Home ព័ត៌មានជាតិ សេដ្ឋកិច្ច គណៈកម្មការ​អន...

គណៈកម្មការ​អន្តរក្រសួង​ចុះ​ពិនិត្យ​គម្រោង​សង់​ផ្លូវ​៣៨​ខ្សែ​នៅ​ក្រុង​សៀមរាប​

ដោយ​: ប​.​ខុន / ភ្នំពេញ​: សម្តេច​ពិជ័យ​សេនា ទៀ បាញ់ ឧបនាយករដ្ឋមន្ត្រីរ​ដ្ឋ​មន្ត្រី​ក្រសួងការពារជាតិ និង​ជា​ប្រធាន​គណៈកម្មការ​អន្តរក្រសួង ដើម្បី​សិក្សា និង​អនុវត្ត​គម្រោង​ស្ថាបនា​ហេដ្ឋារចនាសម្ព័ន្ធ​ផ្លូវ​៣៨​ខ្សែ នៅ​ក្រុង​សៀមរាប ខេត្តសៀមរាប នៅ​ថ្ងៃទី​២៨​ខែមករា​ឆ្នាំ​២០២១ បាន​ដឹកនាំ​សមាជិក​និង​មន្ត្រី​ជំនាញ ចុះ​ពិនិត្យ​ការងារ​ដែល​កំពុង​អនុវត្ត​យ៉ាង​មមាញឹក​នៅក្នុង​ក្រុង​ទេសចរណ៍​មួយ​នេះ​។​

​នៅក្នុង​ឱកាស​ខាងលើ មានការ​អមដំណើរ​ពី​លោក ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួង​រៀបចំ​ដែនដី​នគ រូបនីយកម្ម​និង​សំណង់ លោ​កក​ត្តិ​បណ្ឌិត លឹម គាន ហោ រដ្ឋមន្ត្រីក្រសួង​ធនធានទឹក​និង​ឧតុនិយម និង លោក​បណ្ឌិតសភា​ចា​រ្យ អ៊ុក រ៉ាប៊ុន រដ្ឋមន្ត្រីក្រសួង​អភិវឌ្ឍន៍ជនបទ​អនុប្រធាន​គណៈកម្មការ​, លោក ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួង​សាធារណការ​និង​ដឹកជញ្ជូន និង​ជា​អនុប្រធាន​អចិន្ត្រៃយ៍ នៃ​គណៈកម្មការ​និង​រដ្ឋមន្ត្រី រដ្ឋលេខាធិការ​ជាច្រើន រូប​ផ្សេងទៀត​។​

​រំលឹក​ឱ្យដឹងថា គម្រោង​ស្ថាបនា​ហេដ្ឋារចនាសម្ព័ន្ធ​ផ្លូវ​៣៨​ខ្សែ​នៅ​ក្រុង​សៀមរាប ខេត្តសៀមរាប និង​ស្ទឹង​សៀមរាប​ក្រុង​សៀមរាប​នេះ បាន​បើក​ការដ្ឋាន​សាងសង់​ជា​ផ្លូវការ​ក្រោម​អធិបតីភាព ដ៏​ខ្ពង់ខ្ពស់​របស់​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា កាលពី​ថ្ងៃទី​៣០ ខែវិច្ឆិកា ឆ្នាំ​២០២០​។​

​គួរ​និយាយ​ឱ្យដឹងថា គម្រោង​ស្ថាបនា​ហេដ្ឋារចនាសម្ព័ន្ធ​ផ្លូវ​ចំនួន​៣៨​ខ្សែ មាន​ប្រវែង​សរុប ១០៨,៧៤​គីឡូម៉ែត្រ និង​ស្តារ​-​កែលម្អ​ដងស្ទឹង​សៀមរាប ក្នុង​ក្រុង​សៀមរាប​នឹងចូលរួម​សម្រួល​ចរាចរណ៍ លើកកម្ពស់​សោភ័ណភាព​ទីក្រុង ទាក់ទាញ​ភ្ញៀវទេសចរ និង​វិនិយោគិន និង​ចូលរួម​ជំរុញ​កំណើនសេដ្ឋកិច្ច​ប្រកបដោយ​និរន្តរភាព​។​

​ការស្ថាបនា​ហេ​ដ្ឋា​សម្ព័ន្ធ​ផ្លូវ​ក្រុង មាន​ជាអាទិ៍ ប្រព័ន្ធ​រំដោះ​ទឹកភ្លៀង​និង​ទឹក​កខ្វក់ ផ្លូវថ្នល់ ផ្លូវ​ថ្មើរជើង ការរៀបចំ​កែលម្អ​ដងស្ទឹង​សៀមរាប លម្អ​សាធារណៈ​ជាដើម ដោយ​គោរព​តាម​គោលការណ៍​នគរូបនីយកម្ម នឹង​ធានា​នូវ​សុខដុម​នីយកម្ម​វប្បធម៌ និង​បរិស្ថាន នឹងធ្វើ​ឱ្យ​ក្រុង​សៀមរាប​ស័ក្តិសម ជាទី​ក្រុង​បេតិកភណ្ឌ និង​ទេសចរណ៍​ប្រវត្តិសាស្ត្រ និង​ធម្មជាតិ​កម្រិត​អន្តរជាតិ​។ ប្រជាពលរដ្ឋនៅក្នុង ខេត្តសៀមរាប នឹង​ទទួលបាន​នូវ​អត្ថប្រយោជន៍​ពី​ការអភិវឌ្ឍ​នេះ​៕​

ទីតាំងផ្សាយពាណិជ្ជកម្ម

- Advertisment -

Most Popular