Home ព័ត៌មានសំខាន់ៗ ពិភពលោក​បច្ចុ...

ពិភពលោក​បច្ចុប្បន្ន​មាន​វីរុស​កូរ៉ូណា​ប្លែ​ង​រូបរាង​ថ្មី​ដែល​អាច​ចម្លង​ខ្លាំង​ជាង​មុន​ចំនួន​បី និង​ចម្លង​ទៅ​រាប់សិប​ប្រទេស​

​ប្រែ​សម្រួលៈ​វាសនា​/​ហ្ស៊ឺ​ណែវ​៖​វីរុស​កូរ៉ូណា​ប្រភេទ​ថ្មីដែល​ឆ្លង​លឿន​ជាង​វីរុ​សមុន​និង​អាច​ទប់ទល់​នឹង​វ៉ាក់សាំង​ព្រមទាំង​ធ្វើអោយ​អង្គ​បដិបក្ខប្រាណ​ចុះថយ​ប្រសិទ្ធភាព​បាន​រាលដាល​យ៉ាង​លឿន​ទៅកាន់​​ប្រទេស​រាប់សិប នេះ​បើ​តាម​អង្គការ​សុខភាព​ពិភពលោក​បាន​អះអាង​កាលពី​ថ្ងៃ​ពុធ​។​

​ទីភ្នាក់ងារ​សុខភាពរ​បស់​សហប្រជាជាតិ​នេះ​បាន​និយាយថា វីរុស​កូរ៉ូណា ឬ​កូវី​ដ​១៩​ប្លែង​រូបរាង​ថ្មី​ដំបូង​ត្រូវបាន​គេ​រកឃើញ​នៅ​អង់គ្លេស និង​គិត​ត្រឹម​ថ្ងៃ​២៥​មករា វីរុស​នេះ​បាន​ចម្លង​ទៅកាន់​ប្រទេស​​ចំនួន​៧០​នៅ​គ្រប់​តំបន់​របស់​ពិភពលោក​។​

​វីរុស​ដែល​គេ​ស្គាល់​តាម​ពាក្យ​បច្ចេកទេស​ថា VOC 202012/01 ឬ B.1.1.7 ត្រូវបាន​អ្នកជំនាញការ​អះអាង​ថា​ឆ្លង​ងាយ​ជាង​វីរុស​កូរ៉ូ​ណាមុន គឺ​វា​ចម្លង​ទៅ​ជាង​១០​ប្រទេស​ក្នុងពេល​១​សប្តាហ៍​មក​នេះ​។​

​នាយករដ្ឋមន្ត្រី​អង់គ្លេស លោក​បូរី​ស ច​ន​សុន កាលពី​សប្តាហ៍​មុន​បាន​ព្រមាន​ថា​ការសិក្សា​ថ្មី​បង្ហាញថា វីរុស​នេះ​អាច​សម្លាប់​មនុស្ស​ខ្លាំង​ជាង​វីរុស​មុន តែ​អង្គការ​សុខភាព​ពិភពលោក​បាន​បញ្ជាក់​កាល​​ពី​ថ្ងៃ​ពុធ​ថា វា​គ្រាន់តែ​ជា​«​លទ្ធផល​សិក្សា​នេះ​ជំហាន​ដំបូង​»​និង​ទាមទារ​ការវិភាគ​បន្ថែម​។​

​សូមបញ្ជាក់​ថា គ្រប់​វីរុស​តែង​វិវត្ត​ដើម្បីស​ម្របខ្លួន​ទៅ​នង​បរិយាកាស​របស់​វា និង​អ្នកវិទ្យាសាស្ត្រ​បាន​តាមដាន​ការវិវត្តន៍​ប្រែប្រួល​រាប់សិប​លើ​ក​របស់​វីរុស​Sars-CoV-2​ជា​វីរុស​កូរ៉ូណា​ដើម​ដែល​បង្ក​ជំងឺ​កូ​វីដ​១៩​។​

​ការវិវត្តន៍​ប្រែប្រួល​របស់​វា​ភាគច្រើន​ដូរ​ខុស​ភាព​ភាព​ដើម​តិចតួច​ដែល​មិន​មាន​អ្វី​ត្រូវ​ចាប់អារម្មណ៍​ទេ តែ​អង្គការ​សុខភាព​ពិភពលោក​បាន​អំពាវនាវ​អោយ​ប្រទេស​នានា​តាមដាន​ការវិវត្តន៍​ប្រែប្រួល​​របស់​វីរុស​នេះ​អោយ​សកម្ម ព្រោះ​វា​អាច​ប្រែ​ក្លាយទៅជា​វីរុស​ឆ្លង​លឿន​និង​សម្លាប់​មនុស្ស​ខ្លាំង​ឡើង​។​

​នៅ​អាហ្វ្រិក​ខាងត្បូង​ឥឡូវ​មាន​លេចឡើង​វីរុស​កូរ៉ូណា​501.V2 ដែល​គេ​ថា​ចម្លង​លឿង​ជាង​វីរុស​ដើម​ផង​ដែរ​។​វា​ត្រូវ​បាន​រកឃើញ​ដំបូង​នៅ​ក្នុងប្រទេស​នេះ​កាលពី​ខែតុលា​ឆ្នាំ​មុន ហើយ​ឥឡូវ​ចម្លង​ទៅកាន់​៣១​ប្រទេស និង​៨​ប្រទេស​នៅ​១​សប្តាហ៍​មក​នេះ​។​

​អង្គការ​សុខភាព​ពិភពលោក​បាន​និយាយថា វីរុស​កូរ៉ូណា​ថ្មី​ប្រភេទ​ទី​៣ ក៏​ត្រូវបាន​គេ​រកឃើញ​នី​ប្រេ​ស៊ីល ។​វា​ឥឡូវ​ចម្លង​ទៅកាន់​៨​ប្រទេស​។​វីរុស​នេះ​ត្រូវ​គេ​ដាក់ឈ្មោះថា​P1 និង​កំពុង​បង្ក​ការភ័យខ្លាច​ថា​វា​​ចម្លង​និង​សម្លាប់​មនុស្ស​ខ្លាំង​ជាង​វីរុស​ដើម​ផង​ដែរ​។​

​លើ​ពិភពលោក​បច្ចុប្បន្ន ទាំង​វីរុស​កូរ៉ូណា​ចាស់​និង​ថ្មី បាន​ចម្លង​មនុស្ស​៤,១​លាន​នាក់​នៅ​មួយ​សប្តាហ៍​មក​នេះ និង​សម្លាប់​ប្រមាណ​៩៦.០០០​នាក់​៕

​ផ្ទាំង​ឃោសនា​សុខភាព​មួយ​នៅ​ស្ថានីយ​រថយន្តក្រុង​មួយ​នៅ​ក្រុង​ឡុង​ដ៍​កាលពី​ថ្ងៃ​២៧​មករា​

ទីតាំងផ្សាយពាណិជ្ជកម្ម

- Advertisment -

Most Popular