សំណុំរឿង​រួមគំនិត​ក្បត់ : តុលាការ​នឹង​បន្ត​បើកសវនាការ​កាត់ទោស សម រង្ស៊ី និង​បក្ខពួក នៅ​ថ្ងៃទី​១៨ កុម្ភៈ​

​ដោយ​:​មុនី​រ័ត្ន​/​ភ្នំពេញៈ តុលាការ​បាន​បន្ត​សវ​នា​ការ​សំណុំរឿង​រួមគំនិត​ក្បត់ ញុះញង់​ឲ្យ​មាន​ភាពវឹកវរ​ធ្ងន់ធ្ងរ​ដល់​សន្តិសុខ​សង្គម និង​ញុះញង់​ឲ្យ​ប្រព្រឹត្ត​បទឧក្រិដ្ឋ​ជាអាទិ៍ នៅ​ថ្ងៃទី​២៨ ខែមករា ឆ្នាំ​២០២១ នេះ​បន្ទាប់ពី​បើកសវនាការ​ជំនុំជម្រះ កាលពី​ថ្ងៃទី​១៤ ខែមករា ឆ្នាំ​២០២១​។

​នៅក្នុង​សំណុំ​រឿងនេះ គឺមាន​មនុស្ស​សរុប​ចំនួន ១៣៩​នាក់ ត្រូវបាន​កោះ​ឲ្យ​ចូលខ្លួន​ទៅក្នុង​សវនាការ​។

​នៅក្នុង​សវនាការ​នា​ព្រឹក​ថ្ងៃទី​២៨ ខែមករា ឆ្នាំ​២០២១​នេះ គឺមាន​ជនជាប់ចោទ​ចំនួន ៤​នាក់ (​នៅក្នុង​ឃុំ ២​នាក់ និង​ក្រៅ​ឃុំ ៤​នាក់​) តែប៉ុណ្ណោះ​ដែលមាន​វត្តមាន​នៅក្នុង​សវនាការ​។

​បន្ទាប់ពី​បើក​សវាន​ការសាកសួរ​ដេញដោល​អ​ស់​ពេល​ពេញ​មួយ​ព្រឹក តុលាការ​បានប្រកាស​ប​ន្ត​សវនាការ​នៅ​ថ្ងៃទី​១៨ ខែកុម្ភៈ ឆ្នាំ​២០២១​។​

ការបន្ត​សវនាការ​នេះ គឺ​បន្ទាប់ពី​តុលាការ​បាន​បើកសវនាការ​ជំនុំជម្រះ​កាលពី​ថ្ងៃទី​ថ្ងៃទី​២៦ ខែវិច្ឆិកា ឆ្នាំ​២០២០ , កាលពី​ថ្ងៃទី​១៤ ខែមករា ឆ្នាំ​២០២១ (​ជនជាប់ចោទ​តែ​ចំនួន ៣៤​នាក់​តែប៉ុណ្ណោះ​បាន​ចូលខ្លួន​នៅក្នុង​សវនាការ​) និង​ថ្ងៃទី​២៨ ខែមករា ឆ្នាំ​២០២១ (​ជនជាប់ចោទ ៤​នាក់ ចូល​សវនាការ​)​។ ចំណែក​លោក សម រង្ស៊ី និង​បក្ខពួក​គឺ​មិនបាន​ចូលខ្លួន​នៅក្នុង​សវនាការ​ន​នោះទេ​។​

លោក​គុជ គឹម​ឡុង អ្នកនាំពាក្យ​សាលាដំបូង​រាជធានី​ភ្នំពេញ​បាន​ឲ្យ​ដឹងថា សវនាការ​នេះ គឺ​លើ​បួន​សំណុំរឿង ហើយ​ក្រុមប្រឹក្សា​ជំនុំជម្រះ​បានសម្រេច​បញ្ចូល​ជា​ពីរ​សំណុំរឿង ដោយ​សំណុំរឿង​ទី​១. សវនាការ​កាលពី​ថ្ងៃទី​ថ្ងៃទី​២៦ ខែវិច្ឆិកា ឆ្នាំ​២០២០ និង​កាលពី​ថ្ងៃទី​១៤ ខែមករា ឆ្នាំ​២០២១ បន្ត​មក​ថ្ងៃទី​២៨ ខែមករា ឆ្នាំ​២០២១ និង​សំណុំរឿង​ទី​២. បន្ត​សវនាការ​នៅ​ថ្ងៃទី​៤ ខែមីនា ឆ្នាំ​២០២១​។

លោក​គុជ គឹម​ឡុង អ្នកនាំពាក្យ​សាលាដំបូង​រាជធានី​ភ្នំពេញ បាន​ឲ្យ​ដឹងថា លោក​សម រង្ស៊ី និង​បក្ខពួក​ជាង ១០០​នាក់ ត្រូវបាន​ចោទប្រកាន់​ពីបទ “​រួមគំនិត​ក្បត់ ញុះញង់​ឲ្យ​មាន​ភាពវឹកវរ​ធ្ងន់ធ្ងរ​ដល់​សន្តិសុខ​សង្គម និង​ញុះញង់​ឲ្យ​ប្រព្រឹត្ត​បទឧក្រិដ្ឋ​ជាអាទិ៍​” ប្រព្រឹត្ត​នៅ​ប្រទេស​កម្ពុជា​និង​ទីកន្លែង​ផ្សេងៗ​ទៀត​កាលពី​ថ្ងៃទី​២០-២១-២២-២៥-២៦ និង​នៅ​ថ្ងៃទី​២៧ ខែមករា ឆ្នាំ​២០១៩ និង​កាលពី​អំឡុង​ខែមិថុនា ឆ្នាំ​២០១៩ តាម​បញ្ញត្តិ​មាត្រា ៤៥៣ មាត្រា ៤៩៤ និង​មាត្រា ៤៩៥ នៃ​ក្រមព្រហ្មទណ្ឌ នៃ​ព្រះរាជាណាចក្រ​កម្ពុជា​៕​

ទីតាំងផ្សាយពាណិជ្ជកម្ម

- Advertisment -

Most Popular