Home ព័ត៌មានជាតិ សន្តិសុខ ចៅក្រម​ស៊ើបសួ...

ចៅក្រម​ស៊ើបសួរ ខេត្ត​ប៉ៃលិន សម្រេច​ឃុំខ្លួន​ជន​ត្រូវ​ចោទ ២ នាក់ ក្រោម​បទ​សមគំនិត ប្រើ​ហិង្សា​ដោយ​ចេតនា

ដោយៈ ភ្នំ​ខៀវ / ប៉ៃលិនៈ ចៅក្រម​ស៊ើបសួរ សាលាដំបូង ខេត្ត​ប៉ៃលិន បានសម្រេច​ឃុំខ្លួន ជន​ត្រូវ​ចោទ ចំនួន ២ នាក់ ពីបទ​សមគំនិត​ប្រើ​ហិង្សា ដោយ​ចេតនា ប្រព្រឹត្ត​នៅក្នុង​ហាង សែនសប្បាយ​។​

​កម្លាំង​នគរបាល​យុត្តិធម៌ នៃ​អធិការដ្ឋាន​នគរបាល ស្រុក​សាលា​ក្រៅ បានបញ្ជាក់​ឲ្យ​ដឹងថាៈ កាលពី​ថ្ងៃទី​២៧ ខែមករា ឆ្នាំ​២០២១ កន្លងមកនេះ កម្លាំង​ជំនាញ បាន​នាំខ្លួន​ជន​ត្រូវ​ចោទ ចំនួន ២ នាក់ ទៅកាន់​ពន្ធនាគារ ខេត្ត​ប៉ៃលិន បន្ទាប់ពី​លោក ប៊ិន សក្តា ចៅក្រម​ស៊ើបសួរ នៃ​សាលាដំបូង​ខេត្ត សម្រេច​ឃុំខ្លួន នៅ ពន្ធនាគារ​ខេត្ត ពី​ការ​សមគំនិត ក្នុង​បទ​ហិង្សា ដោយ​ចេតនា មាន​ស្ថាន​ទម្ងន់ទោស និង​ការមិន​រាងចាល ក្នុង​បទ​ម​ជ្ឍឹ​ម​។​

​ជន​ត្រូវ​ចោទ​ទី​១ មានឈ្មោះ យន់ សំណាង ភេទ​ប្រុស អាយុ ២៣ ឆ្នាំ មុខរបរ មិន​ពិត ប្រាកដ រស់នៅ​ភូមិ​វត្ត សង្កាត់​ប៉ៃលិន ក្រុងប៉ៃលិន ត្រូវ​បានដាក់​ក្រោម​ការ ត្រួតពិនិត្យ តាមផ្លូវ​តុលាការ និង​ជន​ត្រូវ​ចោទ​ទី​២ ឈ្មោះ ហួន ស​គ្រិត ភេទ​ប្រុស អាយុ ២៤ ឆ្នាំ មុខរបរ មិន​ពិតប្រាកដ មាន​ទីលំនៅ​ក្នុងភូមិ​ផ្សារ​ព្រំ​ជើង ឃុំ​ស្ទឹង​កាច់ ស្រុក​សាលា​ក្រៅ ខេត្ត​ប៉ៃលិន ។​

​សមត្ថកិច្ច បាន​បន្តថាៈ ជន​ត្រូវ​ចោទ​ទាំង ២ នាក់ ខាងលើ បាន​សមគំនិត​រួមគ្នា ក្នុង​បទ ប្រើ​ហិង្សា ដោយ​ចេតនា មាន​ស្ថាន​ទម្ងន់ទោស និង​ការមិន​រាងចាល ក្នុង​បទ​ម​ជ្ឍឹ​ម ប្រព្រឹត្ត​នៅ​ចំណុច​ហាង សែនសប្បាយ ស្ថិតក្នុង​ភូមិ​ផ្សារ​ព្រំ​ជើង ឃុំ​ស្ទឹង​កាច់ ស្រុក​សាលា ក្រៅ កាលពី​ថ្ងៃទី​២២ ខែមករា ឆ្នាំ​២០២១ ជា​បទល្មើស​ព្រហ្មទណ្ឌ ដែលមាន​ចែង និង​ឲ្យ​ផ្តន្ទាទោស តាម​ប​ញ្ញ​តិ​មាត្រា ២១៨ និង​មាត្រា ៨៨ នៃ​ក្រមព្រហ្មទណ្ឌ​៕/V-PC

ជន​ត្រូវ​ចោទ​មុន​ការឃុំ ​(​រូប​:​នគរបាល​)​

ទីតាំងផ្សាយពាណិជ្ជកម្ម

- Advertisment -

Most Popular