រដ្ឋមន្ត្រី នឹង​បង្កើត​អង្គភាព​ថែទាំ​ប្រាសាទ ក្នុង​ឧទ្យាន​អង្គរ​

ដោយៈ អង្គរតូច​/​សៀមរាបៈដ្ឋមន្ត្រីក្រសួង​វប្បធម៌ និង​វិចិត្រសិល្បៈ និង​ជា​ប្រធាន​អាជ្ញាធរ ជាតិ​អប្សរា លោកស្រី ភឿង ស​កុ​ណា បានលើកឡើង​ថាៈ ដើម្បី​គាំពារ​ដល់​កិច្ចការ អភិរក្ស​ប្រាសាទបុរាណ អាជ្ញាធរ​ជាតិ​អប្សរា នឹង​បង្កើត​អង្គភាព ថែទាំ​ប្រាសាទ​ដែលជា អង្គភាព​ថ្មី​មួយ ចំណុះ​ឲ្យ​នាយកដ្ឋាន អភិរក្ស​ប្រាសាទ ក្នុង​ឧទ្យាន​អង្គរ និង​បុរាណវិទ្យា បង្ការ​។

​លោកស្រី រដ្ឋមន្ត្រី មានប្រសាសន៍​បែបនេះ នៅក្នុង​បទសម្ភាសន៍ ជាមួយ​អ្នកសារព័ត៌មាន ក្រោយពេល​បញ្ចប់​កិច្ចប្រជុំ បច្ចេកទេស លើក​ទី​៣៤ និង​កិច្ចប្រជុំពេញអង្គ លើក​ទី​២៧ គណៈកម្មាធិការ​អន្តរជាតិ ដើម្បី​សម្របសម្រួល​កិច្ច​គាំពារ និង​អភិវឌ្ឍន៍ រមណីយដ្ឋាន ប្រវត្តិសាស្ត្រ​អង្គរ ហៅ​កាត់ អាយ​ស៊ី​ស៊ី​-​អង្គរ ( ICC-Angkor ) នៅ​ខេត្តសៀមរាប នា​ព្រលប់ ថ្ងៃទី​២៧ ខែមករា ឆ្នាំ​២០២១ នេះ​។​

​លោកស្រី រដ្ឋមន្ត្រី បាន​មានប្រសាសន៍ថាៈ សព្វថ្ងៃ អាជ្ញាធរ​ជាតិ​អប្សរា មាន​នាយកដ្ឋាន អភិរក្ស​ប្រាសាទ ក្នុង​ឧទ្យាន​អង្គរ និង​បុរាណវិទ្យា​បង្ការ ដែល​នាយកដ្ឋាន​នេះ ជា​អ្នកប្រតិបត្តិ លើ​គម្រោង​អភិរក្ស​ធំៗ​។ ការអនុវត្ត​គម្រោង​ធំៗ ទាំងនោះ ទាមទារ​ឲ្យ​មានការ​លើកឡើង ជា​សំណើ មក​គណៈកម្មាធិការ អាយ​ស៊ី​ស៊ី​អង្គរ ដើម្បី​ត្រួតពិនិត្យ និង​អនុម័ត​សម្រេច​។ ប៉ុន្តែ​សម្រាប់​ការងារ​ថ្មី ដែល​បង្កើតឡើង​នេះ គឺអាច​ប្រតិបត្តិ ការងារ​ថែទាំ អភិរក្ស​ប្រាសាទ បាន​លឿន បាន​រហ័ស ដោយ​មិនចាំបាច់​ឆ្លងកាត់ ការសម្រេច​ពី​អ្នកជំនាញ របស់​គណៈ ក​ម្មា​ធិ​ការ​អាយ​ស៊ី​ស៊ី​អង្គរ នោះឡើយ​។​

​សូមបញ្ជាក់ថាៈ កិច្ចប្រជុំ​បច្ចេកទេស លើក​ទី​៣៤ និង​កិច្ចប្រជុំពេញអង្គ លើក​ទី​២៧ គណៈកម្មាធិការ​អន្តរជាតិ ដើម្បី​សម្របសម្រួល កិច្ច​គាំពារ និង​អភិវឌ្ឍន៍ រមណីយដ្ឋាន ប្រវត្តិសាស្ត្រ​អង្គរ ហៅ​កាត់ អាយ​ស៊ី​ស៊ី​-​អង្គរ ( ICC-Angkor ) បានធ្វើ​ឡើង ក្នុង​រយៈពេល ២​ថ្ងៃ គឺ​ថ្ងៃទី​២៦ និង ២៧ ខែមករា ឆ្នាំ​២០២១​។ ក្នុង​កិច្ចប្រជុំ ដែលមាន Video Conference នេះ បាន​ពិភាក្សាគ្នា លើ​ចំណុច​សំខាន់ៗ ដែល​ទាក់ទង​លើ​ការអភិរក្ស​នៅក្នុង​រមណីយដ្ឋាន អង្គរ ហើយក៍​បានបញ្ចប់ ដោយ​ជោគជ័យ ផងដែរ​៕/V​-PC

ទីតាំងផ្សាយពាណិជ្ជកម្ម

- Advertisment -

Most Popular