ប្រកួត​បាល់ទះ​មិត្តភាព អបអរសាទរ ការដោះស្រាយ​បញ្ចប់ ទំនាស់​ដីធ្លី​ដ៏​រ៉ាំ​រៃ នៅ​បឹង​ជង្រុក​-៦៧១

ដោយៈ ភ្នំ​ស្វាយ / បន្ទាយ​មាន​ជ័​យៈ ក្រុម​កីឡាករ ចំនួន ៦​ក្រុម បាន​ចូលរួម​ប្រកួត​កីឡា បាល់ទះ​មិត្តភាព សាមគ្គីភាព ដើម្បី​អបអរសាទរ​នូវ​ការដោះស្រាយ​ចប់ នៃ​ទំនាស់​ដីធ្លី​ដ៏​រ៉ាំ​រៃ នៅ​ចំណុច​បឹង​ជង្រុក និង​តំបន់ ៦៧១ ស្រុក​ម៉ាឡៃ​។ ក្រុម​ប្រកួត​បាល់ទះ​នេះ បាន​ប្រព្រឹត្តទៅ នៅ​តារាង​ថ្មី នា​តំបន់​ទំនាស់​ដីធ្លី ចំណុច​បឹង​ជង្រុក និង​ចំណុច ៦៧១ ឃុំ​ទួល​ពង្រ ស្រុក​ម៉ាឡៃ ខេត្តបន្ទាយមានជ័យ នៅ​រសៀល​ថ្ងៃទី​២៧ ខែមករា ឆ្នាំ​២០២១ ។​

​លោក ប៉ាន់ ខែម​ប៊ុនថន នាយរងខុទ្ទកាល័យ សម្តេច​តេ​ជោ ហ៊ុន សែន នាយករដ្ឋមន្ត្រី និង​ជា​ប្រធាន​ក្រុមការងារ​ថ្នាក់ជាតិ ចុះ​ដោះស្រាយ​ទំនាស់​ដីធ្លី នៅ​ចំណុច​បឹង​ជង្រុក និង​ចំណុច ៦៧១ ម៉ាឡៃ បានអោយដឹងថាៈ ការប្រកួត​កីឡាបាល់ទះ មិត្ត​ភា ១ លើក​ទៀត នេះ មាន​ចំនួន ៦ ក្រុម ដែល​ត្រូវ​ប្រកួត​ដណ្តើម ពានរង្វាន់ ដែល​រួមមានៈ ១.​កម្លាំង​កង​រាជ អាវុធហត្ថ​ខេត្ត ប្រកួត​ជាមួយ​កម្លាំង​នគរបាល​វរៈ​ការពារ​ព្រំដែន​គោក ។ ២. កម្លាំង​អធិការ ដ្ឋា​នន​គរាប​ល ស្រុក​ម៉ាឡៃ ប្រកួត​ជាមួយ​កម្លាំង​ស៊ីម៉ាក់ ដែល​បោសសម្អាត​មីន​នៅ​បឹង ជង្រុក​។ ៣.​កម្លាំង​ស្នងការដ្ឋាន​នគរបាល​ខេត្ត ប្រកួត​ជាមួយ​កម្លាំង​អធិការដ្ឋាន​នគរបាល ស្រុក​ម៉ាឡៃ ។ ៤.​ក្រុមការងារ​បឹង​ជង្រុក ប្រកួត​ជាមួយ​កម្លាំង​នគរបាល​ការពារ​ព្រំដែន គោក​។ ៥.​កម្លាំង​ស្នងការដ្ឋាន នគរបាល​ខេត្ត ប្រកួត​ជាមួយ​កម្លាំង​កងឯកភាព កម្ចាត់មីន (​ស៊ីម៉ាក់​) ។ ៦.​ក្រុមការងារ​បឹង​ជង្រុក ប្រកួត​ជាមួយ​កម្លាំង កងរាជអាវុធហត្ថ​ខេត្ត​។ ពោលគឺ​ប្រកួត​វិលជុំ និង​ជម្រើស​ក្រុម​ឈ្នះ ប្រកួត​នឹង​ក្រុម​ឈ្នះ​ហើយ​ឈានទៅ​ប្រកួត ផ្តាច់​ព្រ័​ត្ត ។​

​លោក​បាន​បន្តថាៈ ការប្រកួត​កីឡា​បាល់​ទៈ លើក​នេះ គឺ​ដើម្បី​ជា​មិត្តភាព​ដើម្បី​អបអរសាទរ នឹង​លទ្ធផល ដំណោះស្រាយ​ឈ្នះ ឈ្នះ លើ​ទំនាស់​ដីធ្លី តំបន់​បឹង​ជង្រុក និង ៦៧១ ក្រោយពី​មាន​ជម្លោះ​ដ៏​រុំ​ា​រៃ អស់​រយៈពេល ១០ ឆ្នាំ កន្លងទៅនេះ​។ ជាងនេះទៅទៀត តំបន់​នេះ ក៏ត្រូវ​បានរៀបចំ ជា​តំបន់​អភិវឌ្ឍន៍​ឈ្នះ ឈ្នះ តេ​ជោ បឹង​ជង្រុក​-៦៧១ ម៉ាឡៃ ពោលគឺ​អោយទៅជា​ភូមិ​មួយ មានការ​រីកចម្រើន ស្របតាម​គោលនយោបាយ របស់​រាជរដ្ឋាភិបាល មាន​សម្តេច​តេ​ជោ ហ៊ុន សែន ជា​នាយករដ្ឋមន្ត្រី ។​

​សូម​រំលឹកថា កាលពី​រសៀល​ថ្ងៃទី​៦ ខែមករា ឆ្នាំ​២០២ បណ្តា​ក្រុម​កីឡាករ​បាល់ទះ ខាងលើ បានរៀបចំ​កម្មវិធី​ប្រកួត​កីឡាបាល់ទះ បែបនេះ​ម្តង​ហើយ ដោយ​ធ្វើ​នៅ​ក្រុង​ប៉ោយប៉ែត ក្នុង​បំណង​ដើម្បី​អបអរ​សារ​ទរ ថ្ងៃជ័យ​ជំនះ ៧ មករា ។​

​អ្នករៀបចំ​ការប្រកួត បាន​ថ្លែងអំណរគុណ ដល់​រដ្ឋបាលខេត្ត ស្រុក អ្នកពាក់ព័ន្ធ និង​សប្បុរសជន ដែល​បាន​សហការ​រៀបចំ ឧបត្ថម្ភ​ពានរង្វាន់ ប្រាក់រ​លើកទឹកចិត្ត ដល់​កីឡាករ ក៏ដូចជា​ចាត់ចែង​អាហារ និង​ភេសជ្ជៈ​សាមគ្គី​៕/V​-PC

ទីតាំងផ្សាយពាណិជ្ជកម្ម

- Advertisment -

Most Popular