Home ព័ត៌មានអន្តរជាតិ ភ្នំភ្លើង​ឥណ្...

ភ្នំភ្លើង​ឥណ្ឌូនេស៊ី​ផ្ទុះ​ព្រួស​ផេះ​ក្តៅ​ចម្ងាយ​៣​គីឡូម៉ែត្រ​

​ប្រែ​សម្រួលៈ​វាសនា​/​ហ្សា​ការតា​៖​ភ្នំភ្លើង​សកម្ម​បំផុត​មួយ​ក្នុង​លោក គឺ ភ្នំ​មេ​រ៉ា​ពី នៅ​ឥណ្ឌូនេស៊ី បាន​ផ្ទុះ​កាលពី​ថ្ងៃ​ពុធ ដោយ​បាញ់​ផ្សែង​ដ៏​ខាប់​និង​ផេះ​ក៏​ក្តៅធ្លាក់​ចុះ​តាម​ចង្កេះភ្នំ​ចេញ​ពី​មាត់​របស់​វា​។​

​ពេញ​មួយ​ថ្ងៃ​ពុធ ភ្នំភ្លើង​នៅ​ជិត​ទីក្រុង​យ៉ុក​យ៉ាកា​តានេះ បាន​បាញ់​ផេះ​ប្រមាណ​៣០​លើក​ទៅ​ចម្ងាយ​ប្រមាណ​៣​គីឡូម៉ែត្រ​ពី​វា​។​

​ក្នុងពេល​ជាមួយគ្នា អាជ្ញាធរ​បាន​ប្រាប់​អ្នកស្រុក​អោយ​ឆ្ងាយ​យ៉ាងហោចណាស់​ក៏​៥​គីឡូម៉ែត្រ​ពី​វា ដោយ​បាន​ព្រមាន​អំពី​ការហូរ​ភក់​ភ្នំភ្លើង​ដ៏​ក្តៅ​ដែល​អាច​កើតមាន​។​

​កំអែ ឬ​ភក់​ភ្នំភ្លើង​នេះ​ត្រូវបាន​គេ​ឃើញ​ហូរ​ចុះ​ពី​កំពូលភ្នំ​នៅ​ប៉ុន្មាន​ថ្ងៃ​មកនេះ តែ​អាជ្ញាធរ​ចេញ​ការព្រមាន​ត្រឹម​កំរិត​២​នៅឡើយ​ទេ​។​

​ការផ្ទុះ​របស់​ភ្នំ​មេ​រ៉ា​ពី​ចុងក្រោយ​នៅ​ឆ្នាំ​២០១០ បាន​សម្លាប់​មនុស្ស​ជាង​៣០០​នាក់ និង​បាន​បង្ខំ​អោយមាន​ការជម្លៀស​មនុស្ស​ប្រមាណ​២៨០.០០០​នាក់​ចេញពី​តំបន់​ជុំវិញ​ភ្នំ​។​ការផ្ទុះ​ខ្លាំង​បំផុត​របស់​ភ្នំ​នេះ​​នៅ​ឆ្នាំ​១៩៣០​បាន​សម្លាប់​មនុស្ស​ប្រមាណ​១.៣០០​នាក់ ហើយ​ការផ្ទុះ​មួយទៀត​នៅ​ឆ្នាំ​១៩៩៤ បាន​សម្លាប់​មនុស្ស​៦០​នាក់​។​

​ប្រទេស​ប្រជុំ​កោះ​ឥណ្ឌូនេស៊ី​មាន​ភ្នំភ្លើង​រស់​ជិត​១៣០៕

​ភ្នំភ្លើង​មេ​រ៉ា​ពី របស់​ឥណ្ឌូនេស៊ី ផ្ទុះ​បញ្ចេញ​ផេះ​ភ្លាក់​ចុះ​តាម​ជម្រាល​ភ្នំ​។​អាជ្ញាធរ​ប្រាប់​អោយ​អ្នកស្រុក​នៅ​ឆ្ងាយ​ពី​ភ្នំ​នេះ​៥​គី​ឡូ​

ទីតាំងផ្សាយពាណិជ្ជកម្ម

- Advertisment -

Most Popular