Home ព័ត៌មានជាតិ សង្គម ឧ​ត្ត​ម​សេនីយ...

ឧ​ត្ត​ម​សេនីយ៍​ឯក ឌី វិជ្ជា សំណេះសំណាល ជាមួយ សិក្ខាកាម នគរបាល នារី

​ដោយ​: មុនី​រ័ត្ន​/​ភ្នំពេញៈ លោក​ឧ​ត្ត​ម​សេនីយ៍​ឯក ឌី វិជ្ជា អគ្គ​ស្នងការរង​នគរបាលជាតិ និង​ជា​ប្រធាន​នាយកដ្ឋាន​កណ្តាល​សន្តិសុខ បាន​ជួប​សំណេះសំណាល​ជាមួយ​សិក្ខាកាម​នគរបាល​នារី​ក្នុង​ផែន​ការងារ​សន្តិសុខ ចំនួន​៤០​នាក់ មកពី​ស្នងការ​រដ្ឋា​ន​នគរបាល​ខេត្ត​ចំនួន​១២ ។

​សិក្ខាកាម នគរបាល នារី ទាំងនោះ​គឺ​មកពី​ខេត្ត​ប៉ៃលិន​, ខេត្តស្វាយរៀង​, ខេត្តព្រះវិហារ​, ខេត្តបន្ទាយមានជ័យ​, ខេត្ត​ឧ​ត្ត​មានជ័យ​, ខេត្តព្រៃវែង​, ខេត្តកំពង់ស្ពឺ​, មណ្ឌលគិរី​, ខេត្តកំពង់ឆ្នាំង​, ខេត្តបាត់ដំបង​, ខេត្តសៀមរាប​, ខេត្តស្ទឹងត្រែង ដែល​ចូលរួម​វគ្គ​បណ្តុះបណ្តាល ស្តីពី “ ការពង្រឹង​សមត្ថភាព​នគរបាល​ស្ត្រី​”​លើក​ទី​៧ នៅ​អគ្គស្នងការដ្ឋាន​នគរ​បាល​ជាតិ កាលពី​ថ្ងៃទី​២៧ ខែមករា ឆ្នាំ​២០២១​។​

​នៅក្នុង​ឱកាស​ជួប​សំណេះសំណាល​នេះ លោក​ឧ​ត្ត​ម​សេនីយ៍​ឯក ឌី វិជ្ជា បាន​មានប្រសាសន៍​ណែនាំ ក៏ដូចជា​ចង្អុលបង្ហាញ​ដល់​សិក្ខាកាម ទាំងអស់ ឲ្យ​ខិតខំ​ប្រឹងប្រែង​ត្រង់ត្រាប់​ស្តាប់​គ្រូ​ឧទ្ទេសនាម ដើម្បី ទទួលយក​ចំណេះដឹង និង​បទពិសោធន៍​ថ្មីៗ ទៅ​បង្កើន​សមត្ថភាព ក្នុងការ​អនុវត្តន៍​ការងារ​ប្រចាំថ្ងៃ និង​សម្រាប់​ការងារ​ទៅ​ថ្ងៃ​អនាគត ។​

​សូម​ជម្រាបជូន​ថា​វគ្គ​បណ្តុះបណ្តាល​នេះ​ជាវ​គ្គ លើក​ទី​៧ ដែល ធ្វើ ឡើង រយៈពេល ២ ថ្ងៃ ចាប់ពី​ថ្ងៃទី​២៦-២៧ ខែមករា ឆ្នាំ​២០២១ ហើយ វគ្គ​នេះ​នឹង​ជាវ​គ្គ​ចុងក្រោយ​ដែល​រៀបចំ​ដល់ មន្ត្រី នគរបាល​នារី ទាំងអស់ នៃ ផែន​ការងារ​សន្តិសុខ​តាម​បណ្តា​រាជធានី​-​ខេត្ត​ទូទាំងប្រទេស ៕​

ទីតាំងផ្សាយពាណិជ្ជកម្ម

- Advertisment -

Most Popular