។​
​ថវិកាខេត្ត ថវិកា​សម្រាប់​ប្រើប្រាស់​ក្នុង​ខេត្ត ។ ថវិកាជាតិ ថវិកា​របស់​ជាតិ គឺ​ថវិកា​សម្រាប់​ប្រើប្រាស់​ជា​ប្រយោជន៍​ដល់​ប្រទេសជាតិ​ទាំងមូល ។ ថវិកាប្រធួន សេចក្ដី​សុំ​រួមគ្នា​ដែល​ក្រសួង​ហិរញ្ញវត្ថុ​ធ្វើ​ជូនទៅ​រដ្ឋសភា​ដើម្បី​សុំ​នូវ​ឥណទាន​បន្ថែម សម្រាប់​ចាយវាយ​ទប់ទល់​ទម្រាំ​បាន​ថវិកា​

ថង់រង​

នាមសព្ទ​

ប្រដាប់​មាន​សណ្ឋាន​ស្រដៀង​នឹង​ហិប​ស្លា​តែ​ខ្ពស់ជាង​, ​មាន​រាង​៤​ជ្រុង សម្រាប់​រង​ទ្រ​ស្លា​ម្លូ​ក្នុង​ពិធី​អាពាហ៍ពិពាហ៍​
​តាម​ទំនៀមទម្លាប់​ខ្មែរ​, ថង់រង​ជាវ​ត្ថុ​ចាំបាច់​ក្នុង​មង្គលការ​អាពាហ៍ពិពាហ៍ ។​

ថនិកសត្វ​
(​ថៈ​និកៈ​—)

នាមសព្ទ​
( បា​. សំ​. ) ពួក​សត្វ​ដែល​ភេទ​ញី​មាន​ដោះ​បំបៅកូន​ដូចជា ស្វា​, ​ឆ្មា ជាដើម ។​

ថមថយ​

​កិរិយាសព្ទ​

ធ្វើ​ឲ្យ​ទាប​, ​ឲ្យ​ថយចុះ​, ដុនដាប​, ​ទន់ទាប​
​ថមថយ​កម្លាំង ។​

ថាថាង​

គុណសព្ទ​
( ស​. ទា​ទាង អ​. ​ថ​. ថាថាង ) ដែលមាន​បែបបទ​, ​លំនាំ​ហ៊ឺហា​
​ឫក​ថាថាង ( ម​. ​ប្រ​. ) ។​

ទីតាំងផ្សាយពាណិជ្ជកម្ម

- Advertisment -

Most Popular